شاركي في النقاش

سجلي الدخول لإضافة تعليق.

التعليقات

105
  1. @mrs_alahlam_1

    قمورة وبس
    كلام جميل ... جزاك الله خيـــر
    من قال انه لا سعادة الا بزواج ..!!!


    يعني وين السعادة ؟؟

    متزوجه و عندي اثنين و زوج يعطيني كلام و ضرب و حماه زعلانه و اخوات زوج و سلايف و لو زاد وزني نص كيلو شووني و لو انام 6 ساعات ورى بعض مسحوا بي التراب ..! رفــلا .. وصخه .. نوامة ..!


    ولا .. مركز وظيفي مرموق و فيلا ( بفلوسي ) محد يطلعني منها و سيارة و سائق ( هاي كلاس ) و أرصدة و مشاريع ؟..؟؟ انام و اقوم متى ما ابغى ووجهي مثل المراية من الراحه ..!


    و الله السعادة بالراحه ..!


    و سبحان من شال من قلبي شهوة الزواج و الأطفال ..!!!!!!!!



    و إن شاء الله عقبال ما أكون ثروتي ..! بس المسألة يبي لها وقت و شطارة الله يوفقني بس :time:
  2. @shok_23

    مرسى الأحلام
    من قال انه لا سعادة الا بزواج ..!!! يعني وين السعادة ؟؟ متزوجه و عندي اثنين و زوج يعطيني كلام و ضرب و حماه زعلانه و اخوات زوج و سلايف و لو زاد وزني نص كيلو شووني و لو انام 6 ساعات ورى بعض مسحوا بي التراب ..! رفــلا .. وصخه .. نوامة ..! …
    انا ابي اتكلم عن كل بنت ومتأكده ان الكل يوافقني كلامي
    ليه مجتمعنا يركز على البنت وعلى الزواج صحيح الزواج مهم
    لكن ليه البنت من يوصل عمرها 22 سنه يبدون يكرهونها بعيشتها
    من خطبك ؟ الله يرزقك ؟ و و و ؟؟ من الكلام اللي يوتر الاعصاب
    وكأن العمر النهائي للزواج هو من 15 الى 22 هذولا بعزهم لكن
    اذا صرت 23 وغيره تلاحظ نظرات شفقه وكان العد التنازلي بدا ..

    انا الحين 24 سنه والله من عمري 22 وانا في هم وغم مايعلمه الا الله
    مو شفاحه على العرس والله اني اتمناه لسبب وهو اني اتخلص من الكلام اللي ماله
    داعي ..

    السنتين اللي راحوا عالجت من الاكتئاب والحين رجع لي ؟
    انام وانا ابكي واقوم على هالحال ..
    نومي ملخبط اصارع نفسي عشان اطلع بالاخص (( لاهل امي ))
    لي خاله قدي تزوجت من سنه من تزوجت وجدتي تكايدني فيها

    يجيني من عمري 20 الى قبل 5 شهور جاني 8 خطاب مب شويين ؟؟
    لكن ماجاب الله نصيبي
    انا البكر لامي امي ماقد قالت لي شي يكدر خاطري ولا هي تفكر ابدا بهالموضوع
    ودايم تقولي انتي مو ناقصه الكل يتمناك
    لكن من وسط المجتمع اللي اعيش فيه تحطمت لدرجه ما تتخيلونها
    لما اشوف اني حلوه وماينقصني شي وعندي لباقه واسلوب حلو وطله حلوه
    لكن غيري يناظرني بشفقه ؟؟ ليه

    جدتي الاسبوع اللي راح تقول قولي امين انشالله الشهر الجاي واحوالك تكون افضل ؟

    ليه اشحذ معوقه مشوهه ؟ وش فيها احوالي ؟؟

    بيوم ملكه بنتها تقول لي ((معليش ان الله مع الصابرين ؟؟ ))

    قدام حريم خوالي تقول انشالله مايجي الشهر الجاي الا وانتي متزوجه
    ويقومون كل اللي بالصاله ااااامين ؟؟؟

    مرت عمي تسالني عن قريبه لي تقول ؟ وش تحتري ما اعرست ؟
    هالعجوز ؟؟ << وهي قدي ؟؟
    تحسبها اكبر مني الظاهر ماقلت لها سكتت بس الدنيا دارت فيني وسكتت

    هذا غير المواقف اللي تتكرر وتموت من القهر

    ياناس انا بشر لي مشاعر ؟؟
    قبل فتره كتبت مشكلتي في موقع ابي اعرف
    كيف اتخلص من الغضب والتوتر ردت علي وحده قالت صفي قلبك
    انتي غايره من خالتك وحاسدتها ؟؟

    حلال نتعرض للمكايده باستمرار وحنا ماينقصنا شي
    لكن لما نتضايق نكون حسودين ؟؟

    يارب انصرني واشرح صدري والله اني اتمنى الموت
    لاني مليت اقنع نفسي باني مافيني عيب
    لكن اللي حولنا بالغصب بيخلونا محبطين مهزوزين بدون ثقه بالنفس

    تعبت اقاوم مابي اخسر نفسي والاهم مابي اقنط من رحمه ربي
    بديت احس بتبلد ماعاد ادعي اقول دعيت بس ربي ما استجاب
    مابي اخسر ربي

    تتوقعون اني احلم بزوج وبيت واطفال وعندي حماااس لهالشي ؟؟
    ماعاد اعرف هالشعور عندي او لا ؟؟
    طغى عليه شعور ثاني وهو اني اردد الله ينصرني على من جرحني
    على جدتي وحريم عماني وخالاتي

