ركوب الباص

والله ياحبيبتي بصراحه انا ضايعه في الدجه (عليميه)
لكن عن تجربتي المتواضعه انا ماروح بالباص الا للمعهد راح مع زوجي علمني برقم الباص
وقال تركبين من هنا وتنزلين من هنا وطبعا علمني خط الرجعه طبعا في الباص حبل اصفر<<<عساه في رقبة اللي مايتسمى
اذا قربتي من نقطة وصولك تكونين عارفتها اقصد نقطة وصول الباص مهب المكان اللي تبينه لانه احيانا يوقف قبل المكان اللي
تبينه واحيانا بعد بس طبعا انتي بتكونين عارفه انها اقرب نقطه لك
وحبه حبحه مع الايام وبيصير الموضوع عااااااااااااااااااادي جدا بالنسبه لك كنت قبلك كذا رافضه حتى الدراسه
لان زوجي مشغول مهب فاضي يوديني ويجيبني كله خايفه لا اضيع لكن الحمد لله مشيت وواكبت الحضاره

مشكورة اختي على المشاركة انا ادري البداية تكون صعبه ... نفسي اجرب بس الخوف مانعني:(
احتاج تشجيع من الاخوات:)

توكلي على الله وحطي في بالك انك ما بتضيعين
طبعا اهم شي تعرفين رقم الباص اللي يودي للمكان اللي بتروحينه واذا رجعتي تركبين نفس الرقم لانك مبتدأه لانه فيه
باصات كثيره كلها تودي لنفس المكان بس خليكي على واحد احفظي رقمه وموقفه ومثل ما قالت الاخت ممكن ما يوقف في نفس المكان بالضبط لكن حوله بس اذا مريتي على المكان اللي ركبتي منه فيه نور في المساكات اللي في الباص (الاعمده) ممكن تضغطين عليها توعلع عنده فيوقف وتوصلين بالسلامه اهم شي لا تخافين واركبي وبيكون الموضوع اسهل مما تتوقعين
انا طبعا اتكلم عن الباص العادياما الباص القطار يمكن تقصدين المترو فهو اسهل لانه يوقف في محطات معينه وتقدرين تحفظينها حفظ لاني كنت مثلك بس حفظت المحطه اللي جنب بيتي الى الاماكن اللي اروحها بكثره واذا فيه تبديل مترو اروح فيها
سارت سالفه مو رد هههههههه
على العموم في البدايه روحي مع زوجك او مع جاراتك لاني ما علمني الا البنات اللي هنا
ولا تنسين حاولي يكون جوالك معك ومشحون لاسمح الله شي يسير الا تكلمين زوجك
ودمتي بود تقبلي سالفتي ههههه

انا نفسك جديده على هالاشياء وكنت خايفه كنت ابي اروح للسوق وعلمتني وحده وراحت معي للسوق يوم رجعنا كان بيتها قبلي ونزلت وقالت اذا شفتي المكتبه اضغطي الخيط الاصفر ويوقف وكنت خايفه قلت خلاص ضاع مستقبلي هههههههه
بعدين الحمد الله عرفت ونزلت الى بيتي بس لسا مارحت روحه كامله الحالي ابجرب قريبا ان شا الله لا ومعي بنتي بعد
بس انتي روحي اول مرة مع وحده ادلك الطريق وبالتوفيق ان شاالله

الله يوفقك ويسهل عليك