الموكيت ولا السيراميك

حبيباتي أصحاب الذوق إيش رايكم أنا بيتي سيراميك وناويه أغيره موكيت لأن الموكيت مريح بس زوجي رافض يقول الناس تتطور وتحط سيراميك وانتي ترجعين للموكيت تبين تضحكين علينا الناس .. بالله إيش رايكم هل فعلا لو وحدة منكم تدخل بيتي وتشوفه موكيت بتضحك علي..

12 تعليق 1,577 مشاهدة

شاركي في النقاش

سجلي الدخول لإضافة تعليق.

التعليقات

11
  1. @slyn_dyon

    هلا اختي ....
    بنسبه لي بلعكس الموكيت احسن واريح حتى في التنظيف..واجمل...ماعليك حطي الي يريحك مو الي يريح الناس ....
    و سلامتك...
  2. @lhth_ofa

    اهم شي اللي يريحج .. انتي اللي عايشه في البيت مو الناس

    بس عموما اغلب الناس صاروا يحطون سيراميك اماكن قعدة الضيوف مثل مجلس الرجال وصالة الحريم
    اما باقي الاقسام اللي تخص العايله مثلا غرف النوم او الصاله اللي تقعدون فيها دايما تكون موكيت
  3. @albrnsysh_26

    شوفي يالغلااا

    انتي الي بتجلسين في البيت او الضيوف

    يعني شوفي الي يريحك سويه ولا يهمك احد

    واحس ان الاغلبيه رجعو للموكيت

    مدري ليه
  4. @mlkh_mmlkty

    لا والف لا للموكيت الا للعيايز والشيبان والأطفال في الغرف فقط

    اما البيت كاااامل لازم يكون سيراميك او بورسلان انظف في الغسيل والتنظيف والمسح والإهتمام

    الموكيت لوع جبدي طووول هالسنين اللي راحت بقع في كل مكان وما اطير بسرعه وصعبة تروح

    وريحة اذا غسلتي مكان البقع

    وتجمع الغبار والبراغيث والجراثيم والبلاوي

    شكلها جمالي ومريحه للقدمين فقط اما للصحة لا وللتعب اكثر تعبا من السيراميك

    تقدرين اختي تحطين قطع سجاد كبار على السيراميك واتحلين المشكلة
  5. @wshoshow

    حطي الاثنين في الصالات والمجالس سيراميك
    وهذي نادرا ما تجلسون فيها وما راح تضايقك

    وفي جلستكم وغرف النوم موكيت
    تاخذين راحتك بس متعب في التنظيف
    وخاصه اذا عندك عيال

تابعي تجارب أخرى من هذا القسم.