الملف الثاني ليوميات الحريم السنعات ......... تفضلوا يالسنعات والرفلات كلنا يدواحده

ولازايدة ولاشي إلا زي السكر اعمار بناتي الكبيرة 16وإللي بعدها 13وطبعا فيه صغار ومن ناحية اقعد معاهم فانا أعطيهم من وقتي على قد ماأقدر وأحاول دايم إني أعرف عنهم كل شي وأصلا الوحدة منهم ماترتاح إلا إذاخرت إللي في راسها عندي ويازينهم عند السوالف والقرقة وإذا طلبت شي انقلبوا الأصحاب شرايك وان سويت وهي ماسوت وطلعت الإختبارات والواجبات وإذاشموا ريحة قهوة حضروا كلهم عندي هذا طبعا في الأيام العادية لكن إذاكان عندنا ضيوف الشهادة لله كل شي منأبدع مايكون ومن غيرهاش ولا زعل يارب تخليهم لي وتصلحهم من ناحية الخادمات أناعندي حساسية منهم من كثر ماجربت وكل وحدة اخس من اللي قبلها

السلام عليكم
مشكورة ساكون باذن اللة على السؤال
انا اليوم لما قمت لقيت البيت حوسة بعد الغدا اللي امس تعرفون اذا جا الوحدة ضيوف تلقينها في الوطبخ ما تطلع الشغل ورى بعض
غسلت الحمامات اعزكم اللة وكنست ومسحت با لديتول الارضيات ونظفت الابواب وباقي اكوي الملابس
انا بسأل سؤال اذا جاني ضيوف يتخربط يومي لان الضيف الي يجون يباتون عندي يعني مااقدر اشغل المكنسة ولا امسح الارضيات في المطبخ وعساني اخلص والضيوف اهم اهل زوجي برى الرياض ويجون باستمرار يعن كل اسبوعين والعطل كلها واللة صرت ما احب العطلة بس وشلون انظم وقتي وانظف اذا جو عني تكفون ردو علي

هايمة بذاتي
ما شاء الله تبارك الله بناتك على ما تعودينهم وانتي ما شاء الله ربيتيهم زين ..انا كذا مع بنتي هي في خامس وحتى الحلا اخليها تسويه واتعمد اذا بيجينا احد واجلس امدح بشغلها عندهم عشان ترتفع معنوياتها وتفرح وتعرف ليش احرص اخليها تشتغل..

لاني متعقدة من هالنقطة كنت عند امي كل شي اعرف اطبخه وبالعكس كنت متميزة رغم صغري لانها الله يجزاها الجنة تحب المثالية بكل شغلها.. الا انها كانت دايما تنتقد شغلي.. طبعا هي على بالها انها بتخليني احرص اكثر!!
وهذا الشي كان يقهرني ويخليني احيانا اعاند وارفض اسوي شي!!

فالي عندها بنات.. تحاول ترفع معنوياتهم وتمدحهم لان النتيجة احسن وتخلي البنت تشتغل بنفس..

ترا اهم شي التعويد يعني يكون لها شغل مخصص لها لازم تنفذه وما اسويه عنها لو يمر شهر وهي ما سوته عشان تعرف مسؤوليتها وتراه من صالح البنت تتعود على الشغل ترتاح بعدين..
الاولاد اخليهم يرتبون غرفتهم ويطلعون الزبالة ويكنسون المكان بعد ما يوسخونه يحطون جزمهم بدولاب الجزم وحتى يساعدوني بغسل الحوش وترتيب ملابسهم احيانا بدواليبهم لو مستعجلة..



ام نسيبة
امي ما عندها نت والا كان شكيت :D


مبدعة

بانتظارك..مع يومياتك:30:

السلام عليكم

يومياتي
صليت الفجر وجهزت الفطور للشباب بعدين رتبت دولاب بنتي ودولابي

وسويت حلا لعيالي بعدين سويت الغداء بعدين اخذت لي غفوه نصف ساعه وكمان فيه طريقه لاحدى الاخوات جزاه الله خير وهي انك تحطي العملاق الاخضر بالسيفون جربتها وطلعت تمام.انا حاول اعود عيالي انهم يشتغلوا معايه يعني واحد يشيل السفره شنطهم على طول لادراجهم ما احد يرمي شئ الايشيله ومره يطبقوا ومره ونسيت اقولكم سويت لبنتي حناء وسدر وحطيتها على شعرهابعدين فيه طريقه حلوه لو استخدمتي الحناء جيبي بانيوا حق الاطفال وخلى البنت واقفه فيه وبكذا ماينزل شئ على بلاط الحمام ومايتوسخ و(سلامتكم)

صبااح الخير
شخباركم
انا بديت بغرفه النوم غسلت الستاير وكنست مرتبه السرير بمكنسه رينبو
وطلعت الملابس اللى مابيها
والحين حايسه بالتسريحه مانى عارفه ارتبها الاغرااض زحمه
بحاول انزل السوق اخذ العلب عسى تتنظم معى
مشكورره ام رمو ع الطريقه جربتها مع بنتى الحمد لله تعدلت شوى وان شاء الله تتعود ع التنظيم