كيف يصير لي مصروف شهري مليت وانا اطلب

يرفع .......


للأهمية الموضوع لي ولباقي البنات.

انا بعد مطالبات دامت لشهور طلعت بطريقه اخذ فيها المصروف بدون رزت وجه عادتن لما اروح لاهلي يعطيني مبلغ بسيط ميه خمسين
قلت مافيها الا يعطيني على الاقل اربع ميه
مره رجعت من عند اهلي واسولف معه سوينا وسوينا وطلبنا عشا من المطعم الفلاني طبعا كان العشا على فلانه وفلانه
( اسامي خواتي)
الحمد لله لو كان الدور على كان انواع الفشيله قدام امي وابوي واخواني قال ليه قلت لان اللي عطيتني يادوب جاب خليب لبنتك قال ليش هو العشا دوريات عند اهلك قلت ايه كل مانتجمع نجيب عشا من برا هذا غير الحلى وغيره من حلويات الصغار ايه على فكره عطيت بنتك الكبيره الباقي قلت قولي لخال يجيب لكم بطاطس ومصاص لك وخوالك الصغار وعيال خواتك طبعا حنا في بيت ابوي كذا تستغل الوقت في السوالف ونريح من المطبخ والطبخ يعني يوم في الشهر
الرجال جات في باله ان المره الجايه الدور على وعلى اختي الثانيه طبعا حنا اربع قلن ماشاء الله ولما وداني بعدها بشهر عطاني اربع ميه وقال هاه لايكون فلان اكرم مني عادي خذي راحتك واصرفيها كلها قلت في نفسي اربع ميه بس طيب بالحيله نحصل اكثر
اخذتها ونزلت ثاني يوم رحت مع اخوي وشريت بها لانجري وملابس له بالفلوس كلها
ولما رجعت قلت فلان حلف الاتكون سهرتنا عليه قلت فرصه اللي معي اشتري فيه بعض الاغراض اللي نفسي فيها من زمان ولاقدرت طبعا لازم اجيب لك شي معي لانك دايما في بالي
هاذي حيلتي يابنات ادعوا انه يستمر المصروف مو مساعده مقطوعه

قولي انك بتسوين جمعيه مع خواتك او جاراتك وبكذا يكون معك مصروف كبير تستفيدين منه في شي كبير يمكن يقتنع

الله يرفع شانك

المشكله ان اهلي بعيد عني لو عندي ماكان احتجته