غالياتي
احزنني كثرا مااراه في هذا القسم من جهل البعض بحقوقهن بشكل مؤلم
ومن ردود بعض الاخوات هداهن الله اللي تخلي المرأه ترتعد فرائصها من مجرد التفكير في اخذ حقوقها
اخش في الموضوع على طول لاني مااعرف التنسيق والمقدمات
تعرفي ان الدين عندما امر المرأه بطاعة زوجها
امره بالمقابل بالنفقه عليها حتى لو كانت غنيه
(وللاسف احنا نجي ونقول احمدي ربك انو خلاك تتوظفين وماخذا من راتبك شي )
اذا اشتكت الموظفه قلنالها لاتشتكين هذا حال الموظفات عطيه من راتبك)
ياللعجب صارت المره تنفق على زوجها وتعطيه نص راتبها
مااقول الا الله يطول بعمر ابوانا ويرحم جدانا اللي ماكان يرضى يمد يده لحرمه
ويعينا على زمان اشباه الرجال
امره بتوفير السكن لها
لم يلزمها بالخدمه في بيت زوجها
(واحنا نقول ياخزياه ياعيباه اشترطت شغاله هالرفله)
امره ان لايقبح ولايضرب في الوجه
(وحنا نقول اصبري لو ضربك واحيان يقولون تستاهلين محد قالك تعصينه)
امره ان يؤدي حقها الجسدي والعاطفي
امره اما امساك بمعروف او تسريح باحسان
(وللاسف ماصار الامساك بمعروف ولاالتسريح الا بعد طلعة الروح)
وكان اخر كلام الحبيب عليه افضل التسليم(رفقا بالقوارير)
تعرفي(كوني له امة يكن لك عبدا)(للاسف صار مفهوم النساء كوني له امة يكن لك سيدا )
تعرفي ان زوجة عمر رضي الله عنه اللي كانت تهابه الجن كانت زوجته تصرخ في وجهه
(للاسف اللي نطالبها انها تكون اله مبتسمه ومؤديه لجميع الحقوق ويطقها بالنهار وتبتسم وتصير بائعة هوا في الليل)
تعرفي انو عائشه رضي الله عنها قالت للرسول اللهم صلي عليه وسلم (ارجوا التاكد قبل كتابة مالانعلمه حين يكون عن خير خلق الله)
والصحيح هو رفعت صوتها رضي الله عنها وارضاها وهم ابي بكر ليضربها ولم تقل كاذب
عن [النعمان بن بشير] رضي الله تعالى عنهما قال:
جاء [أبو بكر] رضي الله عنه يستأذن على النبي صلى الله عليه وسلم ,فسمع عائشة وهي رافعة صوتها على رسول الله صلى الله عليه وسلم.
فأذن له بالدخول فدخل...
فقال أي أبو بكر: يا ابنة أم رومان ؟ يعني كأنه يهددها أو يغضب عليها يا ابنة أم رومان ؟ وتناولها :
أترفعين صوتك على رسول الله صلى الله عليه وسلم؟
فحال النبي صلى الله عليه وسلم بينه وبينهما( يعنى كأنه جعلها خلفه يريد أن يخلصها من أبيها ، رضي الله تعالى عنه )، فلما خرج أبو بكر جعل النبي صلى الله عليه وسلم يقول لها يترضاها يقول لها: "ألا ترين أني قد حلت بين الرجل وبينك ؟".
قال: ثم جاء أبو بكر فاستأذن عليه فوجده يضاحكها ,فأذن له النبي صلى الله عليه وسلم بالدخول فقال أبو بكر:" يا رسول الله أشركاني في سلمكما كما أشركتماني في حربكما " .
وفي الحديث بيان ما كان عليه النبي صلى الله عليه وسلم من الحلم والتواضع وحسن معاشرة زوجه"المشرفه"
(للاسف اذا وحده قالت لزوجها كلمه وبردت خاطرها تلقين البعض خلاص يكفرها ويخليها ملعونه)
تعرفي انو احدى الصحابيات راحت للنبي صلى الله عليه وسلم وقالت له انها لاتريد الحياه مع زوجها لانها ماترتاح لشكله
فقال لها الحبيب صلى الله عليه وسلم بكل بساطه (ردي عليه حديقته)(للاسف تجيك وحده على بالها فاهمه وتقول ماتشمين ريحة الجنه
طيب ركزي يابنت الحلال (من غير بأس) تفهمين وشو البأس؟؟
تعتقدين البأس هو انه يموتها ولايحرق وجهها بموية نار ولايكسر ضلوعها وغير كذا حرام تطلب الطلاق
البأس هو كل شي يتعبك ويبأسك وانتهينا
تعرفي ان حسن المعامله حق لك من الزوج واهله
(للاسف تجي الوحده طالعه ريحتها من ام زوجها وجايبتلها الظغط والسكر
ويجو المثاليات في الحياة يقولون اصبري اعتبريها زي امك!!!
عجبـــــــــــي
عجـــــــبي
عجــــــــــــــــــبي
زي امي
اللي حملتني وولدتني وربتني وسهرت عشاني الليالي !!
