قولولي شواسوي مع بنت الناس ؟؟؟

أحبابي في الله ...لقد عشت في منتداكم جميع المراحل قبل الزواج و بعد الزواج و الحمل و الولادة وتربية الأطفال و المطبخ في رمضان ...انا من النوع الي يحب يقرا و يتثقف و مب من النوع الي يحب يعلق ع الأشياء حتى لو بتشووفوون ما عندي مشاركات كثيرة . بس صدق استفدت من هالمنتدى وااااااااااااااااااايد و يزاكم الله خير بس اليوم انا يالسه اكتب و دموعي فوق خدي ،،سااااعدوني و لو بالدعااااااء :icon33:


أنا بنت عمري 27 سنة و متزوجة من 6 سنين من زوجي 30و حياتي و الحمدالله تقدرين تقولين سعيده لين يا اليوم الي شفت ريلي صدق متغير علي أو بالأحرى حزين و قله يحاول يتهرب عني... حاول و ياه و أصريت لين ناعرفت الحقيقه ..

قبل الزواج ككل الشباب كانت عنده علاقات هاتفية و كانت له علاقه مع وحده في الهاتف من إمارة ثانية عمرها الحين 24 و على قولته أنا بصعوبة خليتها ترمسني لانها بنت شريفه و مب راعية هالسوالف و تميت وياها مدة طويلة و كان بيتزوجها بس اكتشف انها ماتصلح للزواج من كثرة غيرتها و تحقيقاتها و مشاكلها. و غلطته ان تزوجني قبل مايقولها انه هو مابيتزوجها وما انهى العلاقة ويقسم ان هو لم يلمسههاو لم تتطور علاقتهم .

و بعد زواجنا عرفت هي بطريقة ما إنه تزوج في اليوم الفلاني تزوج عنها.وقامت تتصل له و تسبه و تحقره و تصيح و تخربط عليه و تتصل في أوقات متعمدة متأخرة ف الليل لتجلب الشك بس بحكم شغله انا كنت اتحرى مكالمات العمل

ان الأخت من يوم ما تزوجنا تتصل فيه على فترات متباعده و تقوله ليش سويت جيه ، و ليش تزوجت و ليش و ليش و أنا ماأقدر أعيش بدونك و تسوي مناحه و هو يقولها أنا خلاص تبت إلى الله و عندي احسن زوجة و عندي عيال و حرمتي ما فيها اي عيب عشان اودرها بس هي مصرة اذا مارد على اتصالاتها تحرق التلفون من اتصالاتها الحقيرة . و من 5 سنوات هي تتصل بس ماخبرني عشان ما يجرح احاسيسي كان ساكت و يرد عليها عشان ماتسوي مشاكل و توصلني المعلومه .


و يوم كان يقولي السالفه كان يصيح و قلبي يتقطع قلت اكيد كان على علاقة وياه غير شريفه او كان في الحرام بس حلف بالمصحف انه ما سوى شي بالحرام.بس هو قلبه معورنه على الي سواه في البنت و خلها تتعلق فيها و بعدين تزوج و ماخبرها.شفت صدق دموع التوبه و هااا الي مصبرني لاني انا مأقدر احاكمه على اي شي استوه وصار قبل الزواج . و الحين هو ضايع مايدري شو يسوي و احس فيه ضايع ...أقوله ليش ماتغير تلفونك قالي هي لوتبغي تقدر توصلني لين البيت ....تخيلي شوفي الجرأة..تخيلي تطلب منه انها عادي تكون زوجة ثانية و عادي تعيش و ياي بس تعال تزوجني.......

.أنا قايله مابقول الموضوع حق حد بس خلااااااااص ما أقدر ..تخيلي يقولي هي تبه تتزوجني ويمكن الحل عشان انتهي من السالفه اتزوجها و أنا ضاااايع و ماأعرف كيف يالس أعيش هالايام لا أكل و لا أشرب و عقلي مب وياااي ويمكن مسوتلي سحر....ومن هلاكلام ..قتله سير تزوجها و قالي و انتي...قتله أسفه انا ماأقدر أعيش و يا نص واحد و جان يقولي مايخصه انا اخر الاسبوع بسيرلها كزوجة ثانية أونه يتمصخر عليه و يتسخف.

أنا مممممممممممممممممممممممممممماأعرف شوأسوي أنا كتبتلكم عشان أفضفض
ساعدوني لا انام في الليل و عيالي اعمالهم معاملة سيئة و ماأحس بطعم الحياة مثل قبل . عطوني حل لأنه هو قال يبا حل و انا خلاص ما احس اقدر افكر ........

ساعدوني ولو بالدعاء:44::44:

اختكم

130 تعليق 10,987 مشاهدة

شاركي في النقاش

سجلي الدخول لإضافة تعليق.

التعليقات

123
  1. @saaodyh_taashk_lbnan

    الله يفرج همك و يسخرلك زوجك ويبعدها عنكم

    حبيبتي لا تنازلين عن زوجك وخليه يحط حد للموضوع

    ولاتنسين الاستغفار والدعاء الله يوفقك وتسمعينا الاخبار الطيبه .........
  2. @fta_alaatr

    والله زوجك غلطان لو يحبك كان هدد هالقليلة الأدب وكلم أبوها ولا إخوانها يربون بنتهم

    لي عوده لموضوعك الله يعينك يارب
  3. @khokh002

    الله يعينك يا اختي ويصبر قلبك
    حبيبتي لا تحرقي اعصابك
    خليها هي اللي تنحرق
    وبعدين ليش ننسى انه ما في نصيب يتزوجها يعني قدر الله وما شاء فعل
    اطلبي من زوجك الا يتحمل مسئوليتها بمعنى انها ليست الاولى ولن تكون الاخيرة التي تحب شخصا ولم تتزوجه الدنيل مليانه وكله يرجع لارادة الله
    لا تشيلي هم حبيبتي وريحي نفسيتك عشان اولادك وزوجك
    الله يكون بعونك
  4. @tot_bry_000

    واضح انه مقرر انه يتزوجها وخالص .......... بس لانه ذكي ويبيج تكونين معاه بالصورة ... قال اخبرها بالسالفة علشان اذا تزوجتها ماتلومني وتعرف ان مافي حل غير هذا ..............

    والحل ......... انج ماتتنازلين عنه ... ودام انه صارحج ........... قولي له عطني رقمها وخلني اتفاهم معاها واطلع انت من السالفة ....وكلميها بالطيب تبتعد عنه واذا مافاد هدديها انج بتخبرين اهلها واذا مافاد التهديد خبري اهلها فعلا ........... بس لاتسكتين وتخلين زوجج يمشي عليج هالدمعتين ..

تابعي تجارب أخرى من هذا القسم.