ماجربت الولاده الطبيعيه بس اللي جربت الطبيعي او الطبيعي والقيصري/تم الدمج

@am_ahl_ordtyn

هلا اخواتي

اتكلم انا وسلفتي عن الولاده قالت اعوذ بالله تولدين قيصري قلت القيصري تعب والطبيعي تعب :06:

قالت من قال ان الطبيعي تعب الطبيعي سهل وكلها مغص زي الدوره وتروحين للمستشفى ساعه بالكثير ساعتين

وتتم الولاده قلت انا ماجربتها صح بس اسمع عنها قالت هالحريم يكذبون عليك يخافون تحسدينهم عشانك تولدين

قيصري :42:

قلت يمكن انتي تاخذين ابره الظهر حلفت قالت لالالا مستحيل اخذها اخاف منها

قالت ولو الولاده الطبيعيه صعبه ومميته كان ماشفتيني كل سنه حامل


مادري ساعات اقول يمكن بس تبي تضيق صدري لاني اولد قيصري :(

وساعات اقول فعلا هي تجيب عيالها وراء بعض ودائمآ تقول عندي استعداد للولاده كل سنه عادي والولاده مو


مستاهله كل خوف هالحريم وكلامهم



قلت لاامي قالت والله الولاده موت

هل الولاده الطبيعيه سهله

واللي جربت القيصري والطبيعي وش كان اصعب فيهم


:26::26::26:

98 تعليق 45,320 مشاهدة

0 0

شاركي في النقاش

سجلي الدخول لإضافة تعليق.

التعليقات

92

  2. معليشش الوولاده عمرها ماكانت سهله اسهل ولاده صعبه ، الفرق بين الطبيعي والقيصري القيصري وقت الولاده ماتحسين مبنجه لكن بعدها الالم مو طبيعيه عكس الطبيعي وقت الولاده الم وبعدين الحمد لله الام خفيفه كم يوم هذا كلااااام الغالبيه ،اما سالفة انها لو مؤلمه كان ماخلفوا هاذي سنة الحياه سبحان الله الاجر العظيم من الله وكثير بنات لما يجوون يحملوون يفكروون مية مره والسبب الولاده

  3. @smsomh_1

    اهلين

    ههههههههههههههه اما سلفتك نكته اجل الولاده ساعه ساعتين هههههه

    الولاده الطبيعيه موووت زي ما قالت امك الله يحفظها احيانا الوحده تجلس يومين واقل شي 6 ساعات

    والفرق بين الطبيعي والقيصري ان الطبيعي تتعب الوحده في ولادتها بس اذا طابت الحمدلله ما تحس بشي بعدين يعني اقصد الاشهر بعد الولاده لانها سبحان الله شي طبيعي والله سبحانه هو الي كتب هالشي ,, اما القيصري فالحرمه ماتتعب في ولادتها لانها مبنجه وما تحس بشي بس بعدين تتعب من مكان العمليه وتقعد كم شهر تحاظ على نفسها على شان الشق الي بالبطن ..

    فكلا الحالتين الولاده تعب الله لا يحرمنا الاجر

  4. @mrym_gordy

    وش اللي اسهل طلق يوم كامل وطلعة الطفل

    كل هذي سهله مستحيل اخر ولاده لي كانت اسهل ولاده

    كانت 7ساعات وفرحانه وابشر انها سهله

    لااختي مي سهله لاكن بعد ماتولدين وتخلصين خلاص ترتاحين

    اما العمليه بعد الولاده يبدا التعب

    طيب انتي ليش تسالين انتي اللي تختارين تولدين عمليه؟

  5. @am_ahl_ordtyn

    صاحبة الموضوع
    night_anday
    معليشش الوولاده عمرها ماكانت سهله اسهل ولاده صعبه ، الفرق بين الطبيعي والقيصري القيصري وقت الولاده ماتحسين مبنجه لكن بعدها الالم مو طبيعيه عكس الطبيعي وقت الولاده الم وبعدين الحمد لله الام خفيفه كم يوم هذا كلااااام الغالبيه ،اما سالفة انها…
    انا مثلك بس ماجربت



    انا بعد اقول كذا بس تقول عشانك ماجربتي الطبيعي لاتتكلمين قلت اسالكم يمكن القى اجابه

    والحمد لله على كل حال قيصري او طبيعي

    وماقصرتي

تابعي تجارب أخرى من هذا القسم.