سبحان الله كانت حياتنا ماشيه طبيعيه
مع أن لي انتقادات على شخصيتة زوجي وفكرت من ثاني شهر بالانفصال بسبب عصبيته ونرفزته الزايده عند كل شي
مشكلة زوجي أنه عملي ودقيييييييييييييييق في كل شي
مايبيك تغلطين بشي ،،، كل شي لازم صح
كل شي تسوينه لازم تكونين مركزه فيه ،،،، ما عاد أحس بحياتي أي شي عفوي كل شي أركز فيه حتى ما أغلط
انا كنت عايشه بوسط عائله كبيره وتصرفاتنا عفويه تلقائيه بلا قيود ولا حساب
مانخطط لشي ،،، كل شي نسويه بساعته ونستمتع فيه
صحيح أني تعبت نفسيا بسبب الرسميه والعمليه معه بس يوم جاء الجد وابتعدت عنه حسيت بشوق له
وبعد خايفه من كلمة مطلقه وكيف بعلم أمي وأبوي
وهالجنين اللي ماله ذنب ،،،
زوجي كان ينتقدني مو لوجود عيوب فيني سبحان الله هذا طبعه بس ينتقد كل احد وكل شي
الحمدلله أنا حلوه وعندي وظيفه وعندي ثقه بنفسي ومن زود ثقتي بنفسي دوم يقولي انتي شايفه نفسك
تحطمت من كثر أنتقاداته وعصبيته وضعفت شخصيتي صرت أحس ما عاد لي رأي
ما أنكر وجود صفات زينه فيه وهي اللي خلتني أصبر على عصبيته
بس حتى هو شكله مل مني
اتفقنا عالطلاق بكل هدوء
بس اللي متعب نفسيتي اني توني عروس مالي 7 شهور
وش بيقولون عني الناس؟
يمكن لو ماحملت بيكون الامر علي هين
والله يابنات محد يدري عن تفاصيل قصتي الا الله ثم أنتم حتى خواتي اللي معي بالبيت مايدرون وش السالفه
قلت خلاف بسيط وعلى بالهم برجع بعد اسبوع
خلاص زوجي مصمم عالطلاق ومافيه أمل يغير رايه ابد
واخر رساله له البارح يقول معك فرصه 3 شهور تجين وتاخذين كل اغراضك اللي بالشقه
أجوكم يابنات لا تتركوني بهالوقت لاني من جد تعبانه نفسياااااااااا واتمنى اغمض عيوني وافتح الا أنا لي سنين مطلقه
حتى ارتاح من هالتعب
زوجي ماراح يطلقني الا بعد الولاده لاني طلبت منه هالشي
¨°o.O ! بيت الأمل بعد الألم(تجمع المنطلقات)! O.o°¨
متابعة النقاش، صفحة 90