طبعا عارفين ياحبيباتي حمامات البيوت الايجار عاديه لافيها حركه ولا سيراميك فخم ولاشي
كلها استثماريه يعني ارخص شي بيحطونه لنا
طبعا انا توني متزوجه اول كنت عند بيت اهلي ببيت ملك ودلع وابوي الله يحفظه مزبط البيت
وتاعب فيه لانه ملك اكيد وماكنت اهتم بشي لان الحمام ببيت اهلي يجنن ماشاء الله
المهم مالكم بالطويله يوم تزوجت ودخلت بيتي شفت الحمام عادي وبااااااااهت مره والاضاءه فيه بيضه ومبشعه الحمام
قلت الا ازبط الحمام بلي اقدر عليه صعب اغير سيراميك او اغير البلاط اوشي
المهم هذا تغييري في الحمام
حطيت رفوق خشب وحطيت فيها قصاصات ورق لون بيج ونثرت فيها قواقع وشموووع لون احمر
وحطيت حزام بالجدار لانه كان ساده وعلقت حقت المناشف بالجدار
وعلقت رفوف حديد لشامبوات والكريمات وعلقت لوحات مرسوم فيها قواقع وعلى المغسله شريت طقم كامل
برميل نفايات وستاره وعلبه للفرش وقاعده لصابون وكلها نفس اللون ونثرت على المغسله قواقه وكريستالات لون احمر
وحطيت شمووع بلون احمر وحطيت على المرايه تعليق من الورد والجذور نفس الوان المام احمر وزيتي
