تكفوووون انصحوني ياحوامل الرياض

السلام عليكم ورحمة الله ..


بصراحه انا سالت كثير مجربين ياخذون دكتوراتهم من برى المستشفيات يسبون هالطريقه مره ..

لأنك تكونين قلقة وعلى اعصابك وماتدرين متى تجي خصوصا اني سالت متى يتصلون عليها يقولون مانتصل الا لما ينفتح الرحم 5سم

تخيلي والحريم يختلفون فيه منهم اللي تقعد يوم وفيه منهم اللي ماتقعد الا نص ساعه وتولد وتقعدين تصكين رجولك لين تجي والا وش تسوين بالضبط..



وعلى العموم اذا كنتي ملزمه تاخذين دكتوره من برى انصحك بطبيبات الحبيب خصوصا سنيه انا ماجربتها بس هذا من خلال تجارب بنات المنتدى في موضوعي اللي بتوقيعي ..


وتبين نصيحتي استخيري في المستشفى وادعي ربك انه يسخر لك "دكتوره ومممرضات " وبس وتوكلي وروحي للمستشفى اللي حددتيه ,,

انصحك اذا فيه امكانيه تولدين في مستشفى حكومي افضل

للرفع

مشكوره كل وحده ردت علي واتمنى البنات الباقيين مايبخلون بنصيحه او رفع الموضوع

شوفي عزيزتي نصيحه مني لك ومن تجربه لأن كانت ولادتي الأولى في الحمادي ودكتورتي طالبتها من برى بس مع الأسف ماجت كانت تعبانه ومريضه الله يرحمها توفت ومن بعدها زوجي خذا موقف وقالي مالك ألا دكتوره في نفس المستشفى اللي تولدين فيه بس مع الأسف ماكنت أعرف أحد كل ماطلبت قالو مو فيه وجتني دكتوره أسمها كورانا الله يجزاها خير كويسه هي هنديه بس خلاص طلعت من الحمادي ’’’

ولادتي الثانيه نفس الشي رحت لدعد ونصيحتي لاتفكرين تروحين لها ’ واللي يمدحها لك قولي له أنسى الموضوع .....

وأنتي على كلامك دكتورتك اللي تابعين عندها ماعندها أحد لازحمه ولاشي ونصيحتي لاتتهورين هذي ولاده ماهي لعبه مو قصدي أخوفك بس أقصد لازم تكون لها خبره في كل شي وممارسه شغلها ....

أن شاء الله البنات يفيدونك أكثر عن الدكتورات الممتازات ... مع الأسف ربي ماحضضني بوحده ممتازه ..