اللهم اكفني اياها بما شئت

إذا دخلتي عليهم البيت قولي في نفسك
اللهم إني اجعلك في نحرها وأعوذ بك من شرها
اللهم ياولي نعمتي وياملاذي عند كربتي اجعل نقمتها برداً وسلاماً علي كما جعلت النار برداً وسلاماً على إبراهيم
وبإذن الواحد الاحد راح ترتاحين منها ومن مشاكلها

انا ماتزوجت بس الي اشوفه اكثر المتزوجات يعانو من اخوات ازواجهم لازم تطلعلهم وحده تنكد عليهم انا ودي اعرف ايش السبب هل هو غيره او ايش ؟ والله اني صرت من الحين اخاف وانا ماتزوجت من خوات الزوج اول كنت احسبهم يبي يصيرو زي خواتي بس اكتشفت من كلام الناس انهم مايكنون لزوجة الاخ اي حب ويعتبروها غريبه والله لو لي زوجة اخ احس بعاملها زي اختي وبحبها وبطلع واادخل معها
نصيحة اذا طولتها لا تسكتي ردي عليها بس بادب بحيث ماتهتز صورتك قدام اهله وبكذا تبي تخاف تقولك شي وتبي تاخذ الف حساب لك

تصدقين عاد .............. رحمتها !!!!


صدقيني ان تصرفاتها ناتجة عن ضغوط نفسية وحقد بدون ماتدري تدرين ليه ؟؟


لان عمرها 27 وماتزوجت وانتم اللي اصغر منها عندكم عيال ماشاءالله .. اما هي في نظر المجتمع (عانس) !

طبعا هذا ما يبررلها قلة الادب والتطاول على الناس بالكلام ،، بس دائما اذا قلة ادبها وصارخت عليكم تذكري كيف انها يائسة ومحطمة من جوا وحاولي تعاملينها على انها مريضة وما تردين عليها ... يعني قد ما تقدرين تحاشيها وانتبهي ثم انتبهي انك تصطدمين فيها عشان صورتك قدام زوجك واهله ما تنهز حتى لو كانت هي اللي بادية ..

والله يعينك .

رددي اللهم اكفنيها بما شئت اذا رحتي لهم وقولي وجعلنا من بين ايدهم سدا فاغشيناهم فهم لايبصرون والله يعميك عنها

مشكورين بنات على الرد والله انكم احسن من الاخوات وكون انها عانس مايبرر لها تصرفاتها والله يابنات انها تكلمنا زي ماتكلم الخدم ولاهي حاطه لنا اي اعتبار ابدا بس في شئ استغربت منه مررررره انها هذه الفتره تتقرب مره من وحده من سلفاتي ودايم تمدح فيها وتحاول تنول رضاها وانا مستغربه اش السبب علما اخوان سلفتي هذه كلهم متزوجين وكمان سلفتي هذه شخصيتها ضعيفه فغريب تقربها منها يعني مو زي اول موريتها الويل ونفسي اسال سلفتي وش سوتلها عشان تصير معاها كذا بس انها الله يهديها مايمديها تسمع اي كلمه الا تنقلها على طول يعني نقالة كلام بعكسي انا مايسموني الا حافظة الاسرار يمكن عشان كذا اخت زوجي متجريه علي عشان واثقه مابفتن عليها عند الناس الله يعين