يارب ترحمني برحمتك الواعة ..والله مليت؟؟؟

السلام عليكم ورحمة الله
والله اني اكتب ومااشوف الي اكتبه من كثر مادموعي تنزل بدون توقف
فيني ضيقة ماهي في بشر مادري اش فيه ان شالله اني ملازمة الاذكار والاستغفار لكن عندي حزن عميق على نفسي وعلى من حولي لو تذكرت وجه امي ابكي ابويه ابكي اخواتي اخواني مع انهم بحمد الله طيبين
اجلس بيني وبين نفسي اتخيل خيالات اعوذ بالله وابكي بكا لدرجة لو حد يشوفني يقول صاير لها هالشي
احس اني خايفة على زوجي عيالي اهلي شايله هم الكل حولي
شايله هم نفسي وحزينه عليها احس اني اتنازل عن اشياء كثير في حياتي مما يسبب لي تعب نفسي واندم لاني جالسه اضغط على نفسي واحملها فوق طاقتها انا عندي طفل عمره 3سنين ونص والثاني توه ماله 5شهور طول الوقت وانا ابرم واشتغل واكرف لانوم بليل ولانهار
زوجي بس يتشرط ويتنقد لبس وشياكة نسيتها
بس طبخ ونفخ وغسيل مواعين من الصبح لاخر الليل
تعبت والله تعبت
متوترة اعصابي فلتانه مني طلبت زوجي من يوم انا حامل شغالة قالي ابشري ولاتشيلي هم ولاجاب وبعدما ولدت وجينا عند الله الله قال انا كيف اخذ راحتي كيف نجلس سوا كيف كيف وفي الاخير عطاني اياها كاش انتي ماتحتاجين شغالة وانا موجايب لك وحدة تجلس عندنا؟؟؟؟؟ قلت بس ابغاها سنة محتاجتها وانا اكرههم ولا كنت اتخيل يوم اني افكر فيها بس الضرورة قالي لا اجيب لك من هذولا اللي هنه لقيت وحدة ممتازة قالت 1800ريال بالشهر طبعا كثير وينصبون علينا هالحبوش قال اطلبيها بالساعة طلبتها بالساعة بعدما تروح يجي يسالني هاه وش سوت اربع ساعات وش جالسة تسوي فيها لين حسسني انها هم اكبر من فايده ومحسوبة علي عالفاضي اتفقت انا وياه ماعاد ابغى شغالة فرح وتهلل وجهه ويشهد الله ان زوجي كريم كرم وانه مو بخل بس مدري ليش يكره الشغالة

زوجي اغلب الوقت برى وان جا يبغاني جالسة معاه على طول ومتفرغه له وانا اكون مشغولة لاتقولون رتبي وقتك انا ماذبحني الا اني دقيقة جدا وزوجي بعد دقيق فتلقوني مااجلس ولا ارتاح ح
احس اني حارمة نفسي من اشيا كثيرة نفسي ادخل الحمام واخذ لي دش محترم نفسي اغرق في العناية بنفسي نفسي اطلع مشوار محترم نفسي اخرج خرجة رومانسية مع زوجي نفسي بيتي مايخلا من الضيوف بس مااقدر نفسي اطلع للناس القى ملابسي مكويه اطلع عند الناس معززة مكرمة مو كل شوية ناطة افازع بين العيال ماعندي حولي من اهلي احد امون عليهم احط عيالي عندهم ذلحين جالسة اكتب لكم ويدي اليسار انكسرت من شيل الصغير والكبير فوق راسي رايح جاي ابغا وابغا وضحك وبكا ودلع ولقافة:06:
لاتقولون هذي رفلا ماتحب الشغل لا والله بالعكس حتى لمن كانت تجيني الشغالة بالساعة ماقدر اجلس ايدي بيدها والله ماقدر نفسي ماتعطيني
احب اني اتفنتك في الاكل واجرب طبخات جديدة ومتنوعة لكن افكر في الشغل الكثير تقطيع وغسيل مواعين وابطل
نفسي اجلس على تسريحتي واسوي افكار في بالي

اتمنى تكونوا فهمتوني لاني ماقدر اشح اكثر هل فيه مثلي يعانون والا بس انا من جد تعبت وابغا حل

10 تعليق 2,123 مشاهدة

شاركي في النقاش

سجلي الدخول لإضافة تعليق.

التعليقات

10
  1. الله يعينك يالغاليه وتذكري انك على اجر احتسبي اجرك على الله
    واذا الشغاله مايبيها زوجك لاتجبينها ابد وانا اختك انتي عيالك هالا ثنين بيكبرون وتخف مسؤليتهم والشغل قسميه يعني مو كل الشقه او البيت تنظفينه بنفس الوقت
    عيالك نوميهم بدري وصحيهم بدري علشان تستفيدين من وقت نومهم بالليل
    كثري من الاستغفار والصدقه بالسر وادعي ربك يهونها وتهون تري دوام الحال من المحال ربك يفر جها
  2. @ahon_aalyk_1

    لا تخلين الشيطان يوسوس لك حبيبتي


    لاتصيحين ياويلك


    ولا تجلسين لحالك




    انتبهي تسمحين لعقلك يستمر بهالخيالات الحزينه اللي تبكي



    بعدين قولي الحمدلله على كل حال وكثري من الاستغفار واقري القران اوكي







    موفقه
  3. @ryh_almtr_1

    هذا الحل باذن الله ومجرب من كثيراااااااااااات .. وهو يسهل امور الحياة باذن الله ..

    طلبت فاطمة (رضي الله عنها) من أبيها رسول الله ( صلى الله عليه وآله وسلم ) خادمة تخدمها فقال : (أولا أدلّكِ على خير من ذلك: تسبحين الله تعالى ثلاثاً وثلاثين وتحمدينه ثلاثاً وثلاثين وتكبرينة أربعاً وثلاثين).

    وانتي بفراشك بتنامين قوليها ..

    طبعا لاتنسين الدعاء والاستغفار والصدقه بعد ..
    كل هذي طرق سهله وبسيطه وغير مكلفه .. بيدك انك تعودين نفسك عليها ..
    حتى سبحان الله تصير عندك قناعه داخليه لو يصيرلك اي شيء..

    الله يسهل امورك ويفرجها عليك يارب ..
  4. الله يكون بعونك ياااااااارب
    انا احس اني مثلك تماما
    حااااااااره ومااصبر ودقيقه مثل ماقلتي
    بس ماعندي اطفال!!
    واتوقع لو جاني اطفال باصير مثلك!!
    بس عندي لك اقتراح..
    حاولي تخلصين شغل البيت قبل لايرجع زوجك
    بحيث اذا رجع تكونين متفرغه له..
    والاطفال مثل ماقالت لك نوميهم بدري..
    وقوميهم بدري..
    وخليك ريلااااااااكس لاتشدين وتحرقين اعصابك
    حرام توكم ببدايه حياتكم لاتضيعين هالايام
    ترى اللي يروح مايرجع..
    حاولي تتكيفين مع وضعك..
    وشوي شوي بتتعودين وكلو راح يصير تمام..
    اهم شي ..زوووووووجك
    لاتخلينه يحس بعدم الاهتمام..
    والله يبارك لك بوقتك ويخليلك زوجك
    واولادك...وداومي على التسبيح...

تابعي تجارب أخرى من هذا القسم.