ملف لكل العرائس المصريات الجزء الثانى

بصي بقي ياسيتي بالنسبه لــ فرق اسعار الصيني بين المحلات العاديه وبين حمام التلات... اه في فرق لاني نزلت امبارح وسالت في كام محل كده في فيصل في حاجات زي اللي في حمام التلات بس اغلي, ده علي الاقل بالنسبه للي شوفته ممكن يكون حوالكي انتي في محلات سعرها معقول فبجد لازم انتي تنزلي وتشوفي وتقرري بنفسك.

اما بالنسبه للمحلات في مدينه نصر فانشاء الله البنات يفيدوكي لاني اصلا من فيصل يعني انفعك في الهرم وفيصل والجيزه:).

وحوار الاستانلس ده بقي يحير لان في ناس نصحوني اني مش لازم اجيب زهران وممكن اجيب اي نوع مستورد بس انا لسه محتاره .

وبصي بقي اعملي المطبخ الي يعجبك واللي يريحك اكتر لان ده ذوقك والموضوع ده بيختلف من حد للتاني ... فشوفي انتي ايه اللي شدك اكتر واعمليه المهم تبقي مرتاحه ومبسوطه بيه وحباه.

الله يسلمك ياشيواوا... بصراحه انا معرفش مكان الشركات ديه فين بالظبط لاني خايبه في وسط البلد بس مامتي عارفاهم فين. هسألها واقولك.

وانا بأذن الله رايحاهم انهارده ولو كسلت هيبقي بكره بأذن الله, وبردوا هقولوكوا علي الخلاصة:)
غتاته بقي

مساء الفل.... بصوا بقي انا لسه راجعه من وسط البلد روحت شوفت شركة الخزف و الصيني و الشركه المصريه الالمانيه.

الاولي في شارع طلعت حرب بعد المول بتاع طلعت حرب يعني تسيبي المول وتكملي علي نفس الصف هتلاقي بسكوا مصر بعدها الناصيه اللي بعدها في شارع واسع شويه صغيره الشركه في اول فتحه علي اليمين (انا اصلا روحت لوحدي ومكنتش عارفه الطريق وسألت وعرفت اوصل.. ديه وصفه سهله:) )

التانية بقي في تقاطع شارع شريف مع شارع عدلي علي الشمال وانتي جايه من 26 يوليو بس لجو شويه صغيره مش علي الناصيه يعني)

بس شركه الخزف والصيني ديه مفهاش حاجه حلوه .. هي مفهاش حاجه اصلا.

وشركه المصريه الالمانيه فيها حاجات حلوه و السعر مش فارق كتير عن حمام التلات.... بس في حاجه محياراني انا شوفت طقم 112 قطعه شبه اللي عجابني في حمام التلات بس الذهبي اللي فيه اكتر كان بــ 1210 تقريبا مش فاكره كويس بس هو اكتر من 1200 بس بقي واللي كان عاجبني هناك بــ 900 انا لما اتكلمت مع البياع استغرب وقالي ازاي يتباع بره ارخص (علي اساس انهم التوكيل وكده) فقالي اخد بالي كويس هو هيسلمني القطع كامله ولا ايه.

انا بقول يمكن عشان الذهبي اللي فيه اكتر وخصوصا ان كان في اطقم مصري الماني غي حمام التلات في حدود 1200 او 1300 بردوا بس الدهبي بتاعها اكتر شويه.........قوللي رائيكوا بقي الحوار كده يقلق:(

الللللللله هوه انتي ساكنه في فيصل يا نيمووو ؟
ده انا بيت العدل هيكون في فيصل باذن الله ..بس مش عاارفه بقى انتي هتتجوزي فين يااارب تبقي في فيصل عشان نبقى جيراان ..

وبورضو مااشاء الله نشره جاامده يا نيموووو بس مش عاارفه ايه حكااايه الصيني اللي شوفتي بره الشركه ارخص دي ؟؟ يعني فعلاا لازم تتاكدي من عدد القطع وشوفي كلهم من نفس الشركه ولا ايه ... يعني ركزي لانها غريبه تكون ارخص ويمكن برضو حكاايه الدهبي دي بتفرق معاهم .. عموماا ربنا ي وفقك وتلااقي الحااجه الكويسه واللي فيها الخير ليكي

وهستنى برضو الاخباار منكوو يا جماااعه

صباح الخير يابنات
نيمو
بجد بجد ميرسى على المعلومات الجامده اللى انتى كتباها وعلى وصفك للمحلات


بنات
اللى ساكنين فى الهرم عايزه اعرف فين بالظبط شارع العروبه فى الهرم وهل هى منطقه راقيه ولا لاء
وهل ممكن الاقى شقق ايجار فى حدود 500 جنيه فيه
بليييييييييييييز ردوا عليا