ابغى مساعده من مدرسة E وافكار من البنوتات الحلوات

up

التطبيق متعععععععععه وأكيد بتنبسطي الله يوفقك

up

أنا بقولك الاخطاء اللي طحت فيها عشان تنتبهين

1. بسطي للبنات على قد ما تقدرين عامليهم من ناحية الشرح زي بنات الإبتدائي لأنه فعلا ما صار لهم 4 او 5 سنوات يدرسون انجليزي
أنا دخلت على البنات اسولف واشرح قالت لي المشرفه حلوووو بس ترى البنات ما يدرون وش قاعدة تقولين
تقولي انتي حضري ماجستير ينفع تشرحين لبنات الجامعه >>>>>>ترقع الحوسه اللي سويتها عشان ترفع معنوياتي
استخدمي وسائل مهمه جدا الوسائل واعطيهم كل شي حبه حبه واكتبي اي كلمه جديده وخليهم يقولونها وراك كم مره تأكدي انك وضحتي لهم كل شي 100% بدون طبعا ما تتكلمين عربي

2.ارفعي صوتك لو درسك من احسن ما يكون بس صوتك مو عالي راح كل تعبك كله
الانجليزي بالذات يحتاج صوت عالي ومخارج حروف واضحة وسليمه

3. اهتمي بالتحضير خليه واضح ومحدد ومتسلسل في الانتقال فقره لفقره

4. اشركي الفصل كله في الحصه خلي درسك مشوق حمسي البنات للمتابعه
مثلا بعد كل 10 دقايق شرح لفقره معينه اعطي 5 دقايق مسابقه اسئله على الفقره السابقه
قسمي الفصل فريقين او مجموعات عمل مجرد تغيير البنات لأماكنهم في الفصل يجدد نشاطهم
ولا تنسين البنات الضعيفات قومي الوحده واعطيها شي سهل تقدر عليه وبعدين اثني عليها راح ينبسطون ويهتمون بالمادة ويشاركون

5. اضبطي الفصل ونظمي وقتك بحيث ما ينتهي وقت الحصه وانتي ما خلصتي ورتبي سبورتك ضروري تكون مرتبه ولا تكتبين وتمسحين كثير وانتبهي للإملاء

5. اظهري للمشرفه حماسك وحرصك على تصحيح أخطائك وكوني كذا فعلا ولا تحبطين لو طلعت لك كم خطأ او لو ما مشى درسك مثل ما خططتي خلي عندك اصرار وفي النهايه راح توصلين للي تتمنينه ان شاء الله
انا في البدايه حسيت اني ما راح اقدر اكمل والموضوع صعب بس بعدين الحمدلله اخذت امتياز
والله يوفقك ولو عندك اي سؤال انا حاضره ولاتنسيني من دعواتك

الله يجزاك الجنه والله ماقصرتي
اسم على مسمى
الله لا يحرمني من نصايحكم

طيب ابي اسأل اي الوسائل المناسبه للمرحله الثانويه؟

ولا يبخلون علينا البنوتات بالافكار