السلام عليكم
ان شاءالله ربي يهديهم
وإذا فتحوا الموضوع قدامك وضحي لهم ان الزواج موب عيب يستوجب التشفي والشماتة
وان كاس من المحتمل يشربون منه لان اي زوجة ماتضمن ان زوجها مايتزوج عليها
ردي عليهم بعد ان زوجات الرسول رضى الله عنهن وكثير من الامهات الفاضلات تزوجوا عليهم ازواجهم ولانقص منهم شي وان الزواج موب حرام ولاعيب حتى يتشمون فيك
ونصيحة لاتظهرين حزنك قدامهم واحرصي كل الحرص مايشوفون علامات الخوف على وجهك بخصوصك انت (خوفك على زوجك) لانهم لو حسوا انك خايفة فأكيد بيدقون على الحديد يموميا عشان يقهرونكوالدق في الحديد يفك اللحام
انا ماأخوفك لكن ابيك تحرصين على هذا وايضا ابيك تتصرفين بنفس الشي قدام زوجك
يعني لاتجيبين له طاري اختك واذا سألك قولي الله يستر عليهاويكون في عونها او اي جملة مختصرة وغيري الحديث
ولا تلمحين لكلام أهله
ادعي لاختك ولنفسك يوميا
ربما تصادف ساعة استجابة وتكون فيها نصرة لاختك المظلومة (عرفت من كلامك هذا) وايضا ادعي بتسخير ازواجكم لكم انت وياها
ربك قادر يبدل الحال في طرفة عين
وقفي جنبها هالفترة لاتتركينها وصبريها بالكلام واحاديث وانها موب اخر وحدة ويتزوج عليها زوجها وانصحيها ماتهمل نفسها ومظهرها ومن هالكلام اللي يرفع المعنويات
وابيك تعرفين شي وهو
ان الدنيا دوارة على الشامتين
ربك يمهل ولايهمل ولابد يجي يوم على الشامت يذوق نفس الكاس
حسبنا اله نعم الكيل
صرن في دنيا مثل الغابة البعض بس يبي ينهش في اللحم وبس
اللهم اكفيناهم بما شئت
اللهم يكفيك ويكفي اختك شرهم وكيدهم بما شاء
بحفظ الله
زوج اختى تزوج عليها ؟؟؟ وين اودي وجهي من الشماته ؟؟؟
متابعة النقاش، صفحة 5