سلاااام عالحلوين ..
وربي وحشتوني ...
وكأن الأربعه الأيام اللي غبتها عنكم سنه ..
ماشي الحال ~ ندوره ~ فتاااه ~ هموسه ~ أنوثه ~ عروس طازه ~ أحلى دلوعه
وكل العرااااايس الحلوين إن شاءالله مانسيت أحد ..
حبيباتي طبعاً زي ماقلتلكم رحت مكة الله يعمرها وعشاني مسويه عملية فأجلس في البيت كثير أوقات الزحمه ..
ومن الطفش أنزل السوق لأننا كنا ساكنين في الهيلتون والسوق تحتنا اللي هيه أبراج مكه ..
طبعاً أنا مو مستعجلة عالتجهيز بس يعني الواحد يآخذ له لفه يشوف الأسعار وإذا به شيء زين نآخذ وش المانع ..
المهم
نزلت أبراج مكة ومريت على قزاز ولحقت عالتخفيض طبعاً الفرع كان صغير وكانت التخفيضات رهيبة بس اللي يقهر انهم منزلين التخفيض على اشياء أساساً ماهيب غاليه يعني العطور منزلين على العطور اللي بميه أو ميتين أما اللي ثلاثمائة واربعمائة مايشملها التخفيض انقهرررت لأني جايه قلت فرصه أخذلي كم عطر من الغاليات بتخفيض بس :(
أخذت بس عطر اسمه (بلانك) من ديبورت لونة ابيض بأصورة وانزله هنا في ردي ذا كان بـ220 وصار بـ198<<شفتوا مو مرة التخفيض بس الفرق 20 ريال !!..
فيه محل تلاقونه بالدور الثاني اسمه ( المتحف ) أنا انصرررعت عند المحل طبعاً هوه للمطرزات والسجاد مسوين تطقيمة سجادة وشرشف صلاة وغطاء مصحف وشنطة بصراااحه شغلهم خرااافة وشغل يد يعني مو أي كلام ..
وترا ماهي من السجادات العادية اللي متعودين عليها لا من السجادات الفخمة اللي كلها شغل حرير وكشميري رووعه وأسعار الطقم بـ 200 و 300 على حسب خامة الحرير ..
فروعة: (مكة) أبراج مكة الدور الثاني-أبراج البيت الدور الثاني , (جدة) مركز الكورنيش التجاري الدور الأول << بأروح اللي بجدة ..
لقيت محل نجدية للعطور عندهم عطر مشهور وروعة عجبني اسمه (غناتي) بـ 70 ريال أنا عجبني بقوة بس قلت يله كمان اشتريه من هنا من جدة ..
دخلت عبدالصمد القرشي وأخذت من عندهم عود خشب كمبودي تخيلوا الأوقية كانت بـ 900 أخذتها بـ 500 مسوين عليها تخفيض 35% أما التولات من كل الأنواع تآخذين تولة ومثلها مجاناً يعني بجد عرضهم روعة اللي هوه بمناسبة اليوبيل الماسي يعني لايفوتكم أحسن من العربية للعود انقهرت منهم تخيلوا نص الأوقية بـ 500 وعبدالصمد مسوي الأوقية كاملة بـ 500 وعوده عبدالصمد معروفة أنها أحلى من العربية بمراااحل ولقيت عندهم مسك الغزال اللي هو حق الطهارة يجي أسود وثقيل التولة بـ 1500 بصراحة تحسينه من جد هو الأصلي اسمه مسك عرق دم الغزال ..
دخلت جنيد عالم (عطر البحرين) طبعاً هذا المحل صديقي عندهم الحلو (سهية-نواعم-وديان-مسك شفاف-الريجان-وغيرها كثير)
وبعدين رحت لأبراج البيت اللي هي العمارة الطووووويلة اللي قاعدة تنبني تحت اربعة أدوار أسواق المهم رحت فريتها في ساعة بس أمر أشقر على البضائع واسأل عن الأسعار وأطلع ..
رحت لاسنزا يووووه يابنات الكوليكشن الجديد خوررررافة جناااااان اعجبني لبس مدري وش اسميه يهببببل بـ 190 ريال ..
لونه أسود وشيفون مدري تل << تراني ماأفهم بالأقمشة خخخ
المهم يجي أسود خفيف مثل الشيفون وفيه دوائر صغار سود وتلمع جاي اللبس على شكل بلوزة كت مزمومه من عند الصدر اللي يشوفها يقول بلوزة لكن فيها حدايد من تحت وتنصك من ورا زي السنتيانة وطبعا الاندر وير عادي (أبو خط)<<ترا ماأسميه إلا كذا خخخ
أنا خقيت فغرت انشدقت فتحت فمي قولوها بكل اللغات اللي تبونها من كثر ماأعجبني بصراحة الأسود أحسه فخاااامة ..
ناويه عليه بس دوبه نزل يمكن في التخفيض ينزل سعره وبعدين أنا مسويه رجيم أخاف اشتريه ويوسع ..
اشترووووه يابناااات وربي يهبل ..
بعدين رحت فافافوم لقيت عندهم عرض حلو وبيفيد العرايس مسوين عرض تشترين طقم أي عطر كامل بسعر العطر نفسه يعني روووعه وتوفير قلتله متى ينتهي العرض قال حتى نفاذ الكمية يقول ألحقي عليه في جده والرياض كل الفروع أما باقي المناطق بعض الفروع ..
شميت عندهم لوفلي بريزم من جيفنشي يجننننن وناعم بـ 191ريال ,, وشميت فيندي بريزم آخر شيء نزل جنااااااان بـ 400 وشيء والصغير أذكر بـ 300 وعليها شممني انجيل أظن كذا اسمه المهم هو آخر شيء من جيفنشي ماأعجبني مو ذاك الزود ..
بس ألحقووووا على عرضهم روعه أنا بروح لهم بجده ..
مريت ماك طبعاً شهادتي فيه مجروحة ذاك المحل كل مكياجهم يهبل كل شيء أحلى من الثاني ماك ثم ماك ثم ماك ..
بدون اسم منزلين عروض على الطرح رووووعة ..
زهور الريف أخذت من عندهم زيت اللي هو دهن خلطة برتقال وخوخ كانوا حاطينها في الفواحة ريحتها تشمينها من مسااااااافة من قوتها ..
مريت محلات كثيرة بس مالفت نظري فيها شيء (دبنهامز-نكست-برومود-كمايو-فيس-ناين وست-ألدو-اكسسوريز-نعومي-مكياجي ...) بس كتبت لكم المهم ..
بنااااااااااااااااات
ماتلاحظون الأسعار صارت ناااااار والعة وقسماً بالله محلات كنت اشتري منها زمان وانقطعت ألحين لين أخلص رجيمي يوم رحت ألحين صارت اسعارهم نااااااااااااار شلت هم التجهيز وربي ..
اتوقع اللي مهرها تحت الثلاثين بتروح فيها الأسعار ماترحم والزيادة والله ماتسوي شيء زين إذا جابت لك تنورة معها بلوزه هذا إذا جابتها ..
الله يعيننا الله يهني عرايس العام لحقوا على الدنيا وهي باقي بخير وجهزوا وانفكوا من ذا الغلا الفاحش:icon33: ..
ترا يقولون غلا الأسعار من علامات الساعة الله يرحمنا ..
بيت عرائس 2007 & 2008
متابعة النقاش، صفحة 317