امهات قطر حابه اسئل اللي عندها اطفال ودخلتهم روضه او حضانه ؟

السلام عليكم

صباح الخير امهات قطر حابه اسئل اللي عندها اطفال ودخلتهم روضه او حضانه باي سن دخلتهم واحسن روضه تنمي مهاراته وابداعاته و تعلمه كيف يحسن سلوك والخ


بنتي ناويه ان شاءالله لين صار عمرها سنه ونص او سنتين ادخلها روضه احسن من قعدة بالبيت مع خدامه وخصوصا اني موظفه وموعاجبني هالوضع


بليز مااقدر اخذ اجازة وماعندي حد احط بنتي عنده ؟

فاتمني تجاوبوني على سؤالي ماابغي موضوع يتشتت اخذي اجازة او ودي بنتج عند حد بنتج صغيرة بليز لبولي طلبي

واذكرولي ايجابيات وسلبيات روضه؟

وكيف لاحظتي تاثير هالروضه على اعيالج؟

انتظركم موضوع يهمني كثيررررر

51 تعليق 69,502 مشاهدة

شاركي في النقاش

سجلي الدخول لإضافة تعليق.

التعليقات

51
  1. @gbnh_fy_rotyh

    انا مش متزوجة بس حبيت ارد على سؤالك

    ايجابيات الروضة كثيرة منها بتخلي بنتج اجتماعية وماتخاف من الناس او تستحي من الغرباء بتعلمها على النظام يعني تقوم من النوم في وقت معين وترجع البيت في وقت معين شلون تحترم الكبير مثل المدرسات مثلا. حسن التصرف والسلوك ممكن في الروضة يعلمونهم القرآن وهذا بيساهم انها تحفظ جزء من القرآن حتى لو بسيط
    لكن لازم تهتمين وتخلينها تحت ملاحظتج لاتجيب من الطلاب بعض الالفاظ البذيئة والصراخ وغيرها واهم شيء تختارين الروضة الممتازة الي لها سمعة طيبة مثل رياض الصالحين او المسلم الصغير او بعض المدارس المستقلة بدت تمتلك رياض خاصة فيه
    وانشاء تكونين استفدت من رديي
  2. @aaynaoyh_llnkhaaa

    اختي دمعه انا دخلت ولدي روضه ولا عجبتني ابد ماستفاد منها غير الرحلات

    صرت انا اشتري كتب وادرسه

    لكن في حالتج انتي لازم روضه بيرفكت مو اي كلام

    انشالله البنات بيفيدونج

    وبنتي بدخلها السنه الجايه وللحين ماقررت

    الله يعيني ويعينج
  3. هلا اختي ايجابيات الروضة كثيرررررة
    بس لها سيئات مثل امراض الاطفال والعدوى:eek:


    واهم شي في الروضة من تجربة مع عيالي لاني ما اللخدم دخل فيهم

    1- اهم شي ان ستاف الروضة يكون اجنبي 100% وأروبيات مب من اسيا

    انتبهي

    لاعربيات <<<<< لانهم للاسف مثلنا شايلين الهم بروحهم ونادر ماتلاقين لهم بارض للاطفال

    ولا من شرق اسيا ابداااااااااااااااااااا:30:


    2- المبنى يكون مؤهل كحضانة وتدخلة الشمس والهوا ( يعني مب صغير وحكرة ) و يستحسن يكون مبنى جديد

    3- واذا كانت اجنبية اوروبية اكيد بيكون عدد الاطفال في الغرفة الوحدة قليل وهو المهم <<<<<<< مكثر المهم عندج ههههههههه

    4- ضروري تسوين اختبار نفسي للمربية اللي بيكون عندها الطفل شلون عصبية او لا ,,,, متعاونة او لا


    5- وهذا اهم شي <<<< شقلنا ههههههههه


    السعر اكيد بيكون فووووووووووق لان حضانة بهالمواصفات اسعارهم فوووووووووق:06:

    والله دفعت ودفعت

    لان عيالي مهمين عندي جدااااااااااااااااااااااااااااااااااا


    والله يوفقج وتلاقين حضانة زينة
  4. @shobard_1

    دام بنتج بتكون سنتين لازم حضانه موروضه انا مدخله ولدي هالكورس حضانه وفيها قسم لتعليم البراعم يعني الاربع سنين
    ياخذون يمكن من عمر شهر هي توها جديده وولدي يحبها لدرجه اهدده اذا ماسمع الكلام اني مااوديه

    تعاملهم طيب مع الاطفال الاصغار وانا افضل الام العامله تودي عيالها حضانه احسن من تقعدها مع الشغاله بالبيت احس انه اامن للطفل غير جذي يلعبونهم ويكون عندهم اسره ويغيرون لهم بتكونين مرتاحه من الوضع بس اهم شي تلاقين حضانه زين
    قولي لي انتي وين ساكنه حواليني ثلاث حضانات بس ترا ماجربت الا وحده

تابعي تجارب أخرى من هذا القسم.