ادري بتقولون ليش تحملين .. :(

هلا بخواتي الكروشات

انا مدري وشلون ابدأ موضوعي

انا بكر ومن دريت اني حامل وانا مااهوجس ولا افكر الا بشئ واحد

الولاده والخوف من الولاده

فيني خوف مو طبيعي مع اني اشوف كل اللي حولي ولدن ومافيهن الا العافيه

لكن انا احس بخوف فظيع :44:

ماابي منكم الا انكم تقولون لي هل الولاده فعلا تخوف

لكن وفي نفس الوقت اعشق الأطفال

طولت عليكم وصدقوني اعتبركم خوات افضفض لهم

30 تعليق 2,120 مشاهدة

شاركي في النقاش

سجلي الدخول لإضافة تعليق.

التعليقات

28
  1. @asaor_alshok

    يـــــــــاعمــــري عليـك ...

    طيب حبي انا بنوتـه .. لكـن بقـولك شي خصصي لج ركـن هادي فـ بيتك ومعاج عصـير خوخ بـادر يبرد عـ قلبك .. وريحـي بالك واتخيلي شـكل النونو وكيـف بتكووني معاه وكيف تلعبي معاه وشو راح تسوويـله ... الـخ من احلام الامـومه الحـلووه ...

    وربي يسـهل ولادتـك ... وتقـومي بالسـلامه يارب وابـعدي عن الوساس بدال اقـري قـران يطمـن قلبك
  2. @aayon_hmody_1

    ياحبيبتي انتي لاتخافي ولا تشيلي هم انا لما حملت ببكري كنت مثللك كل همي الولادة حتى النونو مافكرت فيه
    وكنت لما أصلي ادعي في السجود دااااااااائما ان ربي يحفظ لي النونو وييسر لي حمله و ولادته والحمد لله ربي يسرها
    انتي ادعي ربك وتفائلي
  3. @afdyk_brohy

    ياقلبي عليك
    تفكرين بالولاده وانتي توك بالشهر الاول
    اجل وش بيصير فيك لا دخلتي التاسع


    شوفي ياعمري الولاده اسمها الساعه المنسيه
    يعني الالم فيها كلها كم ساعه وينتهي ومجرد مايطلع البيبي تنسين كل شي
    شوفيني حامل للمره الثانيه ماشاء الله
    يعني لو الولاده تخوف للدرجه هذي ماكان حملت مرتين


    نسيت اقولك انها كلها كم يوم ويجيك الوحم والطفش الي يشغلك وينسيك الولاده والتفكير فيها
    وكل ماتقدمتي بالحمل شوي ووصلتي في الشهور الاخيره بتقولين يارب متى تجي الولاده وافتك من التعب




    الله يتمم حملك يارب
    وييسر ولادتي وكل حامل يااااااااااااااااااااااااااااااااااااااااااااارب

تابعي تجارب أخرى من هذا القسم.