اخوي انحاش

السلام عليكم

حبيباتي ادعولنا ان الله يرد اخوي لنا

من الظهر ماندري عنه شي هو حي ولا ميت

ياربيه

وش انسوي بلغنا الشرطه قالو بعد 24 ساعه على اختفائه نبحث عنه

هو توه مراهق وجميل جدا وهو بأول ثانوي الله يستر عليه

هو من امس قايل لأختي بطلع من البيت اذا طقوني

لأنه امس صايره هوشه بينه وبين اخوي الكبير وابوي معه وضربوه ضرب الحمير حسبي الله على عدوهم

والسبب تافه تخيلو اخوي الكبير يقول يوم انا واقف عند السوبر ماركت وشفت ولد كبير يبتسم ويناظر اخوي

المنحاش

وشك اخوي الكبير ان فيه بينهم علاقه الجاهل ناسي ( ان تبسمك في وجه اخيك صدقه )

المهم و ينزل المطفوق من السيارة و يضرب الرجال بس ما اقول الا ليت الرجال الي انضرب متوطيه بس باين انه ولد

اصول وسفه

وامي الله يخليه سلبيه وما تدافع عن اخوي ابدا كل شي يقوله الكبير هو الصح

تخيلو انهم مايخلونه يطلع من البيت الا للصلاة بس

حتى مرات يمنعونه من الصلاة بالمسجد

الولد وده يروح يمين يسار بس محجرين له يخافون من ان عيال الحرام يلعبون فيه

مره من الايام رفع عليه المسدس وبغى يذبحه بس الحمد لله امي لحقت عليه ولا كان راح فيها

الحين ابيكم الله يجزاكم خير تدعون لخوي ان الله يحفظه ويرده لنا

وكان عندك نصائح او مريتو بمشكله زي كذا


ادعو له ان الله يصلحه ويهديه

208 تعليق 16,289 مشاهدة

شاركي في النقاش

سجلي الدخول لإضافة تعليق.

التعليقات

190
  1. @hnyn_althkryat_1

    حبيبتي الله يرد اخوك لكم ردا جميلا ويحفظه من كل مكروه

    غاليتي ابي اقولك حاجه ان الكبت يخلف النفور

    اذا حس الشخص انه محاصر من الام والاب والاخ يبحث عن الهروب باي طريقه

    يريد البحث عن الراحه والمتنفس مهما كان لابد ان نكون وسط في التعامل

    وهو الان في سن حرجه سن المراهقه

    الله يرده لكم عاجلا غير اجل ويحنن قلب اهلك عليه

    طمنينا على اخوك الله يطمنكم عليه يارب
  2. @bnt_ord

    صاحبة الموضوع
    الله يجزاكم خير طمنتو قلبي

    بس تدرون وش المشكله

    اخوي مهدد انه يبي يذبحه

    بس امي قالت لو تلمسه انا ما احللك طول عمري

    ياقلبي عليك يااخوي انت ماكل وشارب ولا جوعان

    الله يردك

تابعي تجارب أخرى من هذا القسم.