بنات محلات تسوي كنب وستائر روعه

السلام عليكم


لوسمحتوا يابناتابغى محل يصلح كنبات او جلسات عربي نص عربي المرتفعه شوي وستائر واسعارها معقوله ومالقيتي شي ثقه وشغل حلو وسعره معقول..:06:

وكل مارحت مكان اشياء عاديه مرره واسعارها نار ابغى شي معقول لانه شغل بسيط مو حق ضيوف او استقبال وابغى مكان ثقه اذا رحت لها اقول الله يوفقها ويجزاها خير اللي دلتني

وصدقوني لها دعوه من كل قلبي واذا ماعجبني :30:هاهاهاهااااا لاتخافون بقول الله يجزاها خير ماقصرت

وانا في الرياض

ودمتم لي ياغلى واعز اخوات (انتظر ردكم لي ولا تتاخرون )
بايووو
:02: الفجر البعيد

11 تعليق 2,151 مشاهدة

شاركي في النقاش

سجلي الدخول لإضافة تعليق.

التعليقات

9
  1. @shran_2

    لسلام عليكم
    فيه محل اسمه جواهر العروبة للستاير حلو شغله واسعاره زينة..جربته بستاير غرف نوم عيالي وكانت بسيطة وناعمة..
  2. @hms_2

    عليكم السلام والرحمة

    والله المحلات كثيرة لكن المشكلة بالأسعار

    عندك محلات طريق الأمير عبد الله عندهم الموديل المطلوب ، والأسعار تبدأ من 700 ريال للمتر

    المشكلة ماأذكر أسماء المحلات

    ممكن تأخذين لك جولة

    :) من تجربة :)

    إلي يدور ويفتررررر يلقى الرخيص والزين

    الله يعينك
  3. @asyr_ngd

    فيه محل في شارع العروبه اسمه ((تريم لاند )) بعد هزازي على اليمين اسعارهم حلوة وشغلهم حلوووو
  4. @alfgr_albaayd_2

    صاحبة الموضوع
    السلام عليكم
    اسعدني مروركم
    سهرانة
    الله يجزاك خير ويعطيك العافيه.... بس وين مكانه بضبط؟
    همسة
    الله يجزاك الجنه ماقصرتي انا اعرف محلات بس على قولتك الاسعار ضاربه شويه وانا مصلح الملحق في الامير عبدالله..بس ودي في محلات ارخص والله يعين عاد فري وعساه يطلع كويس بعد
    سلمتي لمرورك عزيزتي

    اسير نجد

    شكرا على مروك وجزاك الله عنا كل خير


    شدو حيلكم الباقين





    :26: :26: :26: :26: :26: :26:
  5. @aldyoooan

    بالنسبة للستائر ممكن تاخذين المقاس الطول و العرض و تروحي لمحل القماش و تقولي انا عندي شباك العرض و الطول طبعا تحسب بالعرض اكثر مثلا شباك مترين في مترين يكلف ستة امتار لان عرض القماش 140سم وتشتري القماش و تروحي لاي محل من المحلات الصغيرة و سعرهم رخيص للستارة الواحدة 30الي 50ريال و الشيفون طبعا عرض واحد 280سم كل الانواع و بالنسبة للعمود او عصا الستارة فية انواع من 10الي 65ريال فيه اصلي وفيه تجاري واي معلومات ثانية تبين تسلي عنها ابقولها لك و ترا المحلا ت قاعدين يكسبون 500في الميه.......


    تحياتي ...

تابعي تجارب أخرى من هذا القسم.