بنات الرياض تعالو ..بخصوص افضل مراكز التجميل ( سيتم حذف المواضيع المشابهه )

بنات اللي جربت مكياج موني تعطيني خبر عنه تكفووووون لأني قررت اني اسوي عندها لزواج اخوي..وعلموني شغلها مثل شغل ميييين (وحده معروفه)..
اما الشعر الى الآن محتارة.. يمكن اروح ابولو عند مليكة الرخيبة بس صاروا أخواتي تقريبا كلهم عندها ..ففكرت بعهد وش رايكم فيها؟
انا ما اعرف عنها اي شي الا ام وجودي قالت لي عنها الله يعطيها العافية.

تكفووووووووون ردو علي لازم احجز لأن الزواج مابقى عليه شي..
وشكرا.

اصبرو دقيزه بصيح شوي:icon33::icon33:



صدق من قال (قت الحزينه بتفرح مالاتلهاش مطرح<<<كذا تنكتب ولا )

انا ذوقي بالقص مرره صعب مو اي شي يعجبني واخر مره قصيته عند عبير في ارابيل بس والله وهي تقصني حسيت اني نعجه تحتها تحلقها او كنها تحصد زرع:3_2_21v: بالشفره قصتني في البدايه اعطتني شكل حلو بس بعدين انعدم شعري عدم ومرت الايام وطال الشعر وقررت اقصه وبديت في رحلة البحث عن احسن وحده وسويت استبيانات وماالى ذلك<<حشى بحث تخرج:pinklove:
وكثير قالو لي جمانه بفاشن وبديت رحلة البحث عنها دقيت على فرع شرق الرياض وقالو في العليا دقيت على الي بعماير السركون قالو في الفرع الثاني عند المملكه دقيتن عليهم قالو عندنا واستخرت ربي وقمت هذاك اليوم وتروشت وفركت شعري زين:icon31: وقررت اني اروح وقبل مااطلع قلت خلني اتأكد انها ماراحت ودقيت تعرفون وش قالو لي

اصبرو بصيح شوي:icon33:















قالو جمانه سافرت واحتمال يكون سفرها نهائي:lick1:<<<الفيس هذا كنايه عن القهر
يوم قالت كذا قلت لا مستحيل وشلون و ليش وطاحت سماعة التلفون <<<الله من الصواريخ:icon31:

بنات وين اقص شوشتي فيه اصبرو بصيح:icon33:<<<شكلي بتكفخ وبصيح صدق:icon31:

انا مثلك من النوع الخواف على شعرى لانة زين انقهر علية دايم

انا متعود على مشغل بالشرقية ب اضطريت على الرياض
رحت عند نورمالين بغاردينا انتى اذا عندك قصة وريها وبصراحة احلى مافيها انها ماتحب تاكل الشعر ( يمكن لانى حذرتها من البداية )

شوفي حبيبتي..
روحي لفاشن نفس الفرع اللي كنت بتروحين له فيه وحده تركيه اسمها ارزو او روز او مدري ايش المهم انها خياااال..
انا كنت اقص عندها في غاردينيا.. ولما راحت انصدمت والحمدلله وحده دلتني عليها ولقيتها اخيرا مع اني الحين بطلت اقص شعري عشان ابغاه يطول .<<<------ ودي اسوي بيرم.

لا تفوتك ترى قصها رهيييييب بس اذا انت ماتبغين الموس قولي لها قبل.
وموفقين ياارب

تسريحات عهد حلوة وراقيه تجيك للبيت ب 300 ريال
عندك ورد اللبنانيه مكياج مره حلوو تسويلك ب 500 ريال يجنن
عندك ام رغد سعودية مكياج تجيك 250 ريال شغلها ناعم واللي تبين بتسويلك على حسب ذوقك