شاركي في النقاش

سجلي الدخول لإضافة تعليق.

التعليقات

713
  1. @klb_sadk

    هلا قلب صادق وينك عن ديوانية المتزوجات ؟؟؟
    تابعي معانا كل يوم
    والله حبيبتي أصبحت أتشأم من قسم المشاكل الأجتماعيه لو نقلتيه قسم ثاني أفضل
  2. @noar_13

    صاحبة الموضوع
    يوميات امس مع بنتي..

    اكتشفت شئ .. انها لو صححت لها الابلة بالقلم الاحمر ترجع تعيد عليه بالمرسام عشان مااعرف انها غلطت

    طبعا زعلت لكن قلت لها ان الله راح يشوفها وتنقص حسناتها وانها لازم تخاف وتستحي ان الله يشوف تغش<<< طبعا حبيت انمي فيها جانب الخوف من الله وليس مني

    وبنفس الوقت عرفت اني ابغاها تكون كاملة وازعل علي اقل خطأ <<< وهذا غلط ان شاء الله احاول اصححه عشان ماتفقد ثقتها في
  3. @shabor

    السلام عليكم

    موضوع رائع

    ولدي طارق - اولى ابتدائي

    وبما اني في كندا

    ولدي بيدرس في مدرستين

    من الاثنين الى الجمعه يدرس في مدرسه كنديه ( انجليزي - رياضيات - فرنسي )

    والمشكله ان الرياضيات يدرسها بالفرنسي

    لاني في مونتريال مقاطعة كيبك وهيه المقاطعه الوحيده اللي لغتهم فيها الفرنسي وبعدها الانجليزي

    المهم

    يوم السبت يروح المدرسه السعوديه طبعا عشان لما نرجع السعوديه يقدر يكمل - نفس المناهج السعوديه بس يضغطوهم شويه عشان يوم في الاسبوع

    وابشركم مستواه رائع ولله الحمد والفصل الدراسي الاول في المدرسه السعوديه طلع الأول :)

    بس انا مرررره اتعب في تدريسه المواد العربيه الفقه والتوحيد والقراءه والكتابه والقران

    لان ولدي من هوه صغير هنا ولغته الانجليزيه اقوى من العربيه .. فالعربي عنده مكسر شويه وتعبانه معاه لكن الحمدلله احس انه بيبذل مجهود كبييير

    ةاتوقع انه طلع الاول عشان كل الاطفال هنا نفس المشكله في العربي وجهده زياده عنهم

    لكن لو رجعت السعوديه الله يسسسستر

    الاسبوع هذا لازم احفظه التشهد الاول

    ودرس الاسره في القراءه

    وصفة الصلاه

    وسوره العاديات :(

    الله يكون في عووونه وعوني

    هذا غير واجبات المدرسه الكنديه فرنسي وانجليزي ورياضيات

    قرقرت كتيييييييييير اعرف بس ماصدقت افضفض شويه
  4. @shabor

    بنات انا شايله هم شي واحد

    المدرسه السعوديه ماتدرسهم الرياضيات والعلوم

    على اساس المدارس الكنديه فيه في مناهجهم الرياضيات

    لكن العلوم مافي

    ماني عارفه كيف لما نرجع وخصوصا باقيلنا 4 اشهر على اول الصيف بنرجع السعوديه رجعه نهائيه

    وحيكون ثاني ابتدائي


    ايش اسوي في العلوم اخاف ادرسه في البيت ويتعقد من الدراسه

    اصلا مافي وقت

    وطبعا كتابه حق العلوم والرياضيات موجود عندي مع باقي كتبه اعطوه هيا اول الترم

    ساعدوني ايش اسوي ؟

تابعي تجارب أخرى من هذا القسم.