تجمع لمواليد( يناير-فيراير-مارس) >> الرجاء قراءة ملاحظة الإشراف في الرد الأخير

متابعة النقاش، صفحة 205

شاركي في النقاش

سجلي الدخول لإضافة تعليق.

التعليقات

1,488

  1. @lolo_80 محررة

    #18269357
    لا عيوني بربير محنا مطنشينك

    بس بعضنا خبرته قليله انا اتوقع الدكتوره اعطتك اسبوع زياده واتوقع انها بتعطيك طلق صناعي

    نصيحتي خلك مع الدكتورره

    ومن رائي بعد انك تاكلي تمر واشربي حلبه وعليك بالدعاء والاستغفار

  2. @bright_moon عضوة فعالة

    صاحبة الموضوع #18269640
    عيون ابراهيم الله يهون على الجميع وانا مو بس الم بالظهر انا كل يوم يجيني مغص واحيانا يستمر ساعات بس بالاخير يروح


    ام حنين اضحكي اضحكي على كروشنا>>>>>>>>>>>> تبي تتضارب

    أم جنى وش اخبارك هاه هلى مازلتي متمسكه باصرارك والا مليتي من التاسع؟؟


    الديم ياعمري الله يفرحنا بالولادة الميسرة يارب وش اخبار الوالدة بشري عنها؟


    كحل وروج وش اخبارك ؟

  3. @umsolaim عضوة نشيطة

    #18269684
    مساء الخير
    مبرووك يام تومي والحمدلله على السلامة ماتشوفين شر

    ياارب أسألك في هذه الساعة المباركة أن تعجل بفرجنا وتهون علينا وتسهل ولاداتنا وتسخر لنا

  4. @brbyr عضوة نشيطة

    #18269695
    لولو ***
    لا عيوني بربير محنا مطنشينك بس بعضنا خبرته قليله انا اتوقع الدكتوره اعطتك اسبوع زياده واتوقع انها بتعطيك طلق صناعي نصيحتي خلك مع الدكتورره ومن رائي بعد انك تاكلي تمر واشربي حلبه وعليك بالدعاء والاستغفار
    مشكورة أم جنى ولجين على الرد وترى انا متابعة قديمة من الملف الاول واحرص على قراءة كل الردود المكتوبة بس أنا ما اتمنى طلق صناعي ادعو لي أولد قبل خلال هاليومين وترى هذا المولود الرابع وفي جميع ولاداتي ينزل علي ما ي قل ثم يأتي الطلق عاد ماأدري هالمرة نفس الشيء ولا لا >>>>>>>>>>>> قصة حياتي في الوقت الضايع

  5. @alhor_alaayn_5 كبيرة محررات

    #18269840
    دااار الزين
    مبروك لكل اللي ولدوا نبغي الجدول الجديد من اللي ولد ومن اللي بقا ياريت حد يحط لنا الجدول الجديد علشان أشوف مع من بتونس طول شهر 3
    قصة ولادتي بالتفصيل ..


    انا موعد ولادتي كان بتاريخ 17/2/2008

    وقالت لي الدكتورة نعطيك مهله ايام بس عشان الجنين .. وبما انه زوجي يشتغل بنفس المستشفى اللي راح اولد

    فيه .. استشار دكتور ممتاز نساء وولادة وقاله ضروري تدخل خلال هالايام وانا بكلم لها دكتورة داخل المستشفى

    تعطيها الطلق الصناعي لو ماجاها الالم خلال الـ 4 ايام الجايه ...

    طبعا جاني زوجي وقالي هالبشاره اللي ماتوسع الصدر .. وتضايقت وقلت بصبر لين ربي يفرجها .. بس الله يهديه

    زوجي قام يحن فوق راسي وقالي اتعوذي من ابليس وتوكلي على الله وروحي لانه مو من صالحك ..

    المهم موعدنا مع المستشفى كان الخميس .. وطبعا يوم الاربعاء غصصصصصصب نمت من التفكييير .. وكنت ادعي

    ربي يسهل لي اموري .. واستغفر ربي وصليت ركعتين وجلست ع السرير وبرض ماجاني نوم .. اذن الفجر صليت

    ونمت ..قمت ع الساعه 10 الصباح تروشت وجهزت اغراضي للمستشفى << حتى الاغراض ماكان لي خلق اجهزها

    من الخوف

    واكلت لي ساندويتش عشان تسد جوعي بس .. وسلمت على بناتي .. وقلت لهم .. استودعكم الله الذي لاتضيع

    ودائعه .. وبعدها توكلت على الله ..

