يامتزوجات تعالوا نتناقش عن تفاصيل اشياء في بال كل بنت مقبله على زواج !!!!!!!!!!!

وجــه القمر السالفه هذي نستك الجزء الثامن
<< متابعتك ههههههه

بنات مارديتو من تعرف الفرق بين الافرازات المرضي والطبيعيه؟

للرفع

ياحبيباتي...الله يهنيكم ويرضى عليكم
انا عندي عدة وصايا....
اولا بالنسبة للمكياج..المكياج اول اربع خمس ساعات يكون مبهر وحلو وبعدين يكبي او يخبو بريقه...ومكياج العرايس كثيف وقوي عشان يبين ملامح العروسة من بعيد وكريم الأساس يكون قوي لدرجة ان الي يقرب منها يشوف عيوب البشرة..والتسريحة دايما الكوفيرات يعملو تسريحات خرافية بس ما تبان لأنها تحت الطرحة وجزء بسيط الي يبان من الشعر..بس نصيحتي للعروس خليها تسوي تسريحتك بطريقة من غير موس(( رغوة او جل )) لأنها بتعطي تأثير وكأن الشعر حطبة ..فحاولي تختاري تسريحة لما تروحي البيت وتفكي شعرك تلاقيه حاجة خيال مو ما ينفع فيه الا التحميم والتزييت(( وياهمي متى بتتحممي ولا يمداك تزيتي)) فعشان كذا احسبوها صح

