شاركي في النقاش

سجلي الدخول لإضافة تعليق.

التعليقات

15

  1. @aabk_alrhyl

    صاحبة الموضوع
    ** أخيراً **
    طبعاً اختي هذا مشروع بإذن الله ناجح.. وانا اشجعك عليه (احب الطموحات) وبما انك طالبه في الجامعه ابدئي تسويقك لطبخاتك من الجامعه ومادامك خجوله ما فيه داعي ابداً انك تقولي لاحد انك انتي الي تطبخين(حتى لصديقاتك) قولي وحده اعرفها او جارتنا وهي …
    شكرا لك اختي وعلى تشجيعك لي

    وفكرتك هي عين العقل بس فيها مشكلة كبيييييييييييييرة احس اني لو سويت كذا يعني اني بكذب :(

    أنا من لما قرأت ردك وقلبي وقع في بطني واحس اني ميتة من الخوف :hahaha:

    خخخخخخخخخ صدق اني اضحك

    يعني هل هذا الشيئ عادي ولو بعدين انكشفت شنو بقولون عني صديقاتي ولا الموضوع عادي ما فيه شيئ

    ردي علي حبيبتي أخيرا آرائك كلش حلوة

  2. @shmaa_nhar_2

    الله يوفقك ياعسل


    الشغل مو عيب عشان تخجلين منه او حتى من الناس خليك واثقه من نفسك ومن عملك وبتكبرين بنظر الكل

    الله يوفقك وييسر امورك

  3. @aabk_alrhyl

    صاحبة الموضوع
    شمعــ نهـارــة
    الله يوفقك ياعسل الشغل مو عيب عشان تخجلين منه او حتى من الناس خليك واثقه من نفسك ومن عملك وبتكبرين بنظر الكل الله يوفقك وييسر امورك
    والله كلامك افرح قلبي بس تعرفون شنو المشكلة الكبيرة خخخخخخخخخخ

    إن الناس متعودة علي اني هينة وينأكل حقي دائما واني مبتسمة وما في على لساني غير كلمة "عادي" "خذي راحتك" لو وش يسوون فيني

    ما اقدر اتخيل كيف بشوفوني واني جد وشخصيتي قوية

  4. @aabk_alrhyl

    صاحبة الموضوع
    اختي شمعه نهارية رايك أقول ان الطبخات لي ولا أقول انها ما هي لي واريح نفسي من الخجل

  5. @aabk_alrhyl

    صاحبة الموضوع
    باركوا لي انا بديت بس خفيف جدا كتجربة

    عملت اليوم بسكويت نشا كمية صغيرة كلفتني حول ال 12 - 14 ريال

    واستغرق اعداده من الساعة ونصف إلى ساعتين


    طلع البسكويت جدا جدا لذيذ

    بعدين وزعته على علبتين بلاستيك حجم متوسط (داخل كل علبة حول ال 60 بسكويته) وشكل البسكويتات شكل دبدوب وشوية قلوب

    وزينت العلبة بشوية شرايط وورود

    وحطيت له سعر 12 ريال لكل علبة (يعني 24 ريال المجموع)

    وكان عندنا بالبيت خالتي عندها ولد واحد صغير عمره 4 سنوات ما شاء الله تبارك الرحمن

    مع اني كنت الصبح مخبرتها اني بسوي المشروع ومناقشتها فيه، وولدها الله يخليه _أحبه موووووت- عجبه البسكويت حيييل وظل ياكل فيه دون توقف بالرغم من انه يكره الأكل وامه تتمنى اي شيئ ياكله بس تبغيه ياكل

    لكن بالرغم من كل هالمقومات ما قدرت اعرض عليها البسكويت واقولها اذا تبغى تشتريه لو لأ استحيت

    بعدين أمي قامت اشترت العلبتين مني (بالرغم من انها مو عاجبتها فكرة المشروع تقول لي انه بيكون تعب عالفاضي لان الناس بتقول انا الأكل غالي حتى لو بعته بربح قليل جدا فما يسوى التعب) وعطت وحده لخالتي ووحده أخذتها عندها عشان تاكل منها بالليل تقول وووايد عجيب البسكويت

    انا فرحت كثير وتشجعت بس حسيت اني فشلت لان امي بس اهي الي اشترتهم اصلا انا ما عرضتهم عشان احد يشتريهم

    بعدين جت بنت خالتي عمرها 15 سنة وذاقت البسكويت وعجبها (مع انها مغرورة وما يعجبها العجب) ولما خبرتها عن سعره بالرغم اني مو عارضته للبيع قالت احنا نشتري البسكويت من محل كذا بس ب 7 ريال اذا بتبيعيني اياه ب 7 ريال باخذه وبسخرية (هي هذا طبعها تحب تحقر منجزات الآخرين) انكسر خاطري واااايد

تابعي تجارب أخرى من هذا القسم.