    دخلت المستشفى الساعه 1ونص وانا معي الالم خفيييييف اسفل البطن ... ولبت الدكتورة اللي بتحط لي الطلق .. قالو لي بالدور

    الثاني .. المهم كلمها الدكتور صديق زوجي وانا استناها تجيني .. كتبو لي التنويم وتقولي السيستر مدام اجلس الى كورسي << لهجتها .. قلت لها مايحتاج ابي امشي امشي مافيني شي ...

    ورحت فوق اتمخطر وكاني البخت .. اخذو مني تحليل الدم وانا اقولها بشووووويش وجع قالت الممرضه اجل كيف ولادة مدام ؟؟؟؟ قلت لها مالك شغل ...

    جلست ع السرير وانا ماخذه معي ادعية واذكار وطول الوقت وانا اقرا فيهم .. حطو لي التخطيط .. وزوجي قرقرقرقرقر فوق راسي <<< يعني قاعد يسولف ...

    قالي بصلي العصر وارجع لك .. قلت له اوكي

    جات الممرضه قالت لي تعالي سوي اشعه .. قلت طيب .. ورحت دخلت غرفة الاشعه شفت دكتورتين .. وحده منهم

    قامت ترحب بي وتهلي .. عرفت انها الدكتورة اللي مكلمينها عني .. قلت لها انتي الدكتورة فلانه قالت ايوه ..

    وسوت الاشعه وقالت كل شي تماااااااااااااااااااااااااااااااام .. بس لازم نولدك لانك تعديتي موعدك .. قلت توكلنا على الله .. قالت روحي غرفتك وانا بجي اعطيك الطلق الصناعي << هذا الكلام الساعه 4 وثلث العصر ..

    رحت غرفتي وانا كلي خوووووووف وجاتني رعشه رجولي باااااااااارده وجسمي من فوق يصب من العرق .. مع انه بنفس اليوم كان الجو عندنا بااارد ...

    رحت وجلست اقرا بالادعيه اللي عندي ..

    وجاتني الساعه 5 وربع وقاست الرحم وبعدين حطت لي جل داخل الرحم وقالت لي بعد ثلث ساعه راح تجي الممرضه وتحط لك التخطيط .. والحمام ماتدخليه الا بعد ساعه ..

    طلعت الدكتورة من عندي الا في دخلة زوجي وقلت له انه حطو لي الصناعي ... وجلس زوجي قرقرقرقرقرقرقر فوق

    راسي . والساعه 5ونص بدأ معي الالم واقول لزوجي تصدق انه مفول الطلق اشتغل معي ... وهو يوزع ابتسامه <<

    ابو الشباب شكله فرحاااان ويبيني اولد بسرعه.. ويستمر مرة ثانيه بالقرقرقرقرقرقرقر

    ويشتد معي الالم وبقووووه وانا ماعدت اتحمل هذا ع الساعه 6 المغرب .. انتهت وقت الزياره وقال زوجي بيبااااي وانا

    جلست ابكي ابيه يجلس معي .. قالي ودي ..بس الحين انتهى وقت الزياره .. ويناظرني بنظرة شفقه .. وانا اترجاه يجلس .. المهم اقنعني انه يتركني وسلم علي وتركني اتألم ..

    قمت ابي اصلي المغرب لانه قريب يأذن العشاء وهم مانعيني من الحمام تعوذت من ابليس وتوضيت ورحت صليت بصعووووووبه ... ويشتد الالم .. وقعدت استغفر ربي وادعي انه ربي يهون علي ...

    اذن العشا وقلت فرصه اصلي بين الاذان والاقامه دعاء مستجاب .. ورحت للحمام الله يعزكم وبغيت ابول ماااااااقدرت حسيت شي بينزل مني ومعه الم قوووووووووي .. ولا توضيت وطلعت للسرير وانا ماسكه بطني .. ولا صليت العشا ..

    ناديت السيستر وانا ابكي قلت لها معي الم قووووي نادي الدكتورة ... قالت الدكتورة في غرفة الولادة ..

    طيب انا حاسه بمووووت واجلس ابكي بقوووووه ... وهم باااااااااردييييييييييين ولا كاني اتكلم ... حسبي الله ونعم الوكيل فيهم ...

    جاتني الدكتوره وقالت كويس استجبتتي للطلق الصناعي وانفتح الرحم معك 5 سم يالله نوديك غرفة الولادة ...

