الموضوع مغلق

كاميرا مراقبة الخادمات يابنات الرياض

بنات الله يخليكم ساعدوني بكاميرات فيديو ابي احطها في البيت براقب الشغاله وتعاملها مع العيال
وابكم تنصحوني وش احسن نوع ومن وين اشتريها وكم اسعارها بس تكفووووووووووووون اهم شي تكون صغيره ماتنشاف ...


والله يوفقها ويسعدها ويرزقها من حيث لاتعلم اللي تدلني او ترفع موضوعي

52 تعليق 8,751 مشاهدة

شاركي في النقاش

سجلي الدخول لإضافة تعليق.

التعليقات

50
  1. @rmod

    والله مدري هي بالبطاريه ولا بالكهرباء

    والمشكله مااعرف اوصفلك بالضبط لاني من أهل الرياض بس مو ساكنه فيها وإذا جيت الرياض ماامر البطحاء كثير بس مره رحت لعماير الراجحي علشان اشتري جيم بوي لعيالي وحصلت كاميرات سألت عنها قالوا للمراقبه

    بس إذا رحتي البطحاء أسألي عن عمارة الراجحي وعلى فكره مكتوب عليها الراجحي وهذا اللي أقدر أقوله لك

    وأسفه ماقدرت اوصفلك هو شرق ولا غرب ماعندي خلفيه اخاف أوصفلك غلط وتدعين علي .........!!!!
  2. صاحبة الموضوع
    رمود
    والله مدري هي بالبطاريه ولا بالكهرباء والمشكله مااعرف اوصفلك بالضبط لاني من أهل الرياض بس مو ساكنه فيها وإذا جيت الرياض ماامر البطحاء كثير بس مره رحت لعماير الراجحي علشان اشتري جيم بوي لعيالي وحصلت كاميرات سألت عنها قالوا للمراقبه بس إ…
    لييييييييييييه ادعي عليك ؟؟؟؟

    الدنيا بخير
    وعموما ماقصرتي ويكفي انك تعبتي نفسك ودخلتي للموضوع مره ثانيه

    وهذي دعوه لعيونك
    (((( الله يفتح لك ابواب رزقه في ارضه وابواب جنته في سماه))))
    ولايرد لك دعوه يارب

تابعي تجارب أخرى من هذا القسم.