بنات تعالوا ساعدوني

مراحب يا عسولات

شخباركم مع الجو المتقلب

الله يعيننا بس

عساكم انبسطتوا بالاجازه مثلي .. راحت كلها نوم وونكد ايه الله يعين بس

بسالكم عن شي

ياحظهم اهل الزوج اخذوا حسناتنا ..

بنات انا زوجي حاليا مسافر ..

ويمكن سفره هذا يطول شوي

وصايره انا بين اهلي وشقتي ..

امممممممممممممم

الموضوع

لما اكلم زوجي

يقولي رحتي لاهلي

طبعا الاجابه لا ..

ليش ؟؟

هو يعرف اني اجي من الجامعه الساعه 3 العصر

بعدين انام شوي اصحى قبل المغرب امسك كتبي والنت وبحث وتحضير للدروس خصوصا اني الحين ماسكه 4 مواد

و حايسه بالجدول والتعرض مع الدكتورات والاستاذات يعني لين الحين احس وضعي ملخبط

هو عارف ضروفي

انا كل الي اسويه اني اكلم امه بالتلفون

وقلت لها يا خاله سامحيني ترى وسط الاسبوع ما اقدر اجي قالت الله يساعدك يا بنيتي المسكينه مقدره وضعي وبعد زوجي عني

لكن ...

اذا شفت وقتي مفتوح وما عندي ضغط اتصلت عليها استاذنها بجي لهم اتفاجئ تقولي عندنا طلعه يمكن نروح للمكان الفلاني

ومره كلمت عليها قلت يا خاله بكرى انتم فيه قالت بنروح لبيت ولدي زوجته دقت علينا قالت تعالوا تعشوا عندي ..

قالت مو مشكله تعالي وروحي معنا قلت الله يساعدكم طبعا انا ما ابي اقط وجهي عليها دامها ماكلمتني

صارلي عنهم يمكن شهر وانا مستحيه من زوجي ..

واليوم رحت لهم ومالقيتهم تفاجئت انها رايحه لاختها

الي قهرني زوجي هاوشني يقول انتي ما تبين اهلي لو انك حريصه كان رحتي وكلمتي

وهي تعرف اني ابي اجي عندهم ليش ماتبيني اجيهم واذا قلت لها ليش ما نجتمع يوم واحد انا وحريم عيالك مثل الناس تقول انا مالي دخل الي يجي يجي والي يروح يروح

وتقهرني تتشره علينا تقول انتم ماتحبون بعض ..

اا سلفاتي كاننا اغراب نتشاوف بالمناسبات او الجمعات الرسميه ...

انا كاتبه الموضوع بسالكم

زوجي يحق له يزعل مني مع اني اكلمها يوم ورى يوم بس كل ما اتصلت بروح لهم يقولون عندنا طلعه او معزومين ..

؟؟؟

انا احب اوصلهم

خالتي طيبه حبوبه بس احسها سلبيه تقهرني في بعض الامور يقهرني برودها وعدم اهتمامها فينا يعني احس اننا حريم عيالها مالنا خاطر عندها

لما اشوف بسمتها على وجهها اذا اجتمعنا كلنا استانس خصوصا ان امها وابوها وزوجها متوفين :06:

واخوانها قليل يجتمعون وخواتها مو بنفس المدينه احسها عايشه بالوحده

ودي افتح معها موضوع اجتماعنا يكون لنا يوم محدد نزورها مو لازم كل اسبوع على الاقل ما تحس انها وحيده وخصوصا ان عمي متوفي المفروض انها تحس ان عيالها حواليها يكفي اخوانها مايحسون فيها ولا يسالون الا بالسنه مره رغم انهم معها بالمدينه ونفس الحي

بس تصرفها يقهرني

واحسها تفرق بيننا مو كله حب لوحده مننا بس تخاف من زوجت ولدها الكبير

تخيلوا مره جو عندي بالبيت وقلت ليش ( .... ) فلانه ماجت قالت انتي اتصلي عليها قلت انا قلت لك كلميها قالت لا اخاف تزعل علينا وتبدا ماتجينا ..؟ لانك ماكلمتيها

وهي تعزمهم في بيتها ولا مره قالت تعالي معنا .. انا مو همني اشوف بيتها لا كل همي الوصل ما تعودت على القطاعه تربيت في بيت ماتعرف القطيعه الله يديم علينا

هنا تفاجئت ليش تتعامل معها كيذا وانا عادي مايحسبون لي حساب عادي يمكن لاني طيبه ولا احب اجرحها ..

