يوميات امهات اطفال الصفوف الاولي

مستنيه تعالي قولي لنا ايش سويتي مع اولادك ؟؟؟؟؟؟؟؟؟

السلام عليكم هلا بنات اخباركم واخبار اولادكم وش مسوين مع الدراسه

انا ولدي عليه بكره تسميع سورة الليل كامله وعنده واجب في الرياضيات كم تمرين وحلينها
وعنده في القراءه درس المدرسه خلصوا نصفه وبكره يكملونه وسبق وعطاهم عليه واجب القطعه
وواجب اللام الشمسيه اخذوها واخذ الدرس الثاني في التوحيد

بس المشكله عنده بكره علوم وفيه واجب صور لحواس الحيوانات المشكله دورنها في مكتبة العبيكان ماحصلناها
وفي مكتبه ثانيه كمان ماحصلناها ماحصلنا الا حواس الانسان وش رايكم احطها وبس والا وش اسوي

اختي صاحبة الاميرات انا ولدي يوم كان في الروضه عطوه قصيده يلقيها وجلست انا واياه كل يوم بيت او بيتين حسب
تقبله للحفظ واخليه كل يوم ياقف قدامنا تقولين في حفل ويلقيها الين ضبطها وحفظت منها اخته معاه من كثر ماغثيتهم
فيها وركز معاه مره حاولي في ولدك شوي شوي كل يوم بيت لاتشدين عليه وفي كل وقت ردديه الين يحفظه تمام
انتقلي للبيت الثاني والله يعينك وييسر لك

اختي ام خزامى اجل بنتك ماشاء الله مثل ولدي خلصوا سورة الليل الله يعين عليهم ويصلحهم

هلا اختي متغليه اخبارك واخبار البنوته

شوفي اهم شي ماتشدين عليها اشتري لها دفاتر حروف ويكون معها صور وتلوين علشان تحب الكتابه
وشجعيها على كتابتها وامدحيها كثير ولو تكافئينها اذا كتبت بدون صياح وبدون تعب وشوي شوي
بتتحسن وبتحب الكتابه ان شاء الله وسوي لها دفتر في البيت فيه جمل تكتبها وتعطينها هديه عليه
اذا كتبته علشان تتحسن وتحب الكتابه اكثر ولو تعطينها شي بسيط مثل حلاوه لعبه بسيطه
توعدينها بطلعه لمكان تحبه وزي كذا الله يعينك عليها ويصلحها

حجابي انا مثلك دورنا لولدي صور حواس الحيوانات ماحصلة

بالاخير حطيت له صور حيونات كامله خخخخخخ