عرض علي استاجار مشعل وماني عارفة راسي من رجلي

مرحبا بنات انا بصراحة منزمان احلم اني اكون صاحبة مشغل

واليوم عرضت علي وحدة مشعلها بتأجرة علي بكامل معداته بس ماكو عاملات

عجبتني الفكرة خاصة اني ماعندي راس مال اقدر افتح مشعل ورخصة ودوخة لها اول مالها اخر

بس مترددة خايفة من الفشل

خاصة ان المشغل من غير عاملات واكيد تقديم العاملات يبي وقت ويبن راتب ثابت
وانتم عارفين ان المشغل مواسم وشغلة ماهو مستمر

ولازم يكون فيه عاملة ثابته بالمشعل تديره وانا مدرسة وام عيال ما اقدر


افيدوني بالي تعرفون عن هالمشروع

هي تقولي ان المشغل له زباين والزباين جايبتهم العامله السورية اللي كانت تشتغل فيه اول
لكن العاملة انتقلت ألى مشغل ثاني

الي عندها خبرة بهالموضوع تساعدني جزاها الله خير

خاصة ان البنت تبي الرد بسرعة

7 تعليق 616 مشاهدة

شاركي في النقاش

سجلي الدخول لإضافة تعليق.

التعليقات

7
  1. اختي اولاً استخيري ثانياً توكلي على الله واستأجريه اذا ارتحتي للموضوع بعد الاستخاره .. مع اني ما فهمت وش الي تبينه بالظبط !! لكن انتي اكيد بتجيبين عاملات وشوفي شغلهم لازم يكون مظبوط وما دام المشغل له زباينه صدقيني راح يجون ويستمرون اذا كان شغل العاملات الي جبتيهم لايقل عن شغل العاملات الي كانو فيه من قبل.. والله يوفقك ان شاء الله البنات يفيدونك اكثر مني تراهم مايقصرون....
  2. صاحبة الموضوع
    الف الف شكر لكي اختي اخيرا


    وانشالله راح استخير واسمع نصيحتك


    والي ابيه بالضبط

    من البنات اللي عندهم خبرة بهالمجال اكيد نضرتهم تختلف عني لني متلهفه له وما عندي خبرة
    واخاف ااجرة واكون تسرعت

    يعني مشغل بهذي الموهلات ينفع ولا لا

    خاصة انها بتأجرة لي 6اشهر بـــ12 الف ريال

    يعني هل يستاهل المشغل وما فيه عاملات
  3. @bhr_alzyn1

    نصيييييييييييييييحه

    اذا انتي غير متفرغه للمشغل اصححححححي تستأجريه

    ترى المشاغل يبي لها تفرغ كاااااااااامل وطولة بال ومتابعه

    عن تجربه (وفشلت فيها)

    المشغل يبي له صبر على الأقل سنه كااااااااااامله ودعايه ومتابعة ومراقبة عاملات
    وتحمل للزباين يجيك ناس من كل شكل اللي عندها اسلوب واللي ما عندها وترفع ضغطك
    وتحاولين تضغطي على اعصابك عشان تكسبي الزبونه

    واريح لك استخيري
  4. من ناحية انه يستاهل 12 الف في 6 شهور !! اقولك ايه يستاهل لانك بتستاجرينه بكامل معداته اصلا لو تاخذينه كمحل فاضي اكيد راح يطلع عليك ب 24 الف في السنه !! مع اني ما ادري وين مدينتك بالظبط بس اتوقع انك في الرياض والاجارات هناك غاليه ( انا في مدينه صغيره تابعه لمدينة الرياض اجار المحلات الي مساحتها صغيره يعني مثلا حلاق رجالي 7000 ريال والمشغل يالله يكفيه محلين او ثلاثه يعني الاجار عندنا من 14ــــــ 21 ألف !!) حسب معلوماتي فيه مشغل في حي الخليج في الرياض اجاره ب 30 ألف عاد انتي قيسي على حسب الحي وعمر العماره الي بتستاجرين فيها !!
  5. @hla_98_1

    الايجار حلو بس قبل لاتاجرين دبري الكوافيرات عشان ماتتورطين ترى الايام تمشي بسرعه

    بس المحل وين ؟؟؟ وكم كرسي فيه ؟؟؟ على الاقل تبين 3 كوافيرات ,,, فيه قسم خياط او لا

    فكري كويس

    وبالخدمه اذا احتجي اي شي

تابعي تجارب أخرى من هذا القسم.