المقعد الأمامي من أحق به الأم أم الزوجه ؟؟؟؟؟؟

اخواتي الموضوع هذا اثارني بشكل كبير..

لانه حرك بداخلي امور كثيرة

انا بستشيركم..واتمنى اعرف رايكم...

انا تزوجت وكنت صغيرة يعني دوووبتي داخلة ال17 وزوجي كان صغير عمره 20 يعني بالعربي مانعرف نتصرف

وثاني يوم زواجي كنت بالسيارة مع زوجي الا واحنا بالاشارة ونشوف ابوه وامه..

وابو زوجي يقول لزوجي خذ امك وديها مشوار..المهم نزلت امه بوسط الاشارة وانا انحرجت ماعرفت كيف انزل بوسط الشارع..المهم جات وفتحت باب السيارة بمعنى انزلي اركبي ورا

انا نزلت لكن انحرجت من الحركة

وبعدها بكم يوم كنا رايحين مشوار ومرينا عليهم وكانت السيارة زحمممة واخذت انا الصغار عندي يعني كان بحضني ثلاثة اطفال وركبت امه واخواته ورى وزعلت وصارت مشكلة مابعدها مشكلة..

يعني الموضوع بدا بمشكلة وانا لاني صغيرة وقتها عندت وركبت راسي وصارت امه وين ماراحت تتكلم وتقول اجلس ورى كني شغالة
والمشكلة وبعد مشاااااااكل صرت اركب قدام والان وبعد سنييييييييييييييييييييين اكثر من 15 اتندمت واقول ياريتني كبرت عقلي..

لكن صعب الان اقلها اركبي قدام..بالذات انها صارت ترتاح ورى عشان ركبتها ورجولها

لكن للاسف لما كنت صغيرة محد علمني ولا حتى زوجي عرف يتصرف والمشكلة ان ام زوجي ماكبرت عقلها كانت تعاندني كانه سباق

الان ايش العمل..
رغم اني مقتنعة ان الام المفروض تركب قدام احتراما لها..

لكن يمكن لاني واجهت الموقف من اول يوم وطبعا مشاكل كبيييرة وهالشي سببلي عقدة

عنبوووووووورة حبيبتي اكيد ام زوجي لانها في منزلة امي الله يخليهم لنا

وتبين الصراحة ما اتوقع فيه زوج يرضى او كذلك زوجته ترضى تركب قدام

وتخلي ام زوجها وراء ....... لاني احس انه من عدم البر اخليها تركب وراء

تسلمين ياعمري على إطلالتك

والبنات يمكن يوم يقولون طاحت من عيني يمكن يقصدون حالات بعينها هم يعرفونها وإلا الحكم على الناس من غير دليل غير لائق

واللي تركب قدام بدون سبب وبدون رضا أم الزوج ماعندها ذوق وماهي أولى من أمه وحقه عليه ليس كحق أمه الله يصلحلنا النيه والذريه وعموما راح تعرف يوم من الأيام من الأولى إذا ركبت زوجة ولدها بنفس الطريقه

الله يصلح لك نيتك وذريتك ويرزقك برهم

أم الزوج لها الحق وأيضا أمي
وكل شخص كبير في السن من الإحترام أنه يركب في الأمام
والدنيا كما تدين تدان
الله يصلح نياتنا وأعمالنا لوجهه الكريم

الله لايريني مثل هالحاله ويرزقني وإياك وأخواتي صلاح الذريه وبرهم ويكفينا وياهم شر العقوق أعوذ بالله أوجعني قلبي من اللي شفتيه الحمد لله الذي عافانا مما إبتلاهم به
اللهم إنا نسألك صلاح النيه والذريه
شكرا عزيزتي على مرورك