    وجات السيستر عطتني لبس الولادة وقالت لي بدلي .. قلت لها مااقدر حتى اوقف .. وقفت البس بغيت اطيح ولا حتى تنزلو يمسكوني ... وجلست ع الكرسي ودوني غرفة الولادة ومن عند البوابه قالو لي قومي امشي .. وانا ابكي اقولهم مااقدر امشي .. تخيلو يابنات فيني طلق والم ويقولون لي قومي امشي للغرفه .. بهدلوني والله

    وتقومني غصب تمسكني من ذراعي وتشدني بالقوه وتمشيني وغرفة الولادة قبلها تقريبا 4 غرف :06: وكل ماقربت من غرفه اقول هذا هي وصلت لها ... حسبي الله عليهم ..

    وتشدني مرة ثاني يالله اركبي سرير قسما بالله اني بصعوووووبه قعدت ع السرير من شدة الالم ... وركبو التخطيط من جديد وانا اناديهم اقولهم ترى الجنين احسه بيطلع وهم ولااااااااااااا شي ... ويجيني شي كذا زي الدفع اني ابي ادفع وبالقوه ..والممرضه تشوفني وتقولي لاتدفعين انتظري << بالله هذى معامله ؟؟؟؟

    ومن الالم انسدحت على جنبي اليمين وهي تقولي نوم على ظهر .. وانا مو قاااااادر مسكني شد عضل قوي من الفخذ الى الرجل وخلاني مااقدر اتحرك .. وشوي حركت جهاز التخطيط برجلي وانا اتالم ... جاتني الهنديه تقولي (( اذا في خراب جهاز انتي يدفع فيلوس )) <<< ونعم المعامله ..

    وجات الممرضه وقالت انه مفتوح 7 سم .. اقولهم خلاص البيبي بيطلع وادفع وهم لسة يقولون لي لاتدفعي وحطو علي الاكسجين واحس اني متخدرة رغم الالم اللي فيني ..

    وبعدها حسيت بشي يطلع واجلس ادفع بالقوه وهم يساعدوني وخذي نفس واستمري بالدفه وممتاز <<< ينقال لهم يشجعوني .. وجاتني الدكتورة وجلست ابكي زيااااااده وقامت تقولي ادفعي واستمري ونفس واحد وانا حاسه اني بموووووووت وانا ادفع وسبحان الله طلعة الراس حاااااااااااااره مو مثل الولادتين اللي قبل .. ماحسيت بطلعة راسهم هالمره حراره مش طبيعيه سبحان الله ...

    وتمت الولادة على خير الساعه 9وثلث وانا اراقبهم وين بيودون وليدي .. بعد لازنم نطمن بعد سالفة السرقات هالايام صرنا نخاف .. قلت للمرضه فين البيبي قالت الحين بجيبه وجابته لي بسرعه وهو يبكي وحطيته على صدري ونزلت دموعي وانا ابوووس فيه وقالت لي شوفي ولد :hahaha:

    قلت لها الحمدلله ... وعملو لي التنظيف والغرز عطوني ابره بس برضو مؤلم جابو سبراي مخدر وبخو ونفس الشي ماكأنها حطت شي بس يالله الحمدلله على كل حال ..

    ودوني غرفة الاستراحه ... وبعد الحفله الحافله اللي صارت قلت للمرضه المنحوسه الهنديه اللي في وجهي طول الوقت واللي قالت ادفعي فلوس الجهاز << مالت عليها في قلبي حررررة ودي اكفخها .. الموهيم قلت لها جيبي لي مويه عطشاااااانه.. عطتني خزززززززه محترمه وجابت مويه بارده ..

    شوي مرت من عندي << المشكله مافيه الا هي بوجهي ... قلت لها عطيني التيلفون بكلم ماي هازبين .. قالت خلاص في كلام هوا وفي يقول انه انتي خلاص ولادة .. عاد انا ماصدقتها قلت لها متى كلمكم ؟؟ مايسوى علي قلت لها هالكلمة الا وتعطيني خزززززززززه اطول من الخزززززززززه اللي قبلها ..رحت صديت عنها :16: فرحانه اني مسوية شي صادة عنها :hahaha:


    ليش كتبت لكم قصة ولادتي ...عشان تستفيدو منها ...

    الاذكار يابنات والادعيه لاتنسونها ..
    قراءة القران والتوكل على رب العالمين
    قول ( اللهم لاسهل الا سهلته وانت تجعل الحزن اذا شئت سهلا )
    قول ( بسم الله الذي لايضر مع اسمه شئ في الارض ولا في السماء وهو السميع العليم )

    ولاتخلون اي ممرضه تتسلط عليك وترفع صوتها :mad: ترى والله معاملة الممرضه لها دوووور في النفسيه

    ايه وآخر نصيحه لاتمدون رجولكم على اي جهاز موجود لانكم راح تدفعون قيمته :hahaha:


    وتمنياتي لكم بولادة ميسرة

تابعي تجارب أخرى من هذا القسم.