زوجي جاته دوره لمريكا ... وش الحل ؟؟

زوجي بيروح امريكا شهر خمسه دوره لمدة 8 شهور من العمل .. توه علمني البارحه وبصراحه صدري ضاق علي ..
اول شي ما بياخذني معه يقول ما يقدر ياخذنا قبل ما يرتب الأمور هناك .. طبعا اذا ما اخذني الآن مستحيل ياخذني بعدين ..

ثاني شي بروح لأهلي وكل اخواتي يدرسون وما اقدر اتحمل فكرة تغير الوضع علي من الحرية المطلقه في بيتي ومع زوجي الى العوده لبيت اهلي .. لا تقولون هذولا اهلك وما ادري ايش .. اعرف والله اهم احب الناس بس انا تغيرت بعد الزواج وتعودت على نمط معين احس راح اتعب عندهم .. خصوصا ان عيالي اشقياء شوي ..

ثالث شي هذي 8 شهور ياناس كيف ابعد عنه 8 شهور في ايش اقضيها .. كيف اسلي نفسي عنه والله صدري بيختنق من الضيقه .. وهو اول ما قالي شجعته بقوه لأني اعرف انها فرصه ماراح تتكرر له .. حتى بيتنا اللي بيبنيه قلت له يوقفه مستقبله اهم ..

رابع شي احس كل العالم قاعدين يمشون لقدام الا انا محلك سر .. كل يغير من حياته ويتقدم في عمله الا ان ما تغير فيني شي من يوم تزوجت .. لكن على الأقل وهو معنا اقدر احس بنفسي بس اذا راح وش اسوي .. ادري بتقولن لا تعيشين في ظله وكوني لفسك حياه مستقله نوعا ما لكن هذا الشي مستحيل في دولة مثل دولتنا اللي مالنا وجود فيها الا برجالنا .. ولا كيف وحده مثلي متخرجه من 7 سنين ما تلاقي وظيفه .. وعندي دورات حاسب ومستوى متقدم لغه انجليزي .. يارب صبرني

دلوني يا بنات ساعدوني كيف اهون الموضوع على نفسي وانظر له بطريقة ايجابيه بحيث اني ما أأثر على زوجي ؟؟؟

130 تعليق 13,022 مشاهدة

شاركي في النقاش

سجلي الدخول لإضافة تعليق.

التعليقات

120
  1. @olive_oil

    صاحبة الموضوع

    المشاركة المقتبسة غير متاحة.

    الله يسعدك قولي لي كيف طريقة الفيز وهل صحيح اني اتصور بدون غطاء راس ؟؟ انا عندي جواز بس ابغى اجدده واسمعهم يقولون الصوره بدون غطاء راس ؟؟ وهل صحيح ان السكن هناك غالي ؟؟
  2. @olive_oil

    صاحبة الموضوع

    المشاركة المقتبسة غير متاحة.

    طيب دلوني وشهي الاجراءات علشان ما يجيب لي اعذار .. كم يبغى للفيز لين تطلع ؟؟ وكيف السكن غالي ؟؟ التذاكر من العمل ماراح اشيل همها .. واللي راحو كيف كان تعاملهم وكيف التفتيش ؟؟ هل انكروا عليك الحجاب ؟؟

    ياليت تفيدوني بخبراتكم علشان اقدر اقيم الظرف واحكم عليه ..
  3. @allh_ykhlyly_zogy

    حبيبتي والله انا انصحك انك تحاولين تقنعينه وتروحين معه-منها تجربين العيشه برا شوي ومنها تكونين معه وماتشعرين بالضيقه-والله يوفقك-وطمنينا عنك-

تابعي تجارب أخرى من هذا القسم.