زي امي اللي قرن ربي برها بالتوحيد !!
زي امي اللي ماقدمت لي الا كل شي رائع في حياتي!!
زي امي اللي كانت سبب وجودي في الدنيا!!
ليـــــــــــه
كل هذا عشان جابتني لكحيل العيون ولدها !!
ترى ربي اللي جابه الين عندك
مو هي اللي جابته
عليك بالاحسان اليها وبرها واحترامها واعتبريها زي امك لو اعتبرتك زي بنتها
ولكن اذا اسائت لكي
لا والف لا
احترميها واحسني اليها وحثي ابنها على برها ولكن لاترضي باهانتك ابدا
______________________________________________________
تعرفي ان الحبيب عليه افضل الصلاة والتسليم كان يبستشير زوجاته
كان يمتدح عائشه رضي الله عنها بعلمها (للاسف نسائنا تعلم ولدها انه عيب يقول اسمها قدام الرياجيل)
تعرفي ان النبي اللهم صلي عليه وسلم مات في حضن عائشه رضي الله عنها
تعرفي ان الاسلام ماكرم على وجه الارض مخلوق اكثر من ماكرم المرأه (وللاسف ماهان مخلوق المرأه قد المرأه نفسها)
للاسف اشباه الرجال نسو كل هذي الاشياء وساعدوهم الحاقدات من النساء على النساء
فعينو المرأه جاريه عند الرجل لااكثر
وعند ابسط نقاش يسردون لك كل الاحاديث الخاصه بحقوق الرجال
ويذكرونها بالويل والوعيد اللي ستجده عند عصيان هذا الذكر
اخواتي من جد انا اتمنى انو كل وحده فينا تعيد النظره لتفكيرها
_________________________________________________
موضوع اخر
يالله رحمتك
اقسم بالله يبكيني ويؤلمني بشكل فظيع
الخيانه الزوجيه
يالله كم نثقل كاهل الزوجات
تزيني والبشي وتعطري واصبري
الى متــــــــــــــــــى؟!
الى متـــــــــى؟!
الين مايجيك ايدز ولا فضيحه كبر الدنيا
تعتقدي ان اللذي امر الاسلام برجمه
انتي بتصلحينه برشة عطر ولا ليله حلوه ولا زينه
ومن اعجب ماقرأت وحده زوجها شاذ ويقولوها نفس الكلام
ياناس ماهو مزاج حريم شاذ يبي رجال
وهذي تقولها تزيني
كان الاولى تقولون لها احلقي شعرك وركبيلك شنب مستعار
غيرو طريقة تفكيركم اعيدو النظر لحياتكم
اعيدي النظر في نصيحه قدمتيها لاخوك ضد زوجته المجروحه لسبب ما
اعيدي النظر لكل كلمه قلتيها لاحد محارمك لما جا واشتكى لك من زوجته
اعيدي النظر لكل كلمه قلتيها لزوجك عن بنات جنسك عشان تشوهي صورتهم وتضمني انه مايدور غيرك
اعيدي النظر في كل كلمه قلتيها لاحدى اخواتك وكلفتيها بها فوق طاقتها وانتي نفسك ماتقدري تطبقيها
_______________
حبيباتي اقسم بالله الذي خلقني واحسن خلقي انها ليست دعوه للتمرد
وانا بريئه من اي انسانه تتخذها عذر للعصيان والنشوز
ولكن كثر الظلم على النساء من بأسباب نفسهم
المرأه اللي ماتعرف حقها ياناس ماتعرف واجباتها
لايمكن تعيش بسلام
لايمكن تربي ابنائها بطريقه طبيعيه
انا مااقول لاتصبرين
لا ولله
اصبري واصبري واصبري وبيعي الغالي والرخيص عشان حياتك تمشي
لكن تذكري لنفسك لصحتك لنفسيتك لاولادك عليك حق لاتهدري كل الحقوق لارضاء رجل
ربما لن يرضى لو نزعتي عيونك وعطيتيه اياها
واخيرا
اتمنى لو تستفيدو من موضوع لو بكلمه واسأل الله لكم السعادة في الدارين
شاركي في النقاش
سجلي الدخول لإضافة تعليق.
التعليقات
121- انا من الحماس ماكملت قراية لموضوعك ابرد على الموضوع الممتاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااز
#لا يطق معي عرق بس#
الحين بروح اكمل قراية
حطولة علامة ممتاز والله يستاهل 100% - انا معك بكل كلمة قلتيها خاصة
الخيانة
خلاص لماالوحدة تشوف هاااال.............خانها وشرب
خلاص خوذي اطفالك وعيشيهم بجو نضيف
وقسما بالله هاللي يقولن اصبري
ووو
والله مهبل تصبر على سكير تصبر على زاني ابد الموازين اتشقلبت
ليه الاستسلام
المفروض كل وحدة مننا تشد على ايد الثانية مو تزيد خنوعها خنوعات ودشارتها ادشرة(جمع داشرة)
والله من جد اتكلم وامهاتناالله يخليها لنا ماعندهن الا
استري عليه اصبري
الله لايستر عليه انشاء الله
مالي ذنب ان كان هو بهذاالسلوك او انا من حقي اني اتركة واعيش حياتي وحقوقي كاملة اماا ناه بيلعب بذيله عندي
يضف وجهه
والله عصبت من جد - جزاك الله كل خير
- كلام في الصميم .. وهو نفس رأيي تماما
والمرأة اللي ماتحترم نفسها ولا عندها كرامه لاتعتقد أن الناس بيحترمونها ومنهم زوجها طبعاً ..
