الجديد بس في فن التقديم لبنات الرياض ( سيتم حذف المواضيع المشابهه )

رجاء يابنات اللي عندها رقم ام عبد الله المقرن ترسله لي ضروري


وجزاكم الله خيرا

منهي ام عبدالله المقرن يعني وش تبيع ولا تقرا ولا تمرّخ
<<<<==== منيب ملقوفه ابد

شوفي عيوني ..انت ركزي على القهوة ..وحلاها لان الناس يكيفون على القهوة اكثر حولي تشكلين الشوكلاته من اكثر من محل ..

شيء مغلف وهذا منه يكون اكثر من صينيه والمحل يختلف يعني تنوعين فيه وشي مكشوف ..وشي منزلي

مايحتاج تحطين كابتشينو ...لان الناس الحين تشتهي البارد ...وانا من الناس الي ما اعجبتني حركة الكافي أبدا أبدا ..ما أدري احس الكفي حق حفلات خاصة بنات وشي صغير ..مو حق زوجات مع العلم ان فيه ناس كان زواجهم بالصيف وحاطين كفي ..( يعني هذا يرجع لك تبين أو ماتبين وانا من رايي ماتحطين ركزي على القهوة زي ماقلت لك وخليها توجه مرة والشاهي بعد )
التمريات حلوة حقت الصالحيه ..ويصلحها لك على اشكال وطعمها حلو وتكون في صينيه كبيرة شوي

اتركيك من الربيعه حلاها شوي وغالي ما احس انه برك شوفي روز عنده حلى منزلي ...حلو ...وانت إذا تعرفين أشكال حلى هدى الربيعه راح تعرفين تختارين اشياء مقاربه له من عند المحلات لانها تسوي اشياء تشابه لحلاها وحلا المنزلي عند روز مورينا جهينه كحلات كثيرة بس انت اختاري المناسب
الشعبيات الصغيرة تلقينها في اغلب المحلات مثل ركن القصيم مخابز المملكة ....لكن المحلات الكبيرة مثل اوبر وغيره مايوفر ..شعبيات بكل الانواع

كل الاشياء الي ذكرتيها مع العصير تنفع ..وحلوة ...اما كيف تقدمينها يختلف على حسب شكلها ...وحلو لو تجيبين فكرة غريبه ...وبعدين المحلاتالحلى تاجر الصينيه بحلاها أذا شفتي عندهم شيء غريب أستاجريه ويعبون لك

شوفي انا تكلمت على اساس انه زواج ...مو نفاس ..لان فيها شياء تختلف يمكن

أنا أركز على تنويع المحلات ..وتحطين الشكولاته المغلفه كم صينيه بحيث تكون من محلات مختلفه ,,
بالتوفيق

مشمشة زرقا

داي مود بطريق الملك عبد العزيز جنب مطعم النافورة ولافندر بالتخصصي محل صغير قريب من اشارة الملك عبد الله جنب برستيج
والورق العنب الصغار والكبه لا يفوتك سعد الدين يجنننن
وموالح روز اذا غطيتيها زين ممكن تقعد ل 5 ايام كويسه

:
:

ضايق صدري

حطي عصير لانه حر بس اذا تبين حركه وزعي قهوه تركيه بعد العشا خفيفه وتنشرب طول السنه
والشعبيات اذا مغلف بسنتافون واذا مكشوف صغار بالصالحيه
والعصير حلو معاه التشيز كيك او الكيك الصغار بس اذا انته زواج ممكن تقدمون العصير بعد زفة العروس وقدموا معاه توزيعات العروس وممكن تكون الشوكولاتات المزينه وعليها اسم العروس

طيب لو حفظتها بالفريزر تتوقعين تبطي ؟؟

لأن روز بعيد عننا مااقدر دايم ارسل احد يشتري لي ..

وبنات ابغى طريقه لحفظ حلى القهوة اطول فتره ممكنه لأنه برضوه بجيبه من محل بعيد ..

يياشين النفاس ماتعرفين متى بيجونك الناس ..!!