محبطه من (عرفان) فقررت( فقيه)...بس سؤال بليز...

بالنسبة لي انا والدة من ثلاث اشهر وكنت ناوية احجز موعد عند د.هدى خير يوم السبت 8 شوال وكان أول موعد لي وانا في نهاية التاسع عشان انسق مع الدكتورة للولادة ولكن تأتي الرياح بما لاتشتهي السفن وبيوم الجمعة بالليل 7 شوال اشتغل الطلق معاي دقيت على طوارئ عرفان عشان اشوف من المناوب قالوا دكتورة عواطف:( قلت امري لله اروح يوم رحت كشفت علي قالت ولادة وكانت الساعة 3,5 ليلا ارتحت للدكتورة هذي مررررره بس قالت انا تنتهي مناوبتي الساعة 8 الصباح ورح تجيك دكتورة ايمان بغدادي :mad: عصبت وقلت ابغاك انتي تولديني بصراحة ارتحتلك ولكنها قالت انا ود. ايمان زي بعض قلت امري لله :44: وحان وقت الولادة:09: وجت الدكتورة ايمان منتهى الطيبة والاخلاق وولدت الحمد لله الساعة 11 الصباح :icon28: بس عن تجربة دكتورة ايمان بغدادي ممتازة ومتدينة ومنتهى التواضع خياطة تجميلية ترجعك بكررررررررررررررر:icon18: ولما جت تكشف علي من بكرة تخيلوا انها هي اللي شالت الكوتكسة وانتم بكرامة وودتها لدورة المياة اعزكم الله على الرغم من وجود ممرضة معاها اسفة على الاطالة بس حبيت افيدكم والولادة تساهيل والله يهون على كل حاااااامل

يعني تنصحيني بإيمان والله محتاره..وكيف التخدير الموضعي اش عملت لك؟؟الكمام ولا ابرة الفخذ؟؟؟والف مبروك ماجاك..

الله يبرد قلبك...ويسعدك.. خلاص برجع لها..وتوكلت على الله...

حبيبتى انا ولدت قبل اربع سنين عند سحر مالودي في فقية وبصراحة ارتحت معاها مرة واذا الله كتبلى حمل إن شاء الله اتابع واولد عندها والمستشفى ممتاز والتمريض ممتاز واهم شي خبرة في الولادة



معلومة جانبية سحر مالودي استشارية نساء وولادة الكشفية 200 ريال ( ليست عيادة خاصة ) واذا كان زوجك مدرس 150 ريال


وانا في ولادتى كنت مطوله وتعبت واخذت اربة الضهر اعطاني هي دكتور سعد باشا مرة شاطر والحمد لله ما حسيت بشي بعدها لا طلق ولا نزول راس ولا خياطة ولا شي الحمد لله

واذا ما اخدتيها كمامة وبعد ما ينزل الراس يعطوكي ابرة في المهبل تنامي بعدها وما تصحي الا في الغرفة فوق

والخياطة الحمد لله طيبة مرة

بس بالنسبة للمواعيد زحمة اذا تبغى تروحي انتظار حاولى تكوني قبل الساعة اربع عشان تاخدي سرا بدري لان الاولوية للمواعيد بس اذا اخدتي رقم بدري ممكن تدخلي


الله يعطيكي ولادة سهلة ومع دكتورة طيبة يارب