شخباركم بنااات حواء ؟؟
اليوم جاية و معاي صور للاشياء اللى احبها و استخدامها يوميا و الحمدلله مادية مفعول ممتاز
أول شي منتجات Body Shop
احب هالمحل لان دايما منتجاته طبيعية و تعطيني نتيجة حلووة
بشرح بالتفصيل عن اللى موجود في الصورة
1. SEAWEED : هذي اذا كنت بشرتك دهنية و جافة في نفس الوقت و الله يا بنات ما اقص عليكم خلال يومين لاحظت ان الحبوب اللى في وجهي خفت و بعضها راح و التشقق اللى حول خشمي راح بدون رجعه و انصحكم اتحطونه قبل المكياج و الحلو اللى فيه انا بارد و شعور حلو لما احطه على وجهي و يتحكم في اللمعان
2. VITAMIN E : يفتح البشرة و يخليها صافية
و العلبة الخضرة اللى في الصورة : عبارة نفس القناع ينحط حول الخشم علشان البشور الشودة حول الخشم و يشيل الدهن و ملمسه ناعم عن جد رووعه
العلبة الشفافة الفيروزية : عبارة عن عطر و استخدامه بعد الاستحمام و ريحته حلووة
العلبة الفيروزية : لوشن جسم نفس ريحة العطر و حلووة
و حابة اجيك مكياج بودي شوب .. ان شاء الله اخبركم عن تجربتي بعد ما انزل السوق
نجي الى منتجات Burberry
غسول الوجه + اللوشن : اللى يعجبني فيه ريحته و يعطي ملمس ناعم ( انصح فيه المتزوجات )
المكياج :
الفانديشن و البودرة من ماكس فاكتور : ما فكرت اغيره .. بشرة صافية و لون رووعه و سعره بعد حلوو
كونسيلر على شكل بودرة : عن جد حلو و يغطي العيوب و هذا مو شي جديد على ماكس فاكتور بعكس الكونسيلرات اللى تحسينها ثقيلة
قولس من ماكس فاكتور : لون الزهري حلوو
الشدو من مكياجي : عادة انا احط الشدو لون واحد و خفيف على الجفن و استخدام الالوان الترابية يبين مظهري ناعم مع مسكرا بدون كحل عن جذ عن جذ تعطي عيوني مظهر جذاب و حلو و يميل الى الطبيعي بدرجة كبيرة
علبة مكياجي السودة : ( كحل ، ماسكرا ، شدو اسود ، لاينر ) بس الماسكرا اكثر شي استخدامها و حلوووة بعكس الماسكرات البقية اللى تلصق الرموش بعضها او ما تعطي لون
العناية بالشعر
استخدام هالعلبة قبل ما اسوي استشوار تعطي ريحة حلوة و تحمي الشعر من التلف و خصوصا ان استخدام الاستشوار بكثرة
العناية بالنظافة الشخصية
من فكتوريا سكريت :استخدام هالعلبة و بصراحة الكل يسالني عن السر .. تصير ريحتي كاني توني مستحمة و ريحته نفس الورد عن جد انصكم فيه و تبقى ريحته طول اليوم و الله ما اتغشمر حتى وحدة من صديقاتي اتقول لي تنعرفين من ريحتك و اكثر من وحدة قالت لي شكلك توك مستحمة .. استخدمه بعد الاستحمام كمزيل عرق(( انصح المتزوجات بقووة ))
و اي استفسار انا حاضرة ..
اتمنى اجوف ردودكم