والمصيبه كل يوم طالعين لنا يتنططون في القنوات والإذاعات والمجلات والصحف والنت ..
جددي حياتك ...
دللي زوجك بسهره بحريه ..
تغاضي عن عيوبه واحبيه كما هو ولاتحاولي تغييره
حاولي أن تظهري بمظهر الضعف الذي يرتبط بالأنوثه !!!
البسي وكأنك بحضرة ضيوف في المنزل !!!
ووووووو
هذا غير النصائح اللي ماليه الدنيا .. اصبري احتسبي تغاضي غضي الطرف .. فكري بأولادك .. وش يقولون الناس ..
ومايفقع مرارتي الا اللي يخون زوجها أو ينحرف يحطون اللوم عليها وانها مقصره معه .. والطامه الكبرى زوج شافت زوجته صور اباحيه له مع نساء اجنبيات يقولون لها لايدري انك شفتيها واعطيه اللي لقاه عندهم وماشافه عندك .. اعملي له سهره مميزه !!!!
(ومن يهن الله فماله من مكرم ) والإسلام كرم المرأة وانتم تهينونها لأجل الرجل وكأنه مخلوق مقدس مع الأسف ,,,
والله العظيم ان الصبر على مالا يصبر عليه انه اهانه وذل مابعده ذل وحتى الرجل ينظر لها نظرة احتقار وانها ليس لها كرامه وانها رضيت بالذل فتستحق ماجاها !!
أما المثاليات اللي مالها قيمه في هالزمن .. ماراح يقدرونها رجال الأيام هذي بل يعتبرونها تنازل وغبااااااااااء !!!
ولاحظوا بنظره منصفة حياة امرأة تحمل مثل هالتفكير القديم والتنازلات اللي المفروض ماتصير والتغاضي ووو نلقى زوجها مصيطر عليها ومستضعفها ومهينها ,,
اما المرأه القويه بغير تسلط العارفه لحقوقها اللي ماتسمح بالغلط والإهانه والله ان زوجها يحسب لها ألف حساب ويخاف لاتزعل ويعتذر لو زل لسانه او غلط بحقها ..
طبعا هذا الغالب ولكل قاعده شواااذ ..
الخلاصه ..
اطيعي زوجك في غير معصية الخالق
أدي حقوقك كما ينبغي بدون تتفريط
احترمي زوجك .. واهله
وبنفس الوقت تمسكي بحقوقك واعرفيها حتى تطلبيها بثقه وبدون تردد
لاتسمحي له يقلل من شأنك لو كان يمزح ولو كان في ليلة الزواج وقفيه عند حده بطريقه مهذبه وحاااازمه
أشعريه بحب أهلك لك ولو على سبيل المبالغه علشان يحسب لهم ألف حساب قبل لا يغلط عليك
لاتسمحين له يمد يده عليك مهما كان المبرر .. ولاتسكتين على هالشي لأن اللي يضرب مره بيتعودها كل مره
اتركي المجال لأهلك يتدخلون في المشكله لو عجزتي عن حلها بنفسك
وسعي علاقاتك وهواياتك وعلمك ولاتخلينه أكبر همك لأن الحياة اكبر من مجرد زوج وبيت وأطفال !!!
لو جعلتيه محور حياتك ستشقين ولن تكوني محور حياته مهما كان لأنه رجل وليس أنثى
لو وصلت الأمور لطريق مسدود لاتضغطين على نفسك واعصابك وتدمرين صحتك علشانه والسبب الطفال تذكري ان الله ارحم بهم منك وهو الذي فرض الطلاق كحل أخير للعلاقه الفاشله .. وكم من الناجحين أبناء لأب وام منفصلين عن بعضهم .. وليس من العدل أن تضحي الأم كل هذه التضحيات وتصبر على المر والأمر منه .. من اجل ابناء سيكبرون ويتزوجون وينشغلون بحياتهم وتبقى هي على حالها وتعاستها بعد ان تدمرت صحتها ونفسيتها وحرمت من كل شي جميل وفات العمر ولن يعود مهما حدث ...
دري طولت بالكلام لكن اللي بصدري اكثر .. من كثر ماأسمع واشوف من المشاكل والحلول اللي يبيلها حلول .
جزاك الله كل خير على طرحك الواعي .. - جزاك الله خير على كل كلمة كتبتيها
مواضيع مشابهة
تابعي تجارب أخرى من هذا القسم.