فنصيحتي جهزي معاك مكياجك الي تستخدميه (( في حال انك بتروحي لفندق او بتسافري فورا خليه بشنطة معا اهلك ولا جيتي ساريه يعطوك اياه)) واول ما تتجاذبي معه اطراف الحديث ويساعدك في شيل الطرحة اولا.. أشيري الى نيتك في تبدديدل ملابسك بطريقة لطيفة خفيفه ناعمة...وفيها ايحاء بأن المكياج الثقيل مضايقك..يعني لا يتفاجأ الرجال هب طب وانتي ماسحة المكياج لا اعطيه خبر اول حتى هو يتجهز....بعد ما شلتي الطرحة بدلي الفستان بلبس ناعم ..وهنا اقول لحبيباتي....لا تشتري بس قمصاااااان اشتري اشياء ناعمة وحلوة تنفع فساتين..وانا عن نفسي اشتريت من حرمة سورية شغلااااات كثيررررررر قمصان طويل على قصير على لبس مشخلع على فساتين اي والله مو قميص فستان مشخلع يعني لو ابطنه بس يحضرني مناسبة...بس تقدري تلبسي القميص الطويل بالروب تبعه والشبشب وايضا تتجاذبي اطراف الحديث في روعة هالليلة...وحسسيه بفرحتك زي اي عروس بالفستان وبالكوشة وبالمصورة ..لا تثيري اي موضوع عاطفي منتي قدده تجلسي تبكي والمطر الأسود في عينيك يعدم كل الدنيا ...المهم وانتي تتكلمي بنعومة وروقان وفرحة رقيقه...استأذني....وانا اقول هنا استأذني قولي بعد اذنك حبيبي دقايق بس..لا قال فين..قولي له عاد الأمر لله... إنك بتغسلي وجهك واذا قال لك لا خليه شوي لا تصيري بقرة..طاوعيه وبعدين بأسلوب خفيف روحي ....واذا رحتي الحمام وهناك ابقولك ايش تسوي بس بعد ما اقولك اهمية انك تستأذنيه حتى يحس بإحترامك لنفسك وله حتى يحس قددد ايش انتي ذوق..وبصراحة خليها اسلوبك وطريقتك التعامل معاه بإحترام حتى يحترمك اكثر...من غير مبالغة..بالإضافة الى انها مو حلوة يوم تقومين من عنده من غير ما تقولي له شيء
المهم لا دخلتي الحمام على السريع مسحي مكياج وجهك وعيونك ..لما تمسحي عيونك يبقى اثر للكحل والايلينر عادي خليه تظهر عيونك كحيله..المهم غسلي وجهك بالماء وغسلي جسمك كله بالماء وخاصة الأبط والمنطقة الحساسة...واذا تقدري تتوضي...ونشفيه كويس...وعلى السريع معاك كريم للجسم مذوب فيه حجر المسك مبشور..او حطي في يدك كمية من الكريم وحطي في عليه كمية من ددهن العودد او دهن من زهور الريف وادهني جسمك كله الرقبة من ورا بالذات الابطين الافخاذ والصدر ,,بكذا تكوني تدهنتي وتطيبتي في نفس الوقت وشلتي عن جسمك ريحة العرق الي تكون بسبب التوتر واللطعة عند الكوفيرا...شعرك واتمنى انها تكون تسريحة خفيفة فكي التوكات منه....وفككيه بيدك واهم شيء الواجهه صدقوني الرجل يهمه المنظر العام مو مكان الخصلة هذه صح ولا غلط لا تنسي تاخذي من التولة الي عندك دهن عود او من زهور الريف او مسك ودخليها بشعرك عشان تخلي فيه ريحة..وانصحكم بشيء اسمه عطر مشاكل من نكتار بجد يطيح يعجب الرجال
نرجع للوجه حطي كريم خفيف وحلو...واذا انتي عندك مشاكل ببشرتك ..عادي حطي كريم اساس خفيف..اهم شيء تسوي الي يعطيك ثقة بنفسك ...وكحلي عيونك ومسكريها كوووويس وارسمي حواجبك بدقة وحطي بلاشر وردي او خوخي على خدودك ..وحددي شفايفك بمحدد على موف وحطي الجلوس والمحدد اول عشان ما يروح بسرعه...وحاولي تكوني سريعة
انتي اول ما تخرجي من الحمام.....بتكون طلتك حلوة وهاددية ورايقه......وريحتك تدوووووخ
ونظيفة..نسيت المنطقة الحساسة بعد ما غسلتيها ونشفتيها كويس ودهنتيها بخليط الكريم مع اي دهن...رشي في منديل عطر مشاكل هذا ان توفر لك او اكتفي بمسك العروس او حجر المسك ومشي عليها
وقبل لا تطلعي من الحمام نصيحة مهممممممممممممممممة فرشي اسنانك على السرع واذا ما بدك على الاقل غسول للفم مضمضي مرة او اثنين...عشان التوتر يخليك تتنفسي بقوة والصمت من زود الحيا كلها تساعدد انه لما تجي تتكلمي تطلع ريحة من فمك مو زينة...هذا اذا ماكانت عندك مشاكل بالاسنان او اللثه...وتجنبي اكل اللبان كحل للمشكلة..لأنها صح بتعطر الفم لكن شوي السكرالي فيها بيكون سبب لرائحة الفم
المهم لاخرجتي حبيبتي بشكلك النهائي سمي بالله...واستعيذي من الشيطان الرجيم
