sanaar1_1
بصى ياستى الشرح بالتفصيل الممل
انت معاكى 90 غرزة وخلصت الحردة اشتغلى من اول السطر حتى تصلى ل40 غرزة عادى بالغرزة اللى مستعملاها وهنا شغلك هيكون على ال40 غرزة فقط ونترك ال50 غرزة التالية على الابرة الشمال ثم ارجعى وانقصى غرزة فى اول السطر التالى من جهة الرقبة ثم كررى التنقيص جهةالرقبة 4 مرات كمان كدة هيكون معاكى على الابرة 30 غرزة اشتغلى دون زيادة
حتى تصبح حردة الابط مساوية لطول حردة ابط الظهرابدائى فى قفل غرز الكتف على 5 مرات
يعنى تقفلى 6 غرز فى كل سطر من جهة الكتف مش من جهة حردة الرقبة ومع اخر 6 غرز
اقطعى الخيط وكدة هيكون نصف الحردة والكتف الاول خلصو
الان نشتغل على ال50 غرزة القطى اول 10 غرز على دبوس كدة هيكون معاكى على الابرة
الشمال 40 غرزة اربطى الخيط و اشتغلى مثل الجهة الثانية حتى تصلى للكتف اقفلية بنفس الطريقة وكدة تكونى خلصت حردة الرقبة وحردة الكتف
وتحت امرك فى اى سؤال
دورة تعليمية لفن التريكو
متابعة النقاش، صفحة 169
