شاركي في النقاش

سجلي الدخول لإضافة تعليق.

التعليقات

66
  1. @amyrh_bhyrh

    حبيبتي نانو
    انا ماقلت حطيها على النار وسبب انها يابسه معك
    لانك حمستيها
    انا قلت حطي عليها زبده حاره وغطيها يعني بدون نار الين تلين شوي
    انا دائما اصلحها والله تكون قريبه جدا من كنافة الناضج
    وبالعافيه
  2. @nano2007_1

    صاحبة الموضوع
    جيتكم ياحلوات بالطريقة الرهيبة طبعاً بعد الإستفادة من القمورات اللي ردوا على موضوعي ...
    طبعاً أنا جربت كذا طريقة وأقرب طريقه هي كالتالي/
    كنافة السنبله ( جاهزة في السوبرماركت ) + قشطة طازجة ( أنا أخذت المراعي)
    سمن نباتي (قودي) شيرة ...
    هذي كل الأغراض وقبل ما أعلمكم بالطريقة لازم يكون عندك صينية
    صغيرة مرة مقاس صوانيهم القصدير مثل صحن الايدام لكن حديد تلقونها عند
    ابو ريالين أنا عندي اثنين بس ...
    نجي للطريقة ...
    خذي ربع الكنافة وفتفتيه بيدك لين تصير وكأنها مطحونه ولازم تكون الكنافة قبل
    بالفريزر عشان تفتفت بسرعة .. بعدين خذي ملعقة كبيرة من السمن وافركي الشعر زين
    ثم خذي منه قليل رصيه بالقالب زين ثم حطي علبة قشطة بشويش ثم شعر كنافة حطي
    طبقه خفيفة مرة .. ثم حطيها على اصغر عين عندك وعلى نار واطيه لين تشقر
    من الجوانب ترى ماتاخذ خمس دقايق ثم اقلبيها في صحن التقديم واغريقيها
    بالشيرة ويازينها وهي حااااره وبالهناااااااااااااااااء

    الشهد2004 ، شيرة نت ، ادعو لي ادخل الجنة ، النشمية ، ام عاصم 1429 ،
    اميرة بحيرة ، مهذبة بدينها من القصيم ، ام برهوووم...
    مشكورات جميعاً نفسي أرد على كل وحدة وأشكرها لكن والله ماعندي وقت
  3. @aga_allyl

    يااااااااااااااقلبي والله دورت الموضوع من فتره ولاحصلته

    ومن بعدها نسييييييييت

    وهذاني اكتبها لكم بس قبل كل شي ابي
    اقولكم ان بعض الاكلات بتنجح مع ناس وناس تختلف
    اختى تضبط اكلات ماضبتطها وانا كذلك
    لااحد يجي يقول غير

    بس والله والله
    من ذااااااااقها عجبتها خصوصا اخواني كانوا من عشااااااااق
    كنافة الرومانسيه

    سموا بالله

    كنافه السنبلة اوي اي شي يعجبك ....اصبع زبده

    عني اطحن الكنافة بخلاط الطماطم الكاس
    بس اخلط جزء جزء موكلها مع بعض

    ثم افركها مع الزبده زززززززين ثم اضيف 3ملاعق سكر ناعم مو مطحون لا
    بالتدريج وافركها تمام

    ثم اخذ نص او اكثر من النص واضغط عليها بالصينيه
    اذا ماتقدرين اكبسيها بشي ثقيييل بقدر او اي شي

    ثم ضيفي الحشوة
    1قيمركبير
    4حبات جبن كيري
    1قشطة طازجه افضل المزرعه شاده شوي
    تخلطينهم مضبوط
    وتضفينها للكنافه
    ثم تحطين باقي الكنافه وع الفررررن

    واول ماتطلعينها من الفرن سقيها 5ملاعق شيره
    وشوي بس واقلبيها
    واسقيها شيره
    ترى طعم له دور اضبطيها قبل

    تنفع بصواني الكب كيك او كبيره او ع الصاج مايهم بس بالفرن اريح

    واااااااااااااسفه ع التاخير
    وان شاء الله لاسويتها صورتها لكم
    اتمنى تعجبكم مثل ماعجبت الكل والله

تابعي تجارب أخرى من هذا القسم.