انتي ملكتي بعدين مامشي الحال وانفصلتو ؟؟؟ تعالي هنا عندي سؤال

ان اشوف ان الأمور تمشي طبيعي
وتنفصل الحين احسن من بعد ما يربطها به شي

انا توني منفصله بعد ملكه دامت اسبووع واحد بس
واحس اني مرتاحه ومبسوطه الحمد لله
ولايهمني كلام احد ابد اهم شي راحتي
وصدقيني ربي بيعوضنا احسن منهم بالف مره ان شاء الله
وان شاء الله اللي صار لنا يكبر في حظنا يارب يارب

حبيبتي عمر الحياة ماتنتهي بانفصال بالعكس ممكن تكون خيره.. والواحد مايدري وين الخيره فيه..
ولازم البنت دايما تكون مؤمنه في ربها وان الزواج والانفصال هذا كله نصيب ومقدر وانشاء الله ان ربي بيعوضها باللي افضل
وصدقيني انا ما اتكلم من فراغ انا احكي لاني اعرف بنات مروا بنفس الوضع وفيهم اللي ماشاء الله ماشيه حياته زي اول واحسن وفيهم اللي تأثروا بس مازالوا مستمرين في الحياه


وقبل هذا كله انا وحده من الناس سبقلي واتزوجت وانفصلت والآن انا مملكه وتقريبا راح انفصل ووالله اني ما اعاني من هذا الموضوع نهائيا بالعكس من انفصالي الاول وانا اعيش احلى سنين عمري وماشيه بحياتي بشكل طبيعي بدون اي مشاكل وبدون اي قلق ومستقره نفسيا والحمدلله.. يمكن لاني مقتنعه قناعه تامه ان ربي اذا اخذ مني شي بيعوضني في اللي احسن منه ولاني دايما الجأ لربي في الصلاة والدعاء علما اني ماني من البنات الملتزمات ومتشددات دينيا بس الحمدلله اعرف ان ربي مايضيع احد..