اختي العزيزة
كلنا مر بهذي المرحلة وانصدمنا من صديقاتنا ومن ناس قريبين مننا .. وراح تلقي في حياتك ناس اشكال واصناف اكثر فضاعه .. لكن كيف تتصرفي معاهم ؟
عزيزتي .. انا كنت مثلك دايما ابكي من خداع صديقه ومن كلام كذب قيل عني و و وو اشياء كثيرة حصلت لي .. لكن مالسبب ؟ اين الخلل ؟ بصراحة وبكل ثقة اقلك لقيت العيب فيني
جلست بيني وبين نفسي ليش الناس تتعامل معايه كذا بالرغم اني طيبة وماسويتلهم شيء غير اني طيبة وخدومه وما اقول لا <<< لاحظي هذا عيبي اللي سبب لي كل هالمشاكل الطيبة الزايدة ومجاملة الناس على حساب نفسي و كشف كل اسراري لهم حتى لدغت من اقرب الاقربين لي .. بعد كذا تغيرت شخصيتي 360 درجة ما اقلك صرت شريرة لا صرت اعرف اللي لي واللي علي .. وفرضت احترامي على غيري واهم شيء سويته وهذا حطية على قولة المصاريه حلق بوذنك .. حطيت بيني وبين الناس خط احمر اسمه كرامتي .. حطي خطين حمرا تحت الكرامه يعني لاتستغني عن كرامتك حتى لو مين كان الشخص هذا .. والله والله راح تشوفي كيف الناس تعتبر لك اعتبار و اللي غلطت عليكي وتجاوزت هالخط الاحمر سوي لها ديليت معتبر ماتنساه طول عمرها ..
معليش اختي في اشياء ممكن تغتفر لكن المسألة توصل لأنها عينها على زوجك وبيتك والله م ااغفر لها لو تموت وهي تعتذر هذي فيها من الخبث لو انها حاولت تغطيه بتفضحها عيونها
صدقيني اختي انتي سوي بالمقولة او المثل __ عز نفسك تجدها __ لاتقولين بموت طفش ولا ماحب الوحده .. تموتي طفش ولا تموتي قهر .. الله يبعد عنك وعننا القهر
اتمنى تكون فكرتي وضحت لك وان كلامي خفيف عليكي ومايضايقك بس انا حسيت فيكي لاني مريت بنفس هالنوعية من الناس اللي تستغفل الناس وتلعب على روسها
وشكرا
اللي ترد علي الله يرزقها من واسع ابوابه.ذريه صالحه ورجل صالح والرزق الحلال...
متابعة النقاش، صفحة 2