يعني لها تصرفات تقهر :06:

قولولي وش اتصرف ........؟

10 تعليق 889 مشاهدة

شاركي في النقاش

سجلي الدخول لإضافة تعليق.

التعليقات

8
  1. @maaool_2005

    حبيبتي والله موضوعج بسيطه وباين انج بنت اصول وطيبه

    وكذلك خالتج مسالمه وماتبي المشاكل .. ولاهي من الخالات اللي تتشرط ولازم كل يوم انتو عندها !!

    او تحرض زوجك عليج وهالسلبيه او البرود اللي تشوفينه فيها انا اشوفه مسالمه وكافيه خيرها شرها

    وبالنسبة لزوجك انا بعد مالومه يدري انه امه وحيده .. واكيد هو مايعرف بأتصالاتج معاها وأنج ماتقصرين معاها

    فرايي انج دائما حاولي كل ماتكلمينه تبنين له انج كلمتي امه وسلمتي عليها وحاولتي تجينها طبعا ب توضحين له لكن مو شكل وااضح

    جذي عادي مع السوالف ..

    والله يوفقج ياقلبي ويسعدج
  2. صاحبة الموضوع
    هلا قلبي

    بالعكس هو يعرف اني اكلمها

    ويعرف اني احب اصالهم وماني مقاطعتهم

    بس اوقات انها تبينا حولها واوقات مااحس انها

    تحب وجودنا معها ..

    محيرتنا معها ..

    وانا ما ابي زوجي يتهمني بالتقصير
  3. @mshroaa_fylsof

    أسـSـوار الـح ـبـ
    هلا قلبي بالعكس هو يعرف اني اكلمها ويعرف اني احب اصالهم وماني مقاطعتهم بس اوقات انها تبينا حولها واوقات مااحس انها تحب وجودنا معها .. محيرتنا معها .. وانا ما ابي زوجي يتهمني بالتقصير
    طيب انت ليه ماتشرحين لزوجك الوضع .؟؟

    وليه ماتعطينه خبر انك كلمتي عليها اليوم وقالت لك انها طالعة

    وانك رحتِ لها البيت ومالقيتيها


    عشان يطمئن قلبه ويعرف معدنك
  4. دايم كل ما كلمك قولي اتصلت على امك وكلمتها يعني خليه يحس انك باستمرار تكلمينها وتسألين عنها ،،

    اما من ناحية امه يمكن تبيكم تجون دايما وباي وقت يعني لو بتحددون يوم خلاص ماراح تجونها الابهاليوم وباقي الاسبوع مافي احد

    يجيها ويضيق صدرها ،،

    والااذا مره متضايقين اتفقي انتي مع سلفاتك عن يوم تجتمعون فيه،،

    واذا زوجك مره يزعل ويتضايق روحي لو بعد المغرب شوي وارجعي يعني اسم انك رحتي او مريها وانتي طالعه من دوامك ،،

    تغدي معها مثلا..
  5. @yara1_2

    ولله يااختي مااحد مرتاح
    اللي تقول خالتي شريه ومتشرطه
    واللي تقول سلبيه وماتبينا نتجمع عندها
    انتي ماتدرين عن اللي في نفسها
    يمكنها هي انسانه انطوائيه وماتحب الناس كثير
    يمكن عندها ظرف معين في بيتها وماتبي احد يطلع عليه
    ويمكن انها في شي مضايقها او شاغل بالها
    ويمكن ويمكن ويمكن
    ماتدرين وش السالفه
    زوجك فهميه انو انتي تدقين وتسألين وكل مادقيتي قوليله
    اما هي خليها براحتها
    ومادامت كافيه شرها وماتغلط عليك
    الله يجزاها خير

تابعي تجارب أخرى من هذا القسم.