كل ام تنوم اطفالها الرضع في غرفه لوحدهم تتفضل

:icon28::icon28::icon28:

كويس رجعو الموضوع يلااا ياحلوااات ننتضر تجاربكم

أم مؤيد حبيتي ليش زعلانه ومعصبه

هذي حال المواضيع
واختلاف الرأي لايفسد للود قضيه

بالنسبه للتعويد اهم شي ابنك يكون راضع وشبعان
والحفاظ نظيف وحطي عنده جهاز اذا بكي روحي له وانش الله مافيه خووف

الله يكون بعونك على الشاوير بين غرفتك وغرفته خاصه اذا كان يمص مصاصه لانها اذا طاحت من فمه لازم تروحين ترجعينها

للرفع

وياليت الاخوات اللي عندهم خبرة ما يبخلون علينا بالردود

راح اكتب الطريقة اللي عودت بنتي عليها حتى تنام 6 او 7 ساعات متواصلة .. وان شاء الله تنفعكم وتفيدكم

هذي الطريقة طبعا تعلمتها من كورس حضرته للاباء والامهات اللي يعانون مع اطفالهم وما ينامون الليل .. لاني كنت تقريبا طول الليل صاحية وان نمت مو اكثر من ساعتين .. :(

اهم ما علمونا في هذا الكورس انه نعود الطفل انه يفصل بين الرضاعة وبين النوم .. لانه الطفل لما يصحى بالليل كل ساعة او ساعتين مو شرط يكون جوعان لكن يريد انه ينام بالحضن وهو يرضع ..

اللي نسويه اولا : انه نخلي الطفل يتعب تمام .. يعني لو موعد النوم الساعة 12 بالليل ما اخلي بنتي تنام من الساعة 8 واشغلها باللعب والاكل والاستحمام ( لاني اكلتها على عمر 4 شهور )

ثاني شي: اخر رضعة قبل النوم .. لو نام الطفل وهو يرضع نصحيه بأي طريقة نقطع الرضاعة ونلاعبه ولما يصحى نرضعه مرة ثانية لحد ما نحس انه شبع .. ساعتها نخليه يتجشأ و نغير الحفاظ وانتو بكرامة ونحطه في سريره وغرفته تكون ظلمة وهادئة والستارات مغلقة والاحسن يكون لابس ملابس النوم الكاملة حتى ما يحتاج للبطانية.. ولازم لازم يكون صاحي لما نحطه في السرير .. ونسمي عليه طبعا ونتركه ونغلق الباب .. بالعادة الطفل راح يبكي لان يريد ينام وهو يرضع نتركه يبكي خمس دقائق بعدين ندخل عليه نحمله ونغير نومته او فقط مجرد ان يسكت نرجعه للسرير ونطلع ... واكيد راح يبكي مرة ثانية فنتركه يبكي 10 دقائق .. ثم ندخل عليه وهكذا لحد ما يتعب وينام .. ونكرر هالشي بالليل او الظهر اي وقت ينام فيه الطفل .. وبالتدريج نزيد المدة اللي نترك الطفل فيها يبكي من 5 الى 10 الى 15 دقيقة وهكذا ..

اللي راح يصير انه راح يتعود تحطيه في سريره وتطلعين من غير هز او رضاعة وينام لوحده وبهدوء .. وسبحان الله راح تزيد مدة نومه تدريجيا ويصير ينام طول الليل ..
اهم شي تتأكدين انه شبعان ونظيف ومو مريض وبكاءه لانه يريد ينام وهو يرضع مو لاي سبب ثاني ..
اقصى الحالات تطول اسبوع لحد ما يتعود الطفل انه تحطيه في سريرة وينام من غير صوت .. مع انه بنتي تعودت بعد يومين ..

بنتي من عمرها 4 شهور ولحد الان احطها في سريرها و اطلع وما اسمع صوت بعدها .. ولو مرات بكت مجرد ادخل اتطمن عليها و لو ما كان فيها شي اسمي عليها واقرا قرآن واتركها .. ما احاول ابدا ولأي عذر انه انومها عندي او في سريري او في حضني .. لما صار عمر بنتي سنة كانت تنام 10 - 11 ساعة في الليل ما شاء الله تبارك الله .. لما كانوا يجوني ضيوف يتعجبون من طريقة نومها انها ما تبكي بعد ما اطلع من غرفتها وصاروا يتعلموها مني ويعلموها لاصحابهم اللي متعذبين مع اطفالهم ..

اي سؤال اني حاضرة على العام او الخاص .. :26: