السلام عليكم
عساكم على القوة
بنات حبيت نتناقش بموضوع السفر
حبيت اسأل البنات الي سافر لصلالة
حبوها وكيف كانت الرحلة والله يجزاها الفردوس الاعلى الي تشاركنا لو بمعلومة بسيطة
كيف الاسعار
والافنادق او الشقق
وكيف الاجواء هناك
وانشالله تعم الفائدة
وجعلة الله في موازين حسناتكم
شاركي في النقاش
سجلي الدخول لإضافة تعليق.
التعليقات
12- يااختي انا رحتلها بالصيف بصراحه طبيعه خيال يعني اذا انت تحبين الطبيعه والضباب بدون ترفيه وفله
لان بصراحه مافيها الا ملاهي في منتجع سكني وعاديه وفيه مكان يسمونه البلديه فيه بازار كبير وعروض شعبيه وسوق تراثي والعاب
اسواق لاتفكرين من ناحية الماركات افضل شي عندهم سنتر بوينت اللي هو ستي بلازا بس الباقي اسواق شعبيه ولا رحتها اممممممممم اش بعد
الفنادق ماادري عنها بالضبط لان سكنا من عند اهل صلاله نفسهم ياجرون بيوتهم فيه فندق كراون بلازا وهيلتون بس انتي متى بتروحين لان ماتنفع الا بالخريفبالعربي لو رحت انا وزوجي بس مااطول فيها اكثر من 3 ايام لانها بس طبيعه فقط لااكثر
اي خدمه انا حاضره على الخاص الله يوفقك - ياعمري تسلمين يالغالية
الله يسعدك ويوفقك يارب
انا بروح بشهر سبعة ميلادي مدري يكون خريف او لالالالالالالا
الاسعار كيف سمعت انها غالية
الله يجزيك الجنة على سعة سدرك
والكلمة الطيبة صدقة - الخاص حقك مايستقبل بس اقولك الوضع امان من كل النواحي وفيها سعوديين واجد ويارب رحله سعيده
صراحه صلاله حلوه وطبيعتها محليتها بس الباعوض فيها مشاءالله وبعدين احلى وقت للسفر للصلاله على شهر 8 ميلادي مااعرف كم يطلع بالهجري لان احنا سافرنا على بداية 8 قالوا لنا اهلها صلاله احلى بااخر 8 ومن ناحية الاساعر انا سافرت تقريبا من 3 سنوات يعني تو الغلاء مايانا بس الحين ماعرف ومااعتقد الاسعار اغلى من بوظبي والدوحه وعن السكن مثل ماتفضلت الاخت وقالت لج اهلها يأجرون بيوتهم وعندج بعد فنادق بس مب وايد والاماكن الترفيهيه ترى محدوده عندهم بس كل سنه يقام عندهم مهرجان معروف ينباع فيه كل شي سواء مستلزمات تراثييه او مستلزمات عاديه نفس المعارض اللي عندنا وبعد هناك عروض فلكلوريه ويحضرون فنانين من كل الدول للمهرجان بس بقولج احلى شي بصلاله طبيعتها الناس تسحرهم هالطبيعه عندج وادي المغيسيل لايطوفج وهم بعد الشلالات وعندج بعد معالم مثل قبر سيدنا ايوب مكانه روعه بين الجبال وبعد ضريح سيدنا عمران ووايد اماكن انا اللي ذكرتهم لج زرتهم من قبل واتمنى افدتج برايي- انا والله قضيت الاجازة موب بصلاله بصالتنا :)
مواضيع مشابهة
تابعي تجارب أخرى من هذا القسم.