ملتقى الاجهزة الكهربائية واي موضوع اخر سوف يحذف او يدمج

عدنا من جديد مع غسالة الصحون..

اول شئ اللي عندي ماركتها ال جي..
اخذتها من اكسترا..
السعر 2300 تقريبا.."طبعا السعر يرتفع حسب الضمان"
خطها 220..
الصناعة مالقيتها بالكتالوج..يمكن على الجهاز من الخلف لي شفتها علمتكم..
هاذي صورتها في المطبخ..


طبعا انا ماجت عندي الا بهالشكل لاني لو دخلتها زيادة ماعاد اقدر افتح بابها..فخليتها بشكل زاوية..
لازم تكون قريبة من حوض الغسيل علشان تمديدات الماء..
تحتاج تمديدين واحد لادخال الماء وواحد تصريف للماء..
الازار حقتها كلها بالعربي والكتالوج بعد..
وهذا شكل المنيو حقها..


تختارين درجة الغسيل اللي تحتاجين..فيه جرس يرن اذا خلصت الغسيل..فيها رز تأمين ضد عبث الاطفال بالازرار..
تقدرين تختارين نص الحمل اذا ماكانت مليانة مواعين..وطبعا يخيرك ايهم تبغين تغسلين الرف العلوي او السفلي..
فيها خيار تاجيل الوقت..يعني تحددين له متى تبدأ تغسل بعد ساعتين او ثلاث..حسب اختيارك..
كثافة الرش انتي تتحكمين فيها اما كثيف او عادي او خفيف..
انا غالبا اختار نظام الغسيل او تو ماتيكي وهالخيار يشتغل من نفسه بدون ما تحددين اي خيارات اخرى..


الزر اللي مكتوب عليه طاقة..اهو اللي يشغل الغسالة..واللي مكتوب عليه تشغيل وتوقف اهو اللي يشغلها وممكن توقفينها باي وقت وتفتحينها..
فيه رز مكتوب عليه توفير الوقت اذا ضغطتي عليه يقل الوقت اللي تستغرقه الغسالة في الغسيل..

هذا المكان اللي ينحط فيه الصابون ومساعد الشطف"الملمع" ويكون في باب الغسالة طبعا..


اللي مربع ومفتوح مكان الصابون وفيه منه بودرة وشئ سايل..وهذا لازم تعبينه في كل غسلة..
واللي مدور مكان ملمع الشطف تفتحينه وتحطينة فيه..وما يخلص الا كل شهر تقريبا..

اما مكان الملح فيكون في اسفل الغسالة تحت الرفوف..
وهذا مكانه..


تفتحين الغطاء المدور وتحطينه..وعموما يمكن ما تحتاجين تضيفينه الا مره بالشهر او اقل بعد..

وهاذي صورة المنظفات حقتها..


الكرتون الملح..
واللي بعد الابيض هذا صابون سائل"للحين ماجربته"
واللي لونه اخضر هذا مساعد الشطف..
واللي لونه احمر هذا صابون بودرة..
وهذا شكل الرف العلوي وهو فيه مواعين..


وهذا شكل الرف السفلي..

فيه سله خاصة للملاعق والشوك والسكاكين..
الصراحة تغسل كل شئ من الزجاج للميلامين للتيفال للقدور حتى المعدن..يعني هالقدر احطه فيها ما تغير ولا شئ..

وحتى البلاستيك الرقيق مثل اللي بالصورة..وحتى اللي فيه لمعه مثل فناجين القهوة التركي..حطيتها وما لاحظت تغير او بهتان..


بس لاحظت ان السكين اللي ممسكها خشب صار الممسك خشن شوي بس..


طبعا الغسالة وهي تشتغل تبين لك كم درجة حرارة الماء بالداخل ..وكم باقي من الوقت علشان تخلص دورتها..وتبين لك اهي باي مرحلة من الغسل..شطف او تجفيف..بهالشكل..


اتمنى يكون شرحي واضح ووافي..واي سؤال انا بالخدمة..

ام فوفو الله يسعدك روووعة ماشاء الله
بس بسالك يعني ماتطلع المواعين متسخه
وكم تاخذ من وقت الين ماتخلص ؟؟؟؟؟؟؟؟؟؟