كوكيز الm&m's....فرحي عيالج (بالصور)

السلام عليكم...

بناتي يموتون بشي اسمه كوكيز
والحمدالله من كثر تجاربي فيه صرت أضبط معظم الأنواع و أهلي يقولون يبيلج تبيعين...:D
بس أنا وحدة مالي خلق و عجازة!! بس لعيالي كل شي يهون

المهم سويت لهم مؤخرا كوكيز كاكاو بال m&m's .
طبعا انهبلو عليه....الحمدالله

بس ديرو بالكم...الكوكيز لذيذة جدا و دسمة جدا

خلوها لليهال و انتو اكلو شوي بس!! عشان لا تمتنون و تجون بعدين تلوموني :27:

المهم ندخل عالمقادير:

كوب طحين
ذرة ملح
نص كوب كاكاو بودر
نص ملعقة صغيرة بيكربونات الصودا
اصبع زبدة
200 جرام شيكولاته بالحليب مقطعة أو مكسرة
2 بيض
1و نص كوب سكر عادي
ملعقة صغيرة فانيليا
ثلاث أرباع الكوب m&m's


الطريقة:

1) توضع الزبدة مع الشيكولاته في حمام مائي حتى تسيح تماما و تتجانس بعدين نرفعه عن النار و نتركه يبرد قليلا



2)ينخل الطحين و الملح و الصودا و الكاكاو البودر (أنا أحب أنخله على ورقة مقواة علشان سهل أطويها و أكبه على الخلاط)



3) في خلاط الكيك نخلط البيض و السكر و الفانيليا



4) نضيف الكاكاو السايح مع الزبدة و نخلط



5) يضاف الطحين و نخلط جيدا

138 تعليق 14,366 مشاهدة

شاركي في النقاش

سجلي الدخول لإضافة تعليق.

التعليقات

135
  1. صاحبة الموضوع
    6) يضاف الm&m's و يخلط بالملعقة



    7) يصف في صينية الكوكيز (المسطحة) متباعد و أحسن طريقة استخدام ملعقة الآيس كريم



    8)يخبز في فرن حار درجة 180 لمدة 13-15 دقيقة بعدين نتركه يبرد تماما قبل ما نرفعه لانه بيكون لين جدا عند خروجه من الفرن



    9) وهذا الشكل النهائي في الصحن



    و بالعافية على قلوب عيالكم (وقلوبكم :))
  2. @saaody_fy_msr

    يسلمووو ايديكِ سارونة :27:
    وشكلها لذيذ بس بتطلعنا 10 كيلو
    وممكن بدل مانحط m&ms نحط شوكولاتة هيرشيز عشان اللون
    :cook:
  3. ماشاءالله حلويييييييييييييييييييييين
    يسلموا ايديكي
    ان شاءالله بجربها قريبا
  4. صاحبة الموضوع
    تسلمون عالردود يالحبيبات

    سعودية بمصر:
    أنا حذرت قبل من حلاوتها و دسامتها :)

    عنقاء زهر الرمان:
    مشكورة عالمرور

    ليندا:
    مشكورة عالمرور الحلو و ان شاء الله بتعجبج

تابعي تجارب أخرى من هذا القسم.