وسلمي عليه بنعومة وحياء...قولي له توي بدات استوعب اني عروسةخليه يحس بإحساسك في هاللحظة...قربي من تسريحتك بشويش وانتي تتكلمي معاه مو بددفاشة ولا كأن احد راسلك تقضي مشوار ..لا بشويش روحي وتلمسي عطورك وانتي تتكلمي شيلي واحد شميه الول وبعدين حطي منه على معصم يدينك بس ورشي رشتين في الغرفة"((عرفتي ليش اقولك العطر..لأن انتي معطرة وخالصة بس هالحركة حتى تخليه يطالع فيك بهدوء وهو يسمعك وحتى تعطري الغرفة ويبث فيها جو حميم))" وياليت من عطر ايام الملكة ..او عطر تعرفي انه يحبه او عطر واثقة بنتيجته..انا ارشح لك ..عطر سينما...استي ديبون القديم كوكو شانيل خطير...وبلاجر من استيه لودر..او برايفت كولكشن برضو من استي لودر والخيار متروك لك بس انا افضل استي ديبون/ كوكو شانيل مدموزيل او بلاجر...بالترتيب
ولا قال لك تعالي جنبي روحي جنبه ولا كلمك كلميه بعدين استدركي بطريقة فيها حنان وانوثه وخضوع وقولي له ادعي وهو ان يضع الرجل يده على جبين زوجته ويقول اللهم اعطني خيرها وخير ما جبلت عليه...شجعيه انكم تصلو ركعتين ...صدقيني كل الخوف وكل الرهبة وكل الضيقة سواء عندك او عنده بتروح...
واهم شيء حبيباتي ركزي على النظر...طالعي فيه بعيونه وما ينع الحياء استحي حلو بس لا كلمتيه طالعي بعيونه...لا يشوف فيك التكبر وشيفة النفس لا يشوف فيك انك سهلة ولا انك صعبة تقومي توتريه ويتصرف تصرف خاطيء بتندمي عليه طول عمرك
واخيرا اقولك ..زوجك جاي من بيئة ما تعرفيها له عادات وله طباع زيك انتي برضو لك عاددات وطباع...فادخلي القفص الذهبي وانتيفاهمه انه ممكن تغيري من طباعك مو بطريقة تزعجك بس بطريقة تريح الطرف الثاني ونفس الوضع هو....بس لا تحكمي عليه من اول ثلاث اربع سنين...صدقوني الرجل يتغير...وطريقة تعامل الزوجة معاه تخليه يتغير للأحسن او الأسوء
يعني ....القوة ما راح تعطيك شيء..لكن الأنوثه والدلع والخضوع من غير مهانه والاحترام الكبير الصادق يخلي لك حظوة
وبالنسبة للاخت الي تقول افرازات..هذه ممكن تكون طبيعية ...اذا ما تقدري تستشيري طبيبة حافظي على تغسيل المنطقة وتجفيفها كل شوي....واذا هي بس افرازات ولا في اصوات لأن قريت بالمنتددى هنا عن مشكلة خراب الأرحام واعراضها
والله يوفق الجميع...بس هاه لا تنسوني من الدعاء
يوووه نسيت اقولكم عني انا..انا كان في فترة ملكة قبل الفرحة وكنا عايشين جو رومنسي حميم بس بحدووووود وانا كنت اخاف على نفسي..وهو بعد كان يخاف علي....فرحي تسريحتي كانت بسيطة وماخليتها تحط بشعري سبراي وموس فكان شعري كأني مكرته..مكياجي مسحته وحطيت شيء خفيف ورسمت حواجبي وتعبت على عيوني بس(( تراني كويسة بالمكياج يعني دبرت عمري))
وكان قميصي من ناعومي...وحاطه تاتوه على الصدر..بعدين قلت له جيعاااااااااااااااااااااااااااااااااااااااانه(( وحدة خربتها)) ايش اسوي كان متفق مع واحد من اخوانه يحط لنا بوفيه في البيت وما اكلت شيء على الظهر ..وافراحنا ولله الحمد تخلص مع اذان الفجر يعني الواحد مو بس جيعان الا ميت جوووع خاصة اني قبل الزفة ما قدرت اكل شيء.المهم وانقضت ليله عادية ولما صحيت..وهنا اقولك فايدة الملابس الي تنفع تصير قميص او لبس بيت عادي....ولبست انسايلات الذهب في يدي ودبلتي ووشبشبي واخذت لفه على البيت وبعدين صحيته وقلت له يلا قوووم فرجني على البيت صراحة مو قادرة استحمل ما اشوفههاهاهاها
بس ترى..المرأة الغبية هي التي تستعجل في رفع الفستان والاغبى منها هي التي تتأخر في رفعه..واللبيب بالإشارة يفهم....فكل وحدة تشغل مخها وتشوف الي قدامها ايش وتحاول توصل له..لا تسمعي نصيحة وتاخذيها كمبدا...لا اذا شفتي انه عصب وطلع خلقه حاولي تنفتحي شوي وتقربي شوي...ولا تنسي تحسسيه بمشاعرك..خايفة قولي انا خايفة,,, خليك جنبي,,,متوترة قولي له امسك يدي وغمضي عينك وشيلي التوتر.....حسيتي بغصة..قولي له ضمني محتاجة تضمني
عودي نفسك تناديه حبيبي فلان...حياتي يا قلبي لا تناديه بأسمه مجرد
لييييييييييييييييييييييييش؟؟؟؟
عشان لما تزعلي..وبدك تحسسيه بزعلك جريه مع اسمه جر..فلاااااااااااان حااااف عشان يحس بالفرق
نصيحة اخيره..حافظي على جو غرفة نومك غير اجواء البيت ..ما حافصل كثير لأني تعبت بس راح اضرب لك مثال
يعني اذا اضاءة البيت بيضاء ركزي على الإضاءة الخافتة الصفراء في غرفة النوم..واذا بخرتي البيت..وغرفة النوم زيدي غرفة النوم رشة عطر عطرين ثلاث..بيكون مزيج حلو وخااااص لغرفة النوم
والله حبيباتي حابة اني افيدكم بس ما ادري الافكار تزدحم برأسي وانا تعبت ويدي على قلبي اخاف كل هالتعب يضيع وما ادري فين ينحذف الموضوع...ولنا عودة بإذن الله في تسريحات خفيفه تناسب الجميع
ادعولي ولزوجي وابنائي...بالصلاح والصحة