بسم الله الرحمن الرحيم
السلام عليكم ورحمة الله وبركاته
صباح الخير والطاعة
اخباركن يا عضوات عالم حواء؟؟
في موضوعي هذا ساتحدث عن شغالتنا التي كانت تمارس هواية غريبة
مهوب عندنا الحين ,كانت موجودة لما كنت بالثانوي >>>يقالهم يدرون متى كنتي بالثانوي
المهم الشغالة ذي كان عمرها عشرين سنة يعني تقدرون تقولون انها عاشت سن المراهقة بمنزلنا الكائن هنــاك وهالشيء كان يسبب لنا أزمة في بعض المواقف
أذكر مرة تهاوشوا إخواني اللي بالثانوي هوشة جامدة شوي فقامت تصيح >>>وقته اللحين بنلاقيها منين ولا منين بنفك الهوشه ولا بنسكت فيها
بس تصدقون نفع صياحها لأن إخواني وقفوا خناق وجلسوا يشوفون شفيها ذي تصيح>>>أول مرة يشوفون وحدة تصيح عشان تتفرج على هوشه
المهم نرجع لمحور حديثنا كانت غرفتها بالسطوح وفي مرة من المرات لما طلعنا فوق لقينا علبة التمر المعروفة ماغيرها وفيها...
وش تتوقعون فيها؟؟
فكروا شوي وشغلوا خيالكم الخصب؟؟
خلاص أنا بقول كان فيها إثنين من البعارصا المتوسطة الحجم
(لغير المتحدثين بالقصمنجي البعرصي هو نوع من الزواحف يشبه التمساح تقريبا ,ولكنه أصغر من التمساح بكثير)
تصدقون كانت ذي أول مره أشعر بالشفقة على بعرصي فمنظره وهو فاقد حريته بالدوران على هالجدران جعلني أرحمه
قلنا:ليش يا تي تي حاجره هالحيوانات الأليفة؟؟
قالت:أتسلى والعب معهم واتفرج عليهن وهن يقفزن >>لاتفوتكم يقفزن
قلنا:لا الله يعافيتس اطلقي سراحهن بس ولا يكثر ولا عمرتس تعودين لمثلها
فأطلقتهن وعادت البعارصا للجدران بسلام.....
خلاصة كل هالقرق::
لا تهملوا مسألة العمر إذا جيتوا تطلبون شغاله وعلى الأقل جيبوا فوق ال35
وانتبهو لنظافتها موب عقب البعارصا تسوي غداكم وانتم ماتدرون
هذا وسبحانك اللهم وبحمك اشهد ان لا إله إلا أنت استغفرك واتوب إليك
شاركي في النقاش
سجلي الدخول لإضافة تعليق.
التعليقات
42- امووووووووووووووووووووووووت على لهجتكم وايد حلوة ونيسة
وصدقجانه الشغالة بالثلاثين ناضجة ومتعافية ولا اكبر من شذي تلقينها بتموت والي اصغر من جذي تلقينها لاهية عن عمرها - يا حبيلك يافرفوشه وياحبي للقصمان كلهم بس عاد برصي مالقت غيره وعععع اكرهه كره العمى
وترى اسمه غير برصي بعرصي او ضاطور او وزغ قلتلكم كل اللهجات مثقفه
الله يكفينا شرهم هالشغالات عليهم حركات يمكن تحسبه ضب ههههههههه - تصدقين عاد سواق اهلي كبير يمكن عمره بالاربعين
حصلنا عنده ضاطور في علبه
وكان ميت ورجله مقطوعه وبطنه مخيط
ولما ساله اخوي ايش هذا وليه مسوي فيه كذا قال هذا علاج يععععععععععععع
مادري شيسوي فيه ياكله بس شكله كل رجله
ومخيط بطنه لانه طله الي ببطنه الله يقرف العدو طخومه تصدقين عاد سواق اهلي كبير يمكن عمره بالاربعين حصلنا عنده ضاطور في علبه وكان ميت ورجله مقطوعه وبطنه مخيط ولما ساله اخوي ايش هذا وليه مسوي فيه كذا قال هذا علاج يععععععععععععع مادري شيسوي فيه ياكله بس شكله كل رجله ومخيط بطنه لانه طله الي بب…
بنات حبيت اريحكم لان بعض البنات ارسلو لي يبون مواصفات الشغاله لان يقولون عندهم شغاله اسمه تي تي ويخافون انها هي
ان الشغاله ذي الحين بالسعوديه وعند خالتي ومافيه احسن من شغلها بس حركه البعرصي قرفتنا وحبيت اذكر لكم الموقف واغلب
الشغالات تلقين عندهم بعرصي او صرصور اليل << يحبونها مادري ليه يقولون توسع صدورنا
والله يكفي المسلمين اجمعين شر الشغالات- عاد انا عندي شغاله الله لايريحه زي مهي مقرفتنى حياتي مجنينتي الله لايوفقها كل فتره ياناس طالعه بقصه جديده وحركات مره البشره والشعر ومره تبغنا ندفع ونسوي تقويم اسنان على حسبنا لها كان انا سويته لنفسي ومره تبغني اسويلها تنظيف ارحام و حركات ملعنه من جد والله يابنات ان المكالمات لاندونيسيا بالساعات على حسبنا وكريمات وصوابين تفتيح البشره على حسابن وملابس على حسابن كل شي وكل يوم طالعه لي بحركات ماهي مزبوطه وكلام واكلمها لاعاد تسوي كذا يافلانه يوميا اكثر من 10 مرات ولاحياة لمن تنادي واخير مسويه زعله وديني اسوي تنظيف ارحام قولوي ويش الدبره معاه علما انها باقي شهر وتكمل سنه وباقي لها سنه ثانيه والله يابنات اني ماعد ا احس براحه من يوم ما دخلت بيتي ولا اطعم شي للحياه وسامحيني ياصحبتة الموضوع اني جالسه اكتب في موضوعك لاني ماعد استحملت القهر
مواضيع مشابهة
تابعي تجارب أخرى من هذا القسم.