الزوج موجود و الأخو مفقود ..

أشكر يا بنات تفاعلكن مع مشكلتي . وراح أوضح حال أخوي وزوجي حتى تساعدوني ...
أخوي هو أصغر واحد في عايلتنا وتربى تربية بنات يعني يستحي كثييييير . وهو توه متوظف وعمره 21 سنة .
المشكلة إني أخاف عليه من شقق العزاب لأنه صغير وشكله حلو . وما يعرف بخبث الرجال ولا علومهم . وأنا أبيه عندي لين يقوي عوده ويتعود على الوظيفة ويخالط الرجال ويعرفهم .
أما زوجي فالشقة حقتنا صغيرة ما فيه مكان مناسب ينام فيه . لأني حطيت أخوي في المجلس وهذا المكان يقعد فيه زوجي دائماً يطالع التلفزيون و يشتغل على كمبيوتره .أما الغرفتين الباقيات فوحده لبناتي وحده لي .
الحين بعد ما عرفتوا المصيبة والنارين الي واقعه فيهم أبيكم ما تبخلوووووووون علي بالنصحة الجادة .

:angry:

16 تعليق 1,278 مشاهدة

شاركي في النقاش

سجلي الدخول لإضافة تعليق.

التعليقات

13
  1. @fdytk_7

    يووووووووووووه والله مافي مثل الاخ هو السند بعد الله
    الله يكون بعونك ويسخر لك زوجك ويحنن قلبه على أخوك والله نذاله ياخذ شقة ومع عزاب وبيتكم في
    الوسع في القلب ..غيري نظام بيتك بطريقة مايقتحم فيها أخوك خصوصيات زوجك
    تعالي لزوجك بالطيب وفهميه لأن لو خرج أخوك وانحرف لاسمح الله بتندمين
  2. اللي تقول عن زوجها انه في نذاله اقولها اتقي الله ولاتخربين الحرمة على زوجها

    هذا حقه انه يعيش في بيته مرتااح مع زوجته وعياله

    وجود اخوها بيقيد حريته والواحد ماياخذ راحته الا في بيته

    بالنسبة لك اختي سعودية اذا تقدرين تأجرون الشقة اللي جنبكم لاخوك بحيث يتغدا ويتعشا عندكم واذا جا زوجك يروح لشقته

    وحاولي ترضين زوجك لان اذا ماارتاح في بيته بيدور له على شئ بره يرتااح فيه

    الله يكون بعونك
  3. @am_ashoak12

    الله يفرجها لك اختي وينور قلبك ودربك وحاولي يسكن بنفس العماااره وانتي طلي عليه
    افضل لان الزوج مهما كان يبي يرتاح في بيته اللي هي جنته
    الله يخليلك زوجك واخوك ويسعدك يارب ويفرج همك
    وان شاء الله تنحل المشكله وترتاااحييين واخوك استودعيييه الله
  4. صاحبة الموضوع
    بنات حواء العزيزات .. أمس فاجأني أخوي ..
    جاء تغدى وطلع قال إنه يبي يتمشى شوية . وما جاء إلا بعد المغرب .( وكان زوجي طالع من البيت) .
    ويوم سألته ليش تأخر ت يا أخوي؟ سحب من جيبه مفتاح غرفة في فندق وقال لي يأختي أخذت غرفة . قلت ياأخوي ليش ؟ ما أنت مرتاح عندي ؟ قال : لا والله العكس كثر الله خيركم بس أنا أبي استقل و أعتمد على نفسي... والحين أخوك صار رجال وعنده راتب ..وهي كلها كم شهر و أتزوج .ترى أمي لقت لي عروس .
    ما صدقت إن هذا الكلام يطلع منه .. أخوي الصغير صار رجال ويعتمد عليه .. المهم تمالكت نفسي عن العبرة يوم سحب الشنطة وطلع .. بس وصيته ما يقطع .. يجي ياكل ويشرب متى ما بغى ..
    المهم إن شاء الله إن هالمشكلة انحلت . لأن الفندق صحيح غالي بس آمن . والحمد لله على كل حال والله يحفظه من كل مكروه .
  5. @aathb_almnhl

    اختي الكريمه الاخ لايعوض ابداااا ومن كان لها اخ حنون يحبها فقد وجدت من خير الدنيا الكثير

    اتمنى ان يحفظكم الله لبعظكم

    انا ارى انو ممكن تساعديه من خلال جمعيات او غيره ويتزوج ويستقر بس المهم تشوفيلو وحدة طيبه وبنت حلال غلبانه مو تتشرط وتزهقه بحياته

    وان شاء الله ربي راح يكرمك لانك اكرمتي اخووكي

    والله يحنن زوجك عليكي ويهديه ليكي يارب



    اختك عذبة المنهل

تابعي تجارب أخرى من هذا القسم.