بنات صرت متأكدة إن خطيبي إنسان شكاك أبي الحل

السلام عليكم
ياغاليات أنا مخطوبة من مدة ومن فترة بسيطة تقريبا ثلاث اسابيع صرت اكلم خطيبي بالتليفون طبعا بعلم أمي وأهله .. قبل كتبت لكم موضوع عن اسئلته عن اللي خطبوني قبله وسألتكم ان كانت تدل على انه انسان شكاك أو لأ ..
المهم اليوم صار موقف غريب انا كانت صديقتي من امس جالسة ترسل لي من جوال اختها مسجات وتقول اتحداك تعرفيني واليوم ارسلت لي مسج وعرفت من هي فكتبت لها ( عرفتك ) وبدل ماارسله لها ارسلته بالغلط على جوال خطيبي .. وبعدها بسرعة ارسلت له اعتذر منه وكتبت اسفة المسج كان المفروض يروح لصديقتي بس ارسلته لك بالغلط ... دريت الا راد علي وكاتب ( وليه كتبتي لصديقتك عرفتك ؟ ) انا انقهرت من سؤاله وارسلت له مسج قصيت له السالفة كاملة وكيف كانت صاحبتي من امس ترسل لي وانه اليوم عرفتها وارسلت لها واخر الرسالة كتبت له ( تبي اي استفسارات ثانية ؟ ) وطنشني وماارسل يعتذر ولا ارسل اي مسج بعدها .

هل تشوفون انه انسان شكاك وتنصحوني ابعد عنه مادمنا في بداية الطريق ؟؟

الله يخليكم محتاجة رايكم ضروري