صديقتي تسالكم يالطيبات عن فساتين الافراح

اخواتي الغاليات في هذا القسم الرائع ياريت تفيدون صديقتي لان زواجها بهالصيف عن فساتين الافراح الوانها الجديده والمسكات وكمان الموديلات الله يجزاكم خير .هي سالتني قلت مالها غير بنات حواء الطيبات:41:

3 تعليق 559 مشاهدة

شاركي في النقاش

سجلي الدخول لإضافة تعليق.

التعليقات

3
  1. @ktryh_saaodyh

    السلام عليكم امخالد واثير الله يخليهم لك :
    شوفي عيوني الحين طالعين في الفساتين اللي فيه الوان يعني يكون الفستان طبعاً ابيض ويكون فيه فصوص اوريش صغير او كرستالات اي لون بس بصراحه ماعجبتني مع ان فيها اشكال حلوه بس الناس اذواق والالوان في سكري وفيه ابيض الملكي .اما بخصوص الموديلات فيه موديل بقطعتين يعني اشلون تكون صدريه تكون نصها قصيره يعني نص البطن يبان وتنوره طبعاً ذيلها طويل وفيه بس بصراحه انا افضل يكون الفستان مايكون عريان عشان الله سبحانه يبلرك لك فهالزواج المهم وفيه موديل قطعه وحده فستان كامل يعني والحركه طبعاً فالموديل حتكون في قصة الصدر من فوق يعني ممكن تطلع لك من الصدر من عالجنب من القماش طبعاً المرصع بالكرستال والفصوص يطلع من الجنب ويجي عالرقبه وطبعاً في هالحاله مايحتاج تلبسين طقم اكسسوار كفايه حلق ... اتمنى تكونين فهمتي شرحي للموديل..
    امابخصوص المسكات فبصراحه فيه اشكال روعه انا لمى رحت اسوي مسكتي احترت في الاشكال الحلوه طبعاً انا ماسويت مسكتي بورد طبيعي مع ان الورد الطبيعي روعه بس الورد الطبيعي شغلته شغله..
    اشكال المسكات فيه الحين الكرستاله تكون كبيره وعلى شكل نجمه طيب طبعاً اكسسوار المهم اذا انتي تبين تحطين فيها ورد طبيعي فروحي لحق الورد وخليه يرتب لك الورود بشكل حلو بحيث تكون واضحه الكرستاله وتكون الورود نازله لتحت وطويله هذه مره حلوه وفيه اشكال ثانيه حلوه كان نفسي افيدك بس والله لو عندي اسكنر كان صورت لك المسكه حقتي ونزلنها بس اعذريني واتمنى اكون افدتك انتي وصديقتك وتمنياتي لكن حياة زوجيه سعيده ...
    ولا تنسوني من دعاكم..
  2. @ampam_khlody_oathyramp

    صاحبة الموضوع
    الله يسعدك اختي قطريه سعوديه دنيا وآخره على هل مجهود والوصف الوافي هي ماشاء الله ماتحب العريان وهي ودها كمان يكون لون مميز غير الابيض يعني سكري اواي لون غير الابيض اما المسكه فانا باوصف لهامسكة النجمه والموديل هي تبيه قطعه وحده وبقول لها عن حركة الريش اتصورها بتكون حلوه وفخمه خاصة اذا عملت لها تسريحه مزينه بالريش . ادوشتك معي :27: اخيرااسال الله العلي القدير ان يبارك لك في عمرك على طاعته وان يوفقك في حياتك الزوجيه القادمه وان يسخر لك زوجك وان يفرج همك ويوسع رزقك وان يغلق ابواب الحزن والهم عن حياتك وان يذيقك لذة النظر الى وجهه الكريم وان يجمعني بك في مستقر رحمته .وجزاك الله خيرا.وان شاء الله اقول لصديقتي تدعي لك .لانك انتي اللي عبرتيني من بين هل خلق اللي داخلين ولا قالو كلمه وحده .

تابعي تجارب أخرى من هذا القسم.