بنت سلفتي العزيزة

كيفكم يا امهات اتمنى الجميع يكون باتم الصحه..

طالبه مساعدتكم بشي واتمنى انه اقل شي تفيدوني

عندي سلفتي ولدت في اول شهرها السادس وجابت توام ووحده اتوفت والثانيه في الحضانه
والحمدلله احوال الثانيه بدات تتحسن بعد مرور 3 اشهر عليها في الحضانه والطفله توها بدت تشرب حليب والحليب اللي تاخذه بالمستشفى اسمه( اس 26 لناقصي الوزن ) وهذا الحليب ما يوجد الا بالمستشفيات ومخصص للاطفال اللي في الحضانات فقط!!!
فالدكتورة قالت للام حاولي توفري نوع الحليب هذا لبنتك لانها جدا ضعيفه وما يناسبها الا النوع هذا

خلاصة الموضوع يا بنات مين تعرف احد يشتغل بصيدلية احد المستشفيات او في دوله تبيع الحليب هذا في صيدلياتها واللي تلاقي ترا سلني على الخاص او هنا وانا وهي نتفاهم كيف ترسلي هو باية سعر كان في المعقول طبعا ..:26:
لان صراحه البنت محتاجه راعيه تامه وما ينا سبها الا الحليب هذا والدكتورة ما تقدر توصفه لها لان خاص بالمستشفى ....


مشكورين ودعواتكم ويانا..:(

14 تعليق 2,414 مشاهدة

شاركي في النقاش

سجلي الدخول لإضافة تعليق.

التعليقات

14
  1. @adaao_ly_adkhl_algnh

    غريبه المفروض المستشفى يوصف لها الحليب الي يناسب ويكون متوفر حتى المستشفيات صارت تعقد
    طيب خليها تشوف المسئول في المستشفى وتسأله من وين يقدر يوفر لها مثل هالحليب اكيد هو عارف حتى لو يعطونه مبلغ يوفر لهم ، او تسأل الصيدليه يمكن يكونون عارفين شلون يوفرونها او ممكن تراجع مستشفى ثاني يمكن تلاقي عندهم حل ويوصفون لها حليب متوفر
    ان شاء الله تلاقي يارب .
  2. حبيبتي في انواع افضل من دا النوع موجودة في الصيدليات للاطفال الخدج
    و قوليلها اس 26 مو كويس لبعدين
    و عادة الاطباء بيعمولو دعاية لنوع معين المستشفى بتتعامل معاه
    و ما بيده الدكتور غير انه يكتب على النوع الموجود في المستشفى
  3. @sbyaayh_thok

    حبيبتي اتوقع قصد الطبيبه ان يكون حليب خاص

    بالخدج تحت اي مسمى لاي شركه انا ولدت اطفالي توائم

    في نص السادس 3 ماشاء الله وعطوهم حليب خاص بالخدج ونصحني فيه

    الطبيب لانه الافضل للصغار ولان سعراته تكون اعلى من العادي

    واستخدمت لهم حليب بري نان من شركة نان

    والحمد لله مناسبهم كثير ومصححهم يارب لك الحمد

    فلا تخاف ولا تهتم شكلها بكريه ياعمري وخايفه مره على بنتها

    اسال الله ان يجعل اللي توفت شفيعه لها وحجابا عن النار

    ولايحرمها الأجر

    ويحفظ لها بنتها الثانيه من كل سوء
  4. @am_alaayal_1

    صاحبة الموضوع
    مشكورين يا بنات على المرور والافاده بس مو كانهم نبهو عن حليب نان وانه سئ قبل كذا في المنتدى نزل خبر عنه
    ولا اشاعه بلغوني يا بنات

تابعي تجارب أخرى من هذا القسم.