ساعدوني زوجي يبيي يسافر......وابي افكار

السلام عليكم
بنات الله يعطيكم العافيه ابي فزعتكم
زوجي بيسافر برا السعوديه للعمل لمده 3 شهور
ابي اسوبله حفله ما ينساه و يذكرني بيها طول المده الي هوه فيها هناك
ايش عندكم من افكار تجنن من الى


مثلا هل اسوي الحفله في البيت او فندق او شاليه وكيف ازين المكان بطريقه جديده وحلوه ومثيره
ايش اجيب له هديه غير الساعه والعطور والثوب والشماغ والاقلام والجزمه ابي شي مميز
ما ابغى اشغل اغاني ايش عندكم من اناشيد بايقاعات مناسبه
وهل اخليها عشا كامل او اكتفي بالقاتوه والعصير
ابي عده فقرات

واسفه على الاطاله

11 تعليق 1,485 مشاهدة

شاركي في النقاش

سجلي الدخول لإضافة تعليق.

التعليقات

11
  1. _ مرحبا عيوني اول شي الله يرجعه لك بالسلامه وبعدين خليها في فندق احلى وشوفي لك وحده من اللي يجهزون الحفلات تجهز لك غرفتكم بالفندق بالورد والمفارش والشموع ولاتنسي التورته اهم شي وياليت كل شي يكون احمر بيصير مميز وخصوصآ عند الرجال

    _ وسوي له بطاقات صغيره حطي عليها بوسه بروج احمر واكتبي فيها الكلام اللي يحبه مثل خواطر وتكون بخط ايدك عشان يتذكرك ووزعيها في ارجاء الغرفه مثلا على وسادته وعند المدخل ومع الهديه وفي شنطة السفر لما تجهزينها

    _ وفكره ثانيه عشان ماينساك وهومسافر حطي له في شنطته علبة حبوب او شراب مثل الفيفادول (نظفيها طبعآ ووجففيها) وحطي فيها اوراق مكتوب فيها احلى الكلام وياليت من الكلام اللي يحب يسمعه لان الرجال اذواقهم تختلف وقولي له امانه ماتفتح العلبه الا اذا حسيت بالتعب تاخذورقه وحده وصدقيني ماراح ينساك لانه بيمل بالغربه

    _ اكتبي له هذي العباره من العبارات اللي بتحطينها بالعلبه (طلبتك ... ارجوك ... لاتردني ... قول تــم ... احرص على نفسك تراك غــــــاااالي) او ارسليها له كل يوم بمسج (هذي الرساله دائما ارسلها لزوجي اذا سافر واذا ارسلتها يتغير 180 درجه يزعجني بكثرة اتصالاته ويرجع مشتاااق لي)

    _ حطي له بشنطته شي خاص من اغراضك يتذكرك فيها كل مافتح الشنطه

    _ الهديه شوفي اكثر حاجه يهتم فيها ويحبها واهديها له صدقيني بيفرح فيها حتى لو كان عنده مثلها كثييير
    _ ممكن تهدينه نظاره شمسيه ماركه ومعها عطر


    اتمنى تعجبك افكاري وتستفيدي فيها انت والبنات وبليييييز لاتنسوني من دعواتكم
    ....

تابعي تجارب أخرى من هذا القسم.