    اللي باستمرار يضايقوني من عمري 22 الى 24 ؟؟ الى صرت اكبر وش بيصير بحياتي ؟؟

    جدتي ام ابوي غير ام امي تدور على اخواني تقول ادعوا لاختكم ؟؟

    سمعتها ووالله ان كان احد مسكني من حلقي وخنقني ؟؟
    بكيت لين ما مت ؟؟



    كل هالمواقف تخلينا نشعر بالنقص ؟
    والله العظيم اني انسانه ماعندي ثقه بنفسي لكن والله ثم والله
    مع اني ماعندي ثقه بنفسي الا اني اشوف اني افضل من كل البنات اللي تزوجوا
    سواء من صديقاتي او خالتي ؟؟
    شكلا ولباقه واسلوب مع اني ماعندي ثقه لكن اشوف تميزي
    ليه باستمرار نتعرض للتحطيم ؟؟و
    اللي يقهر لما ارروح لاهل ابوي انا احلاهم واكشخ وحده فيهم
    ولما ادخل احس عيونهم بتاكلني
    ومع ذلك لاني ماتزوجت فيني عيب فيني نقص؟؟
    ما يؤمنون بان ربي كاتب لكل انسان نصيبه


    انا الحين اعض اصابعي ندم لاني قبل 5 شهور تقدم لي واحد ورفضته لانه بيسكن مع اهله
    وانا انسانه لي خصوصيه ماحب اكون مع احد ساعتها قلت لا انا حلوه وصغيره
    ليه اتنازل ؟؟

    لكن الحين اقول لو يجيني مدمن مخدرات بقول تعاااال الله يحيك ؟؟
    مدام برتاح نفسيا من الكلام الجارح ؟؟

    احب اقول لكاتبه الموضوع
    قوله عانس او الله يرزقك بشفقه او مسكينه او او (( ماتعني الزواج وبس )) بنظر مجتمعنا
    تعني انتي مب مرغوب فيك انتي محد جاك محد بغاك ؟؟
    كذا نفهمها او كذا نحس فيها من نظرات الناس المتخلفه
    اللي نظرهم قاصر ..

    انا متاكده لو اطلع الشارع بدون عباة كان تجمع علي كل شباب الرياض يبوني ؟؟
    لاني زينه ومافيني عيب وكثير من البنات كذا لكن ياعالم
    ربي خلقنا وكتب لنا نصيبنا مايعني ان اللي تزوجت مميزه واللي ماتزوجت ناقصه ؟؟

    ليه مجتمعنا يحس كذا ؟

    انا تكلمت كثير لاني اليوم خميس وكنت عند جدتي وغثتني حكي بايخ
    وكايدتني ببنتها الله يسامحها
    وواصله معي لذلك انفجرت استروا ما واجهتوا
  3. المشاركة المقتبسة غير متاحة.

    بنات انا عمري حيصير 28 كمان 3 اسابيع و حاسه بدمار . مو لاني ما تزوجت بس لانه انا كنت اشتغل و كنت مبسوطه بس دحين نقلت على بلد تانيه و ما عندي شغل و ما عندي شي احس من جد انه الموت اهون لي . و صرت لما اشوف طفل احس انه ابغى ابكي لانه انا طول عمري انسانه مؤدبه و محترمه بس يعني عالفاضي لا تزوجت ولا شي . جاني بحياتي بس عريسين واحد كان فاشل جدا و باين انه جاي و انا حقضيها اصرف عليه و التاني كان مواصفاته كويسه بس صليت استخاره و كنت احس بكره شديد جدا له و ما قدرت اتزوجه و دحين قعدت و صرت اتخن و اتخن و اتخن . عارفين ايش الشعور دحين؟ شعوري هوه انه انا خلاص لازم اموت و مالي داعي بالحياه و انه دوري بالحياه انتهى . عارفه حتقولولي صلي . انا اصلي الحمدلله بس هدا شعور مو باليد . ياريت الانتحار حلال ياريت
  4. اشكرك ام مصعب ويزيد على الموضوع الأكثر من رائع فعلا هذه هي الحياة ..............



    ياما جلست مع ناس قالو فلانة ماتستحق تتزوج فلانة والعياذ بالله مشيها بطال وكمان اتزوجت واحنا الي في بيوتنا ونتحاسب على الخرجة والدخلة ما اتزوجنا ...................

    ..... وكل شي بيد الله سبحانة وفي الأخير ترى كل الحكاية قسمة ونصيب ....................

    والي ربي ما كتبلها الزواج صدقيني ربي كاتبلك الخير في مكان تاني ما تدري يالطيف اذا اتزوجتي كيف ممكن يكون حالك والله اني اسمع قصص واقول الحمدلله على النعمة الي انا فيها .......

    على فكرة يابنات انا ماني متزوجة ... مو معنى كدة اني انا ما اتمنى الزواج مافي وحدة فينا ما تتمنى انه يكون لها بيت واطفال بس

    كل شي بيد الله سبحانة والحمدللة ربي وفقني في اشياء كتير تانية ............ وكل شي بفضلة ....
  5. انا اقول مافي شيى اسمه عانس هذي الكلمه معششه في قول البنات بشكل رهيب هذي الدنيا وهذا النصيب انا اقول كل وحد لسى ماجاء نصيبها تعيش حياتها ولا تفكر انا متزوجه بس اختي ذبحتني بافكاره الخايبه و الله يابنات عمرها 22 سنه وخايفه من العنوسة الله يهديهم

تابعي تجارب أخرى من هذا القسم.