¨°o.O ! بيت الأمل بعد الألم(تجمع المنطلقات)! O.o°¨

18 فبراير 2008

السلام عليكم ..

عزيزاتي كيف أخباركم ..لكل وحدة أحلى وردة في هذا المساء الجميل..
يارب يسعدكم ويفرج هموم كل وحدة فينا يارب

أهلي وعيالي..يا مية أهلا وسهلا فيك بيننا ..ربي يجبرك مصابك ويعوضك خيرا مما فقدتِ..

شمعة حبيبتي..مادام إنه فيه قانون يضمن حقوق المطلقات ليش ما تطالبون بحقوقكم والقانون معاكم!!
ان ان ..قلتي يضغط بورقة الحضانة ع الأم..بالنسبة للقانون عندنا ..الاولاد حضانتهم عند امهم بالقانون..يطير ينزل ما يقدر ياخذهم منها..ولو تزوجت الأم..تاخذهم جدتهم لأمهم..وخاااصة إذا كانو بنات ..ما يقدر ياخذهم من حضانة امهم ..إلا إذا تنازلت الأم عن بناتها ..وحضانتهم الين يتزوجوا..
صم صم ..يا قلبي يعني إنتي عندك ورقة بحقك بالحضانة والمصروف ..لكن هو ما يدفع..ما هو كلهم كذا ما يجوا إلا بالبوليس والشرطة..طبعا عندنا اللي ما يدفع حقوق مطلقته نفقتها ونفقة اولادها تشتكيه بالقضاء..والمحاماة عندنا محاماة شعبية من غير فلوس..واللي ما تبي تاخذ حقها بالقانون وما تبى المشاكل ..هذي يا قلبي تقعد طول عمرها تنتظر وتنتظر...

سبحان الله ..واحد اولاده من لحمه ودمه..ما يصرف عليهم لماذا؟؟ يكرههم !! والا كله نكاية بأمهم ؟ وحرق لقلبها؟؟
ربي يفرج هم كل وحدة ..ويرزقها من حيث لا تحتسب..ويا ويل الظالم ..

طبعا انا عندي وحدة قريبتي عندها اولاد وهاذي مشاكلها الى يومنا هذا مع طليقها..لها حوالي 11 سنة مطلقة ..ربي ينزل الصبر ويجازي الظالمين..

وردة..ربي يشفي قريبتك ويعافيها
وم وم ..طهور إن شاء الله ..ربي يشفيك وترجعي مثل قبل وأحسن..